Project k Movie Story: ప్రభాస్ ప్రాజెక్ట్ కే స్టోరీ లైన్ ఇదేనా - క‌ల్కి అవ‌తారం క‌థేంటి?
Project k Movie Story: ప్రాజెక్ట్ కే వీడియో గ్లింప్స్ రిలీజ్ త‌ర్వాత ఈ సినిమా స్టోరీకి సంబంధించిన ర‌క‌ర‌కాల ఊహాగానాలు సోష‌ల్ మీడియాలో వైర‌ల్ అవుతోన్నాయి. క‌ల్కి అవ‌తారం నేప‌థ్యంలో ఈ సినిమా తెర‌కెక్కుతోంద‌ని కొంద‌రు చెబుతోండ‌గా మారికొంద‌రు నెటిజ‌న్లు మాత్రం ఇది ఎలియన్స్ కథ అని పేర్కొంటున్నారు.
Project k Movie Story: ప్రభాస్ ప్రాజెక్ట్ కే మూవీ గ్లింప్స్ ను అమెరికా శాన్‌డియాగాలోని కామిక్ కాన్ ఈవెంట్‌లో శుక్ర‌వారం రిలీజ్ చేశారు. అదిరిపోయే యాక్ష‌న్ సీక్వెన్స్‌, విజువ‌ల్స్‌తో ఈ గ్లింప్స్ అభిమానుల‌ను ఆక‌ట్టుకుంటోంది. హాలీవుడ్ స్టాండ‌ర్స్‌లో ఈ వీడియో గ్లింప్స్ ఉందంటూ అభిమానుల‌తో పాటు ప్రభాస్ ఫ్యాన్స్ ప్ర‌శంస‌లు కురిపిస్తోన్నారు. ఈ వీడియో గ్లింప్స్‌లోనే సినిమా టైటిల్‌ను రివీల్ చేశారు. ఈ సినిమాకు క‌ల్కి 2898 ఏడీ అనే పేరును ఖ‌రారు చేశారు. క‌ల్కి అవ‌తారం నేప‌థ్యంలో ప్రాజెక్ట్ కే మూవీని తెర‌కెక్కించిన‌ట్లుగా క‌నిపిస్తోంది.
క‌ల్కి అవ‌తారం...
వివిధ యుగాల్లో దుష్ట‌శిక్ష‌ణ కోసం మ‌హా విష్ణువు అనేక రూపాల్ని ఎత్తాడు. అందులో క‌లియుగంలో మ‌హావిష్ణువు అంశ‌గా క‌ల్కి క‌నిపిస్తాడ‌ని పురాణాలు చెబుతున్నాయి. క‌ల్కి పురాణం నేప‌థ్యంలోనే ప్రాజెక్ట్ కే మూవీ తెర‌కెక్కుతోన్న‌ట్లు క‌నిపిస్తోంది. ఈ సినిమాలో ప్రభాస్ పాత్ర క‌ల్కి భ‌గ‌వాన్‌ను పోలి ఉంటుందని స‌మాచారం. అయితే నేటి త‌రం అభిరుచుల‌కు త‌గిన‌ట్లుగా క‌ల్కి భ‌గ‌వాన్ పాత్ర‌ను సూప‌ర్ హీరో త‌ర‌హాలో నాగ్ అశ్విన్ ప్రాజెక్ట్ కే మూవీలో చూపించ‌బోతున్న‌ట్లు తెలిసింది. క‌ల్కి అవ‌తారంలో ఉన్న ప్రభాస్ ను జ‌యించ‌డానికి ఆధునిక ఆయుధాల‌ను సంపాదించుకోవాల‌ని దుష్ట‌శ‌క్తులు ప్ర‌య‌త్నిస్తుంటాయి. వారిని క‌ల్కి ఎలా అడ్డుకుంటున్నాడ‌న్న‌ది ప్రాజెక్ట్ కే మూవీ కథ అని స‌మాచారం.
దుష్ట‌శ‌క్తిపై పోరాటం...
ప్రాజెక్ట్ కే కు సంబంధించిన కొన్ని కార్టూన్స్ స్టోరీ పేప‌ర్స్ కూడా సోష‌ల్ మీడియాలో చ‌క్క‌ర్లు కొడుతోన్నాయి. వాటిలో క‌లియుగంలో ఓ దుష్ట‌శ‌క్తి ప్ర‌పంచాన్ని త‌న అధీనంలోకి తీసుకొని, ప్ర‌జ‌ల‌ను బానిస‌ల‌ను చేసుకోవాల‌ని అనుకుంటుంది. ఆ దుష్ట‌శ‌క్తిని, వారి అనుచ‌రుల్ని అంతం చేయ‌డానికి ఓ వీరుడు జ‌న్మిస్తాడు అంటూ కార్టూన్స్ లో స్టోరీలైన్ ఉంది. ఆ వీరుడే ప్రభాస్ అని కొంద‌రు అభిమానులు చెబుతోన్నారు. అదే లైన్స్‌లో ఈ మూవీ సాగ‌నున్న‌ట్లు తెలుస్తోంది.
ఎలియన్స్ కథ...
మ‌రో కొంద‌రు అభిమానులు మాత్రం క‌ల్కి 2898 ఏడీ మూవీ ఎలియన్స్, మ‌నుషుల‌కు మ‌ధ్య సాగే పోరాటం చుట్టూ ఉండబోతున్నట్లు చెబుతోన్నారు.విల‌న్ అయిన ఏలియ‌న్ లీడర్ ఆధ్వ‌ర్యంలోని రైడ‌ర్స్ టీమ్ క‌ర్ణుడి ఆయుధ సంప‌త్తికి చెందిన నిధుల్ని అన్వేషిస్తూ భూగ్ర‌హంపైకి రావ‌డం, వారితో హీరో ఫైట్ చేయ‌డం అనే అంశాల చుట్టూ ప్రాజెక్ట్ కే సాగే కథ ఉంటుందని అంటున్నారు. వీటితో పాటు ప్రాజెక్ట్ కే మూవీకి కథకు సంబంధించిన ప‌లు కథనాలు ప్ర‌చారంలో ఉన్నాయి. వాటిలో ఏ క‌థ‌ను సిల్వ‌ర్ స్క్రీన్‌ఫై ప్రాజెక్ట్ కేలో నాగ్ అశ్విన్ చెప్ప‌బోతున్నార‌న్న‌ది వ‌చ్చే ఏడాది సంక్రాంతికి రివీల్ కానుంది. జ‌న‌వ‌రి 12న ఈ మూవీ రిలీజ్ కానుంది.
ప్రాజెక్ట్ కే మూవీలో విల‌క్ష‌ణ న‌టుడు క మ‌ల్‌హాస‌న్‌తో పాటు అమితాబ్‌బ‌చ్చ‌న్ కీల‌క పాత్ర‌ల‌ను పోషిస్తున్నారు. దీపికా ప‌డుకోణ్ హీరోయిన్‌గా న‌టిస్తోంది. దాదాపు ఆరు వంద‌ల కోట్ల బ‌డ్జెట్‌తో నిర్మాత నాగ్ అశ్విన్ ఈ మూవీని నిర్మిస్తోన్నారు.
