Iceland earthquakes : 14 గంటల్లో 800 భూకంపాలు.. ఐస్​ల్యాండ్​లో ఎమర్జెన్సీ!

Iceland earthquakes : వరుస భూకంపాలతో ఐస్​ల్యాండ్​ అల్లాడిపోయింది! 14 గంటల వ్యవధిలో 800కుపైగా భూకంపాలు.. ఆ దేశాన్ని గడగడలాడించాయి. ఫలితంగా.. అక్కడి ప్రభుత్వం, దేశవ్యాప్తంగా ఎమర్జెన్సీని ప్రకటించింది.

ఐస్​ల్యాండ్​లో భూకంపాలు..

ఐస్​ల్యాండ్​లోని నైరుతి ప్రాంతంలో ఉన్న రేక్జాన్స్ ద్వీపకల్పాన్ని భూప్రకంపనలు వణికించాయి. అయితే.. ఆ ప్రాంతంలో ఉన్న అగ్నిపర్వతం బద్ధలయ్యే ముందు, భూకంపాలు సంభవిస్తున్నాయని, నిపుణులు అభిప్రాయపడుతున్నారు.

"భూకంపాల తీవ్రత మరింత పెరగొచ్చు. తద్వారా అగ్నిపర్వతం బద్ధలయ్యే అవకాశం ఉంది. ప్రజలు అప్రమత్తంగా ఉండాలి. ఎమర్జెన్సీని విధిస్తున్నాము," అని ఐస్​ల్యాండ్​ సివిల్​ ప్రొటెక్షన్​ అండ్​ ఎమర్జెన్సీ మేనేజ్​మెంట్​ విభాగం.. ఓ ప్రకటన విడుదల చేసింది.

Iceland earthquakes eruption today : అగ్నిపర్వతం.. ఇప్పటి నుంచి ఎప్పుడైనా బద్ధలవ్వొచ్చని ఐస్​ల్యాండ్​ వాతావరణశాఖ పేర్కొంది. అయితే.. అగ్నిపర్వతం లోపల ఉన్న లావా బయటకు రావడానికి కొన్ని రోజుల సమయం పడుతుందని వెల్లడించింది.

స్థానిక కాలమానం ప్రకారం.. శుక్రవారం సాయంత్రం 5 గంటల 30 నిమిషాలకు.. రేక్జాన్స్​కు 40 కి.మీల దూరంలో రెండు భూకంపాలు వెలుగులోకి వచ్చాయి. ఆ తర్వాత.. గ్రిండవిక్​ అనే ప్రాంతాన్ని వరుస భూకంపాలు వణికించాయి. ఆ ప్రాంతంలో దాదాపు 4వేల మంది నివాసముంటున్నారు. పరిస్థితులు మరింత తీవ్రంగా మారితే.. వారందరిని అక్కడి నుంచి తరలించేందుకు అధికారులు సిద్ధమవుతున్నారు.

Iceland earthquakes eruption : గ్రిండవిక్​ ప్రాంతంలో ఎమర్జెన్సీ షెల్టర్లు, హెల్ట్​ సెంటర్లను ఏర్పాటు చేస్తోంది స్థానిక యంత్రాంగం. కాగా.. ఐస్​ల్యాండ్​లో తాజాగా వచ్చిన భూకంపాల్లో గరిష్ఠ తీవ్రత రిక్టార్​ స్కేల్​పై 5.2గా నమోదైనట్టు తెలుస్తోంది.

అగ్నిపర్వతాలతో భయం భయం..!

అంతేకాకుండా.. ఉన్న రేక్జాన్స్ ద్వీపకల్పంలో 14 గంటల వ్యవధిలో 800 భూకంపాలు సంభవించగా.. అక్టోబర్​ నుంచి మొత్తం మీద 24వేల ప్రకంపనలు రికార్డు అయ్యాయి.

Iceland earthquakes today : 2021 నుంచి రేక్జాన్స్ ద్వీపకల్పంలో అగ్నిపర్వతాలు 3సార్లు బద్ధలయ్యాయి. మార్చ్​ 2021, ఆగస్ట్​ 2022, జులై 2023లో ఇవి అక్కడి ప్రజలు భయపెట్టాయి.

2010లో ఐస్​ల్యాండ్​కు దక్షిణ భాగంలో జరిగిన అగ్నిపర్వతం ఘటన కారణంగా లక్షకుపైగా విమానాలు రద్దు అయ్యాయి. ఐల్యాండ్​లో 10 మిలియన్​ మంది పర్యటకులు చిక్కుకుపోయారు!

ప్రపంచాన్ని వణికిస్తున్న భూకంపాలు..

నవంబర్​ 4న నేపాల్​లో భూకంపం సంభవించింది. భూకంపం ధాటికి నేపాల్​ గడగడలాడిపోయింది. మృతుల సంఖ్య 140 దాటింది. పాల్​కు వాయువ్యంవైపు ఉన్న జుమ్లా అనే ప్రాంతానికి 42కి.మీల దూరంలో భూప్రకంపనలు నమోదయ్యాయి. పూర్తి వివరాల కోసం ఇక్కడ క్లిక్​ చేయండి.