Kannada OTT: నెల రోజుల్లోనే ఓటీటీలోకి స‌లార్ డైరెక్ట‌ర్ క‌న్న‌డ‌ యాక్ష‌న్ థ్రిల్ల‌ర్ మూవీ - తెలుగులోనూ రిలీజ్‌

Kannada OTT: కేజీఎఫ్‌, స‌లార్ సినిమాల డైరెక్ట‌ర్ ప్ర‌శాంత్ నీల్ క‌థ‌ను అందించిన క‌న్న‌డ మూవీ బ‌ఘీర థియేట‌ర్ల‌లో రిలీజైన నెల రోజుల్లోనే ఓటీటీలోకి రాబోతున్న‌ట్లు స‌మాచారం. సూప‌ర్ హీరో క‌థాంశంతో తెర‌కెక్కిన ఈ యాక్ష‌న్ మూవీలో శ్రీముర‌ళి, రుక్మిణి వ‌సంత్ హీరోహీరోయిన్లుగా న‌టించారు. సూరి ద‌ర్శ‌క‌త్వం వ‌హించాడు.

యాక్ష‌న్ ఎపిసోడ్స్ అదుర్స్‌...

అక్టోబ‌ర్ 31న థియేట‌ర్ల‌లో రిలీజైన బ‌ఘీర మూవీ థియేట‌ర్ల‌లో యావ‌రేజ్ టాక్‌ను సొంతం చేసుకున్న‌ది. యాక్ష‌న్ ఎపిసోడ్స్ బాగున్నాయ‌నే పేరొచ్చిన ప్ర‌శాంత్ నీల్ క‌థ‌, క‌థ‌నాల్లో కొత్త‌ద‌నం లేద‌నే విమ‌ర్శ‌లు వ్య‌క్త‌మ‌య్యాయి.

కేజీఎఫ్, స‌లార్ స్థాయిలో బ‌ఘీర‌లో ఎమోష‌న్స్ వ‌ర్క‌వుట్ కాక‌పోవ‌డంతో మోస్తారు వ‌సూళ్ల‌ను మాత్ర‌మే ఈ మూవీ ద‌క్కించుకున్న‌ది. దాదాపు 30 కోట్ల బ‌డ్జెట్‌తో రూపొందిన ఈ సినిమా 32 కోట్ల వ‌ర‌కు క‌లెక్ష‌న్స్ సొంతం చేసుకున్న‌ది. నిర్మాత‌ల‌కు అటు లాభాల‌ను, ఇటు న‌ష్టాల‌ను తెచ్చిపెట్ట‌కుండా మ‌ధ్య‌స్థంగా మిగిలిపోయింది.

నెట్‌ఫ్లిక్స్‌లో...

బ‌ఘీర మూవీ ఓటీటీ హ‌క్కుల‌ను నెట్‌ఫ్లిక్స్ సొంతం చేసుకున్న‌ది. డిసెంబ‌ర్ ఫ‌స్ట్ వీక్‌లో ఈ సూప‌ర్ హీరో మూవీ ఓటీటీలో రిలీజ్ కాబోతోంది. క‌న్న‌డంతో పాటు ఓకే రోజు తెలుగు, త‌మిళం, మ‌ల‌యాళం, హిందీ భాష‌ల్లో ఈ మూవీ స్ట్రీమింగ్ కానున్న‌ట్లు చెబుతోన్నారు. ఈ నెలాఖ‌రున బ‌ఘీర ఓటీటీ రిలీజ్ డేట్‌ను అఫీషియ‌ల్‌గా అనౌన్స్‌చేయ‌నున్న‌ట్లు స‌మాచారం.

బ‌ఘీర క‌థ ఇదే...

వేదాంత్ ( శ్రీ ముర‌ళి) నితీ నిజాయితీప‌రుడైన పోలీస్ ఆఫీస‌ర్‌. మంగుళూరు ఏసీపీగా ఉద్యోగంలో చేరిన వేదాంత్ కొద్ది రోజుల్లోనే సిటీలోని క్రిమిన‌ల్స్ అంద‌రిని మ‌ట్టుబెడ‌తాడు. తండ్రి ఇచ్చిన లంచం కార‌ణంగా త‌న‌కు పోలీస్ జాబ్ వ‌చ్చింద‌నే నిజం బ‌య‌ట‌ప‌డ‌టంతో వేదాంత్ షాక‌వుతాడు. త‌న క‌ళ్ల ముందు అన్యాయం జ‌రుగుతోన్న ప‌ట్టించుకోన‌ట్లుగా ఉండ‌టం మొద‌లుపెడ‌తాడు.

మ‌రోవైపు బ‌ఘీర ( శ్రీముర‌ళి) అనే సూప‌ర్ హీరో మంగూళురులోని క్రిమిన‌ల్స్ భ‌ర‌తం ప‌డుతుంటాడు. సిటీలోనే డాన్‌గా చెలామ‌ణి అవుతోన్న రాణాను (గ‌రుడ రామ్‌) బ‌ఘీర టార్గెట్ చేస్తాడు? రాణాను బ‌ఘీరా ఎలా ఎదుర్కొన్నాడు? వేదాంత్‌, బ‌ఘీర‌కు ఉన్న సంబంధం ఏమిటి? బ‌ఘీర సూప‌ర్ హీరోగా ఎలా మారాడు? వేదాంత్‌ను ప్రేమించిన స్నేహ‌( రుక్మిణి వ‌సంత్‌) ఎవ‌రు అన్న‌దే ఈ మూవీ క‌థ‌.

ఉగ్రం మూవీతో...

బ‌ఘీర మూవీకి అజ‌నీష్ లోక‌నాథ్ మ్యూజిక్ అందించాడు. హోంబ‌లే ఫిల్మ్స్ ప‌తాకంపై విజ‌య్ కిర‌గందూర్ బ‌ఘీర మూవీని ప్రొడ్యూస్ చేశాడు. బ‌ఘీర‌లో హీరోగా న‌టించిన శ్రీముర‌ళి మూవీ ఉగ్రంతోనే ప్ర‌శాంత్ నీల్ డైరెక్ట‌ర్‌గా క‌న్న‌డ సినీ ఇండ‌స్ట్రీకి ప‌రిచ‌య‌మ‌య్యాడు. ప్ర‌శాంత్ నీల్‌కు శ్రీ ముర‌ళి బావ అవుతాడు. ప్ర‌స్తుతం ప్ర‌శాంత్ నీల్ స‌లార్ 2తో పాటు ఎన్టీఆర్‌తో ఓ మూవీ చేయ‌బోతున్నాడు.