Sweet Potato Cutlet Recipe : చలికాలంలో చిలగడదుంప కట్లెట్.. ఆరోగ్యానికి బెస్ట్..

Sweet Potato Cutlet Recipe : చిలగడ దుంపలతో కట్లెట్ ఏంటి అని ఆశ్చర్యపోతున్నారా? కానీ ఒక్కసారి తింటే.. ఇన్ని రోజులు దీనిని ఎందుకు మిస్​ అయ్యాము అనిపిస్తుంది. అంత రుచికరంగా ఉంటాయి. వీటిని తయారు చేయడం కూడా చాలా సులువు. పైగా చిలగడదుంప ఆరోగ్యానికి మంచిదని అందరికీ తెలుసు. మరి ఈ కట్లెట్ ఎలా తయారు చేయాలి.. కావాల్సిన పదార్థాలు ఏమిటో ఇప్పుడు తెలుసుకుందాం.

కావాల్సిన పదార్థాలు

* చిలగడదుంపలు - 4

* అల్లం, పచ్చిమిర్చి పేస్ట్ - 1 టీస్పూన్

* శనగపిండి - 3 స్పూన్లు

* చాట్ మసాలా - 1 టీస్పూన్

* ఆమ్చూర్ పొడి - అర టీస్పూన్

* నిమ్మరసం - 1 టీస్పూన్

* జీలకర్ర - 1 టీస్పూన్

* గరం మసాలా - పావు టీస్పూన్

* ఉప్పు - తగినంత

* నూనె - డీప్ ఫ్రైకి సరిపడినంత

తయారీ విధానం

చిలగడదుంపలను మెత్తగా ఉడికినంత వరకు ఓవెన్‌లో కాల్చండి. ఉడికించిన చిలగడ దుంపల గుజ్జును ఓ గిన్నెలోకి తీసుకోండి. దానిలో చాట్ మసాలా, ఆమ్చూర్ పొడి, నిమ్మరసం, జీలకర్ర పొడి, గరం మసాలా, పచ్చిమిర్చి-అల్లం పేస్ట్, శనగపిండిని వేయండి. ఇవన్నీ బాగా కలిసేలా కలపండి. అనంతరం వాటిని కట్‌లెట్‌ రూపంలో చేయండి. వీటిని మరుగుతున్న నూనెలో వేసి డీప్ ఫ్రై చేయండి. టేస్టీ టేస్టీ చిలగడ దుంప కట్లెట్ రెడీ.