RAPO20 Release Date: బోయపాటి, రామ్ మూవీ రిలీజ్ డేట్ ఫిక్స్

RAPO20 Release Date: టాలీవుడ్ లో ఎనర్జిటిక్ యాక్టర్ గా రామ్ పోతినేనికి పేరుంది. సిల్వర్ స్క్రీన్ పై అతడు అంతలా తన నటన, డ్యాన్స్ లు, ఫైట్లతో అభిమానులను అలరిస్తాడు. అలాంటి నటుడు మాస్ డైరెక్టర్ గా పేరున్న బోయపాటి శ్రీనుతో సినిమా చేస్తుంటే ఇక ఆ మూవీ ఏ రేంజ్ లో ఉంటుందో అర్థం చేసుకోవచ్చు.

ప్రస్తుతానికి వర్కింగ్ టైటిల్ RAPO20గా పిలుస్తున్న ఈ సినిమాకు ఇంకా టైటిల్ పెట్టలేదు. అయితే తాజాగా సోమవారం (మార్చి 27) ఈ మూవీ రిలీజ్ డేట్ ను మాత్రం అనౌన్స్ చేయడం విశేషం. ఈ మాస్ ఎంటర్‌టైనర్ అక్టోబర్ 20న రిలీజ్ కాబోతోంది. ఈ విషయాన్ని తమ అధికారిక సోషల్ మీడియా అకౌంట్ల ద్వారా మూవీ మేకర్స్ అనౌన్స్ చేశారు.

ఈ మూవీలో రామ్ సరసన శ్రీలీల నటిస్తోంది. ఈ RAPO 20 పాన్ ఇండియా మూవీగా వస్తోంది. తెలుగుతోపాటు తమిళం, మలయాళం, కన్నడ, హిందీల్లోనూ రిలీజ్ కాబోతోంది. ఈ రిలీజ్ తేదీని అనౌన్స్ చేస్తూ మేకర్స్ ఓ పోస్టర్ ను కూడా రిలీజ్ చేశాడు. ఇందులో రామ్ చాలా ఇంటెన్స్ లుక్ లో కనిపిస్తున్నాడు. గతేడాది ది వారియర్ మూవీతో రామ్ ప్రేక్షకుల ముందుకు వచ్చినా ఆ సినిమా నిరాశ పరిచింది.

దీంతో బోయపాటి మూవీపై రామ్ భారీ ఆశలే పెట్టుకున్నాడు. శ్రీనివాస్ సిల్వర్ స్క్రీన్ ఈ సినిమాను తెరకెక్కిస్తోంది. తమన్ మ్యూజిక్ అందిస్తున్నాడు. రవితేజ, బాలయ్య, జూనియర్ ఎన్టీఆర్ లతో మాస్ మూవీలను తెరకెక్కించిన బోయపాటి శ్రీను.. ఇప్పుడు రామ్ తో ఎలాంటి మ్యాజిక్ చేస్తాడో అని అభిమానులు ఆసక్తిగా ఎదురు చూస్తున్నారు.