Car accident : ఎనిమిది సార్లు పల్టీ కొట్టిన కారు- కూల్​గా దిగి ‘టీ’ అడిగిన ప్రయాణికులు.. వైరల్​ వీడియో

రాజస్థాన్​లో జరిగిన ఓ కారు ప్రమాదానికి సంబంధించిన దృశ్యాలు ఇప్పుడు సోషల్​ మీడియాలో వైరల్​గా మారాయి. ఓ కరు 8సార్లు పల్టీ కొట్టింది! ఆ తర్వాత, లోపలున్న ప్రయాణికులు కూల్​గా కారు దిగి, 'టీ' తాగాలని అనుకున్నారు!

ఇదీ జరిగింది..

నాగౌర్ జిల్లాలోని ఓ హైవేపై శుక్రవారం జరిగిన ఈ రోడ్డు ప్రమాదంలో ఐదుగురు ప్రయాణికులు సురక్షితంగా బయటపడ్డారు.

మీడియా కథనాల ప్రకారం ప్రమాదం సమయంలో ఎస్​యూవీలో ఐదుగురు ప్రయాణికులు ఉన్నారు. హైవేపై వేగంగా వెళ్తున్నప్పుడు, డ్రైవర్ టర్న్ తీసుకుంటుండగా వెహికిల్​ అదుపుతప్పి బోల్తా పడింది. క్షణాల్లో కారు ఎనిమిదిసార్లు పల్టీలు కొట్టింది. చివరికి అక్కడే ఉన్న ఒక కారు షోరూం ఎదుట ఆగింది. చుట్టూ శిథిలాలు చెల్లాచెదురుగా పడివున్న స్థితిలో వాహనం మిగిలిపోయింది.

ప్రమాదం తీవ్రత ఉన్నప్పటికీ ప్రయాణికులెవరికీ గాయాలు కాలేదు. షోరూం ముందు తలకిందులుగా ఉన్న కారును అక్కడి దృశ్యాలు చూపిస్తున్నాయి. ఇది ప్రమాద తీవ్రత ఏ స్థాయిలో ఉందో స్పష్టంగా చెబుతోంది.

సోషల్​ మీడియాలో వైరల్​గా మారిన వీడియోని ఇక్కడ చూడండి..

కూల్​గా దిగి 'టీ' అడిగారు..!

వాహనం పల్టీలు కొడుతుండగానే డ్రైవర్​ కిందకి దూకేయగలిగాడు. కారు ఆగిన తర్వాత మిగిలిన నలుగురు ప్రయాణికులు బయటకు వచ్చారు.

ఆ తర్వాత.. వారందరు కారు షోరూంలోకి వెళ్లి ‘టీ’ కావాలని అడిగారు!

"ఎవరికీ గాయాలు కాలేదు. ఒక్క స్క్రాచ్ కూడా లేదు. లోపలికి వెళ్లగానే టీ కావాలని అడిగారు,' అని షోరూంకు చెందిన సిబ్బంది తెలిపారు. ఇంత ఘోర ప్రమాదం జరిగినప్పుడు ప్రయాణికులు తేలికగా స్పందించడం అక్కడి వారిని విస్మయానికి గురిచేసింది.

నాగౌర్ నుంచి బికనీర్ వెళ్తుండగా ఈ ఘటన చోటుచేసుకుంది. ప్రమాదానికి కచ్చితమైన కారణాలపై దర్యాప్తు జరుగుతోంది. అయితే ప్రమాదానికి అతివేగం ప్రధాన కారణం అయ్యుండొచ్చని అధికారులు భావిస్తున్నారు.

సజీవదహనం..

ఇదే రాజస్థాన్​లో కొన్ని రోజుల క్రితం ఒక ఘోర ప్రమాదం చోటుచేసుకుంది. జైపూర్​లోని అజ్మీర్ హైవేపై శుక్రవారం ఉదయం ఘోర ప్రమాదం చోటుచేసుకుంది. పెట్రోల్ బంకు వద్ద ఓ ట్రక్​, కెమికల్స్​ ఉన్న ట్యాంకర్​ని ఢీకొనడంతో చెలరేగిన భారీ అగ్నిప్రమాదంలో ఐదుగురు సజీవదహనం అయ్యారు. ఈ ఘటనలో మరో 36 మంది గాయపడ్డారు. పేలుడు ధాటికి ఆ పక్కనే ఉన్న పైపు ఫ్యాక్టరీ, పెట్రోల్ బంకుతో సహా ఆ ప్రాంతమంతా మంటలు వ్యాపించాయని, మరో 20 సీఎన్​జీ కార్లు, ఒక స్లీపర్ బస్సు సహా 40 వాహనాలు దగ్ధమయ్యాయని అధికారులు తెలిపారు. పూర్తి వివరాల కోసం ఇక్కడ క్లిక్​ చేయండి.