Prabhas on Deepika: దీపికా అంటే ఎప్పుడూ ఇష్టమే.. ఆమె అతిపెద్ద సూపర్‌స్టార్: ప్రభాస్

Prabhas on Deepika: టాలీవుడ్ స్టార్ హీరో ప్రభాస్ బాలీవుడ్ స్టార్ హీరోయిన్ దీపికా పదుకోన్ పై ప్రశంసల వర్షం కురిపించాడు. ఆమెతో కలిసి తొలిసారి కల్కి 2898 ఏడీ మూవీలో నటిస్తున్న ప్రభాస్.. కోస్టార్ ను ఆకాశానికెత్తాడు. తానెప్పుడూ ఆమెను ఇష్టపడతానని, ఆమె గ్లోబల్ లెవల్లో అతిపెద్ద సూపర్ స్టార్ అని ప్రభాస్ అనడం విశేషం.

స్క్రీన్ రాంట్ ప్లస్ కు ఇచ్చిన ఇంటర్వ్యూలో ప్రభాస్ ఇంట్రెస్టింగ్ కామెంట్స్ చేశాడు. "దీపికా అతిపెద్ద సూపర్ స్టార్. చాలా అందమైన అమ్మాయి. గ్లోబల్ గా ఇప్పటికే ఫేమస్ అయింది. లూయీ విటన్, టామ్ అడెక్స్ లాంటి ఇంటర్నేషనల్ బ్రాండ్స్ కమర్షియల్స్ చేస్తోంది. ఆమె సెట్లోకి వస్తే చాలా ఉత్సాహంగా ఉంటుంది. నేనెప్పుడూ ఆమెను ఇష్టపడతాను. నేను ఆమెతో పని చేయాలని అనుకున్నాను. ఆమెతో నటించడం ఇదే తొలిసారి" అని ప్రభాస్ అన్నాడు.

మొదటి నుంచీ ప్రాజెక్ట్ కేగా పిలుస్తున్న సినిమా అసలు పేరును గత నెలలో శాన్ డీగో కామిక్ కాన్ లో రివీల్ చేసిన విషయం తెలిసిందే. ఈ మూవీలో ప్రభాస్ తోపాటు అమితాబ్ బచ్చన్, కమల్ హాసన్ లాంటి పెద్ద స్టార్లు నటించారు. దీపిక నటించడంతో ఈ మూవీలో గ్లోబల్ లెవల్ కు వెళ్లింది. 2018లోనే దీపిక హాలీవుడ్ మూవీ ట్రిపుల్ ఎక్స్ లో నటించిన విషయం తెలిసిందే.

ఆమె స్క్రీన్ యాక్టర్స్ గిల్డ్ లోనూ సభ్యురాలు. ప్రస్తుతం వీళ్లు సమ్మె చేస్తుండటంతో ఆ మధ్య కల్కి 2898 ఏడీ టైటిల్ లాంచ్, గ్లింప్స్ కోసం కూడా అమెరికా వెళ్లలేకపోయింది. ఇక ఈ మూవీ నుంచి ఇప్పటికే దీపికా ఫస్ట్ లుక్ ను మేకర్స్ రిలీజ్ చేశారు. ఫస్ట్ గ్లింప్స్ లోనూ ఆమె కనిపించింది. ఈ సినిమాలో దీపికది చాలా ముఖ్యమైన పాత్ర అని డైరెక్టర్ నాగ్ అశ్విన్ ఇప్పటికే చెప్పాడు.