Skin Allergies Remedies : స్కిన్ అలర్జీలను పొగొట్టేందుకు సులభమైన చిట్కాలు.. సమస్యలు ఉండవు

స్కిన్ అలర్జీలు చాలా మందిని ప్రభావితం చేసేవి. కొన్నిసార్లు కొన్ని ఆహారపదార్థాల వల్ల లేదా కొన్ని క్రీములు లేదా సౌందర్య సాధనాల వాడకం వల్ల చర్మం అలర్జీకి గురవుతుంది. మీ చర్మంపై దద్దుర్లు, మొటిమలు, దురద వంటి సమస్యలు కనిపించడం ప్రారంభిస్తాయి. ఇది మీ ముఖం, శరీరంపై మచ్చలను కలిగిస్తుంది. చర్మ అలెర్జీలు ఆహార అలెర్జీల నుండి పూర్తిగా భిన్నంగా ఉంటాయి. చాలా కష్టంగా కూడా అనిపిస్తుంది.

చర్మ అలెర్జీ విషయంలో కొన్నిసార్లు మీ శరీరంపై లేత ఎరుపు రంగు మచ్చలను కలిగిస్తుంది. కొన్ని అలెర్జీలు తేలికపాటివి, కొన్ని తీవ్రంగా ఉండవచ్చు. కొన్ని అలర్జీలను మందులతో నయం చేయవచ్చు. కానీ తేలికపాటి అలర్జీలను నిర్వహించడంలో సహాయపడే కొన్ని గొప్ప ఇంటి నివారణలు ఉన్నాయి. మీ శరీరంలో చర్మ అలెర్జీ లక్షణాలను, గమనించినట్లయితే, దాని నుండి తక్షణ ఉపశమనం పొందడానికి ఈ ఇంటి నివారణలను ప్రయత్నించవచ్చు.

అలోవెరా

అలోవెరా మీ చర్మానికి చాలా మేలు చేస్తుంది. కలబందలో ఉండే యాంటీ ఇన్‌ఫ్లమేటరీ, యాంటీ బాక్టీరియల్, యాంటీ ఫంగల్ లక్షణాలు చర్మ అలర్జీలను దూరం చేయడంలో సహాయపడతాయి. దీన్ని ఉపయోగించడానికి మీ అలెర్జీ ప్రభావిత ప్రాంతంలో కలబంద జెల్‌ను అప్లై చేయండి. దీన్ని 15 నిమిషాలు ఆరనివ్వండి, ఆపై సాధారణ నీటితో శుభ్రం చేసుకోండి.

వేప

వేప అనేక చర్మ సమస్యలను దూరం చేస్తుంది. వేపలో యాంటీ ఇన్‌ఫ్లమేటరీ, యాంటీ బాక్టీరియల్ లక్షణాలు ఉన్నందున, ఇది చర్మ అలెర్జీలను తొలగించడంలో చాలా ప్రభావవంతంగా ఉంటుంది. వేప నూనెను ప్రభావిత ప్రాంతంలో రాసి 15 నుండి 20 నిమిషాల తర్వాత సాధారణ నీటితో శుభ్రం చేసుకోండి. వేప నూనెను ఉపయోగించడం వల్ల చర్మంపై దురద, దద్దుర్లు నుండి ఉపశమనం లభిస్తుంది. వేప ఆకులను నీటిలో వేసి మరిగించి ఆ నీటితో స్నానం చేయడం వల్ల చర్మ అలర్జీల నుంచి ఉపశమనం లభిస్తుంది.

తులసి

తులసి మీకు సీజనల్ వ్యాధులను దూరం చేస్తుంది. చర్మ అలెర్జీలు ఉంటే, తులసి ఆకులను తీసుకొని పేస్ట్ చేయండి. ప్రభావిత ప్రాంతంలో ఈ పేస్ట్‌ను అప్లై చేయండి. పేస్ట్ ఆరిపోయినప్పుడు, సాధారణ నీటితో శుభ్రం చేసుకోండి.

టీ ట్రీ ఆయిల్

టీ ట్రీ ఆయిల్ స్కిన్ అలర్జీల చికిత్సలో చాలా సహాయపడుతుంది. ఇది యాంటీమైక్రోబయల్, యాంటీ ఇన్ఫ్లమేటరీ లక్షణాలను కలిగి ఉంది. అనేక రకాల చర్మ అలెర్జీల నుండి మీకు ఉపశమనం ఇస్తుంది. టీ ట్రీ ఆయిల్ చర్మం ఎరుపు, దురదను తొలగించడానికి ఒక గొప్ప మార్గం.

ఆలివ్ ఆయిల్

ఆలివ్ ఆయిల్ చర్మంపై అద్భుతమైన మాయిశ్చరైజర్‌గా పనిచేస్తుంది. విటమిన్ E సమృద్ధిగా ఉన్న ఆలివ్ ఆయిల్ మీ అలెర్జీ సంబంధిత సమస్యలకు చికిత్స చేస్తుంది. చర్మాన్ని నయం చేస్తుంది. మరమ్మత్తు చేస్తుంది. దురదను తగ్గిస్తుంది. కెమికల్ బేస్డ్ మాయిశ్చరైజర్స్ కంటే ఈ హోం రెమెడీ చాలా బెటర్.

బేకింగ్ సోడా

బేకింగ్ సోడా చర్మ అలెర్జీలకు ఉత్తమమైన ఇంటి నివారణలలో ఒకటి. ఇది చర్మపు దద్దుర్లు తొలగించడంలో సహాయపడుతుంది. దురద నుండి ఉపశమనాన్ని అందిస్తుంది. చర్మం మంటను నివారిస్తుంది. బేకింగ్ సోడాను చర్మానికి అప్లై చేసేటప్పుడు అర టీస్పూన్ బేకింగ్ సోడా మాత్రమే ఉపయోగించాలి. దీన్ని కొద్దిగా నీళ్లలో కలిపి పేస్ట్‌లా చేసి అలర్జీ ప్రభావిత ప్రాంతంలో అప్లై చేయాలి. కొన్ని నిమిషాల తర్వాత కడిగేయండి. ఫలితం ఉంటుంది.

యాపిల్ సైడర్ వెనిగర్

యాపిల్ సైడర్ వెనిగర్ శరీరంలోని అనేక సమస్యలను పరిష్కరించడంలో సహాయపడుతుంది. ఇందులోని యాంటీ ఇన్‌ఫ్లమేటరీ, యాంటీ బ్యాక్టీరియల్ లక్షణాలు అలర్జీలను తొలగిస్తాయి. చర్మ అలెర్జీలకు చికిత్స చేయడానికి ఒక కప్పు వెచ్చని నీటిలో ఒక టేబుల్ స్పూన్ వెనిగర్ కలపండి. ఈ మిశ్రమాన్ని ప్రభావిత ప్రాంతంపై రాయండి. 15 నిమిషాల ఆరిన తర్వాత సాధారణ నీటితో శుభ్రం చేసుకోవాలి.

కొబ్బరి నూనె

కొబ్బరి నూనె చర్మానికి పోషణను అందించడమే కాకుండా చర్మాన్ని ఆరోగ్యంగా ఉంచడంలో సహాయపడుతుంది. ప్రభావిత చర్మం ప్రాంతంలో కొబ్బరి నూనెను సున్నితంగా అప్లై చేయండి. 15 నుంచి 20 నిమిషాల పాటు అలాగే ఉంచాలి. ఆ తరువాత, సాధారణ నీటితో శుభ్రం చేసుకోండి. కొబ్బరి నూనెను ఉపయోగించడం వల్ల చర్మంపై దద్దుర్లు, మంట, దురద నుండి ఉపశమనం పొందవచ్చు.