Horror Comedy OTT: న‌వ్విస్తూనే భ‌య‌పెట్టే తెలుగు హార‌ర్ కామెడీ మూవీ ఓటీటీలోకి వ‌చ్చేస్తోంది - స్ట్రీమింగ్ ఎప్పుడంటే?

Horror Comedy OTT: హార‌ర్ కామెడీ క‌థాంశంతో రూపొందిన తెలుగు మూవీ ఓ మంచి ఘోస్ట్ ఓటీటీలోకి వ‌స్తోంది. ఈ సినిమాలో నందితా శ్వేత‌, వెన్నెల‌కిషోర్ కీల‌క పాత్ర‌ల్లో న‌టించారు. శంక‌ర్ మార్తాండ్ ద‌ర్శ‌క‌త్వం వ‌హించాడు. జూన్ 21న థియేట‌ర్ల‌లో విడుద‌లైన ఈ మూవీ రొటీన్ కాన్సెప్ట్ కార‌ణంగా ప్రేక్ష‌కుల‌ను మెప్పించ‌లేక‌పోయింది.

ఆగ‌స్ట్‌లో...

తాజాగా ఓ మంచి ఘోస్ట్ మూవీ ఓటీటీలోకి రాబోతున్న‌ట్లు స‌మాచారం. ఆహా ఓటీటీలో (Aha OTT) ఆగ‌స్ట్ ఫ‌స్ట్ వీక్ లేదా సెకండ్ వీక్‌ నుంచి ఈ మూవీ స్ట్రీమింగ్ కానున్న‌ట్లు వార్త‌లు వినిపిస్తున్నాయి. త్వ‌ర‌లోనే ఓటీటీ రిలీజ్ డేట్‌పై ఆఫీషియ‌ల్ అనౌన్స్‌మెంట్ రానున్న‌ట్లు తెలిసింది.

అంద‌రూ హీరోలే...

ఓ మంచి ఘోస్ట్ మూవీలో వెన్నెల‌కిషోర్‌తో పాటు ష‌క‌ల‌క శంక‌ర్‌, న‌వ‌మి గాయ‌క్‌, ర‌ఘుబాబు, ర‌జ‌త్ రాఘ‌వ్ కీల‌క పాత్ర‌లు పోషించారు. ఈ సినిమాకు అనూప్ రూబెన్స్ మ్యూజిక్ అందించాడు. ప్ర‌త్యేకంగా హీరోలు అంటూ ఎవ‌రూ లేకుండా అంద‌రికి స‌మాన ప్రాధాన్య‌త‌త‌నిస్తూ ద‌ర్శ‌కుడు శంక‌ర్ మార్తాండ్ ఈ మూవీని తెర‌కెక్కించాడు.

ఓ మంచి ఘోస్ట్ క‌థ ఇదే...

డ‌బ్బుల కోసం చైత‌న్య‌(ర‌జ‌త్ రాఘ‌వ‌)ర‌జియా (న‌వ‌మి గాయ‌క్‌), ల‌క్ష్మ‌ణ్‌(న‌వీన్ నేని) పావురం (ష‌క‌లక శంక‌ర్‌) క‌లిసి ఎమ్మెల్యే స‌దాశివ‌రావు కూతురు కీర్తిని (నందితా శ్వేత‌) కిడ్నాప్ చేస్తారు. వారు కిడ్నాప్ చేయ‌డానికంటే ముందే కీర్తిని ఓ ద‌య్యం ఆవ‌హిస్తుంది. ఊరి చివ‌ర ఉన్న పాడుబ‌డ్డ మ‌హాల్‌లో ఎవ‌రి కంట ప‌డ‌కుండా కీర్తిని దాచిపెట్టాల‌ని న‌లుగురు అనుకుంటారు.

పాడుబ‌డ్డ మ‌హ‌ల్‌లో అడుగుపెట్టిన చైత‌న్య‌, ర‌జియా, ల‌క్ష్మ‌ణ్‌తో పాటు పావురం ప్రాణాలు ప్ర‌మాదంలో ప‌డ‌తాయి, అందులోని ద‌య్యం న‌లుగురిని చంపాల‌ని ప్ర‌య‌త్నిస్తుంది.

ఆ ద‌య్యం బారి నుంచి న‌లుగురు త‌ప్పించుకున్నారా? మేన‌మామ అయిన స‌దాశివ‌రావుపై చైత‌న్య ఎందుకు ప‌గ‌ను పెంచుకున్నాడు? ఆ మ‌హ‌ల్‌లోనే న‌లుగురు స్నేహితుల‌కు కంట‌ప‌డిన ఆత్మ (వెన్నెల‌కిషోర్‌) మ‌నిషా? ద‌య్య‌మా? బ్రిటీష్ కాలం నాటి ఆ మ‌హ‌ల్ చ‌రిత్ర ఏమిటి? కీర్తిని అవ‌హించిన ఆత్మ‌, బంగ‌ళాలో ఉన్న ద‌య్యం ఒక‌టేనా? ఓ మంచి ద‌య్యం మూవీ క‌థ‌.

కామెడీ ఓకే...

ఓ మంచి ఘోస్ట్ లాంటి కాన్సెప్ట్‌ల‌తో గ‌తంలో చాలా తెలుగు సినిమాలొచ్చాయి. రొటీన్ కాన్సెప్ట్‌తోనే ద‌ర్శ‌కుడు ఈ మూవీని తెర‌కెక్కించాడు. వెన్నెల‌కిషోర్‌, ష‌క‌ల‌క శంక‌ర్ కామెడీ మాత్రం సినిమాలో కొన్ని చోట్ల వ‌ర్క‌వుట్ అయ్యింది.

శ్రీకాకుళం షెర్లాక్‌హోమ్స్‌...

ప్ర‌స్తుతం క‌మెడియ‌న్‌గా వెన్నెల‌కిషోర్ ఫుల్ బిజీగా ఉన్నాడు. తెలుగులో గేమ్ ఛేంజ‌ర్‌, రాబిన్‌హుడ్‌, జ‌న‌క అయితే గ‌న‌క తో పాటు ప‌లు సినిమాలు చేస్తోన్నాడు. చారి 111 మూవీలో హీరోగా న‌టించాడు. ఈ మూవీతో ప్ర‌స్తుతం క‌థానాయ‌కుడిగా శ్రీకాకుళం షెర్లాక్‌హోమ్స్ పేరుతో మ‌రో మూవీ చేస్తోన్నాడు. శ్రీకాకుళం బ్యాక్‌డ్రాప్‌లో డిటెక్టివ్‌ క్రైమ్ కామెడీ క‌థాంశంతో ఈ మూవీ తెర‌కెక్కుతోంది. అన‌న్య నాగ‌ళ్ల హీరోయిన్‌గా న‌టిస్తోన్న ఈ మూవీ త్వ‌ర‌లో థియేట‌ర్ల ద్వారా ప్రేక్ష‌కుల ముందుకు రాబోతోందిమ‌రోవైపు నందితా శ్వేత తెలుగులో ఇప్ప‌టివ‌ర‌కుఎక్కువ‌గా హార‌ర్ సినిమాల్లోనే న‌టించింది.