Earthquake today : 4 రాష్ట్రాల్లో భూకంపాలు.. భయాందోళనలో ప్రజలు!

Earthquake today in India : ఇండియాలో శుక్రవారం ఉదయం నుంచి 4 రాష్ట్రాల్లో భూకంపాలు సంభవించాయి. భూ ప్రకంపనల తీవ్రత అధికంగా లేకపోవడంతో అందరు ఊపిరి పీల్చుకున్నారు. కానీ.. భూమి కంపించడంతో, అనేక ప్రాంతాల్లోని ప్రజలు భయాందోళనకు గురైనట్టు తెలుస్తోంది.

ఈ 4 రాష్ట్రాల్లో భూకంపాలు..

కర్ణాటకలోని విజయపురా జిల్లాలో శుక్రవారం ఉదయం 6 గంటల 50 నిమిషాల ప్రాంతంలో.. 3.1 తీవ్రతతో భూకంపం సంభవించింది. భూమికి 10 కి.మీల దిగువున ప్రకంపనలు వెలుగు చూసినట్టు నేషనల్​ సెంటర్​ ఫర్​ సీస్మోలాజీ తెలిపింది.

Tamil Nadu earthquake today : మరోవైపు.. ఉదయం 7 గంటల 40 నిమిషాల ప్రాంతంలో.. తమిళనాడులోని చెంగల్​పట్టుకు సమీపంలో 3.2 తీవ్రతతో భూమి కంపించింది. భూమికి 10కి.మీల దిగువన భూకంపం నమోదైంది.

గంట తర్వాత.. ఈశాన్య భారత దేశంలోని మేఘాలయలో కూడా భూకంపం సంభవించింది. రికార్ట్​ స్కేల్​పై భూకంపం తీవ్రత 3.8గా నమోదైంది. షిల్లాంగ్​కు 18కి.మీల నైరుతి వైపు ఈ భూకంపం వెలుగులోకి వచ్చింది.

Karnataka earthquake today : కాగా.. చివరి భూకంపం.. గుజరాత్​లో వెలుగులోకి వచ్చింది. రాజ్​కోట్​లో ఉదయం 9 గంటల ప్రాంతంలో.. రిక్టార్​ స్కేల్​పై 3.9 తీవ్రతతో భూమి కంపించింది. భూమికి 20కి.మీల దిగువన భూకంపం నమోదవ్వడంతో పెద్దగా ప్రభావం చూపించలేదు.

భూకంపాల తీవ్రత అధికంగా లేనందున.. 4 రాష్ట్రాల్లో ఎలాంటి ప్రాణ, ఆస్తి నష్టం జరగలేదని తెలుస్తోంది.

భూకంపాలు పెరుగుతున్నాయి..!

India earthquake latest news : దేశంలో భూకంపాల ఘటనలు గత కొంతకాలంగా పెరుగుతున్నాయి. మరీ ముఖ్యంగా దిల్లీ, ఉత్తర్​ ప్రదేశ్​ పరిసర ప్రాంతాల్లో భూకంపాలు ఆందోళనకు గురిచేస్తున్నాయి. అటు నేపాల్​లో భూకంపం సంభవించినా.. ఈ ప్రాంతాల్లో భూమి కంపించడం ఆందోళనకు గురిచేస్తోంది. మరీ ముఖ్యంగా.. అర్ధరాత్రి సమయంలో అందరు నిద్రిస్తున్న వేళ భూకంపాలు వెలుగుచూడటం, ప్రజలు ఇళ్ల నుంచి బయటకు పరుగులు తీయడం జరుగుతోంది. ఈ దృశ్యాలు సోషల్​ మీడియాలో వైరల్​గా మారుతూనే ఉన్నాయి.

ప్రపంచవ్యాప్తంగానూ ఇదే పరిస్థితి కనిపిస్తోంది. ఐస్​ల్యాండ్​లో అక్టోబర్​ నెలలో 14 గంటల వ్యవధిలో ఏకంగా 800కుపైగా భూకంపాలు నమోదయ్యాయి. ఫలితంగా.. అక్కడి ప్రభుత్వం, దేశవ్యాప్తంగా ఎమర్జెన్సీని ప్రకటించాల్సి వచ్చింది. ఐస్​ల్యాండ్​లోని నైరుతి ప్రాంతంలో ఉన్న రేక్జాన్స్ ద్వీపకల్పాన్ని భూప్రకంపనలు వణికించాయి. అయితే.. ఆ ప్రాంతంలో ఉన్న అగ్నిపర్వతం బద్ధలయ్యే ముందు, భూకంపాలు సంభవిస్తున్నాయని, నిపుణులు అభిప్రాయపడుతున్నారు. పూర్తి వివరాల కోసం ఇక్కడ క్లిక్​ చేయండి.