Prabhas Spirit: ప్ర‌భాస్ ఫ్యాన్స్‌కు గుడ్‌న్యూస్ - స్పిరిట్ నుంచి కిక్కిచ్చే అప్‌డేట్ వ‌చ్చేసింది!

Prabhas Spirit: ప్ర‌భాస్ ఫ్యాన్స్‌కు జోష్ ఇచ్చే అప్‌డేట్‌ను స్పిరిట్ టీమ్ రివీల్ చేసింది. స్పిరిట్ మ్యూజిక్ సిట్టింగ్స్ మొద‌లైన‌ట్లు ప్ర‌క‌టించారు. ఈ మేర‌కు ట్యూన్ కంపోజ్ చేస్తోన్న ఓ వీడియోను మ్యూజిక్ డైరెక్ట‌ర్ హ‌ర్షవ‌ర్ధ‌న్ రామేశ్వ‌ర్ సోష‌ల్ మీడియాలో పోస్ట్ చేశారు. ఈ వీడియోలో డైరెక్ట‌ర్ సందీప్ వంగా కూడా క‌నిపిస్తోన్నాడు. మ్యూజిక్ వ‌ర్క్ జ‌స్ట్ బిగిన్ అంటూ ఈ వీడియోకు హ‌ర్ష‌వ‌ర్ధ‌న్ రామేశ్వ‌ర్ క్యాప్ష‌న్ జోడించాడు. అత‌డి ట్వీట్ సోష‌ల్ మీడియాలో వైర‌ల్ అవుతోంది.

డౌట్స్ కు క్లారిటీ…

స్పిరిట్ మూవీని అనౌన్స్‌చేసి రెండు, మూడేళ్లు అవుతోంది. స్పిరిట్ త‌ర్వాత మొద‌లైనరాజాసాబ్‌, ఫౌజీ సినిమాలు షూటింగ్‌లు మొద‌ల‌య్యాయి. కానీ స్పిరిట్‌కు సంబంధించి ఎలాంటి అప్‌డేట్ లేక‌పోవ‌డంతో ఈ సినిమా ఉంటుందా? లేదా? అని అభిమానుల్లో అనుమానం వ్య‌క్తం అయ్యింది. ఆ డౌట్స్‌కు దీపావ‌ళి నాడు సందీప్ వంగా, మ్యూజిక్ డైరెక్ట‌ర్ హ‌ర్ష‌వ‌ర్ధ‌న్ రామేశ్వ‌ర్ క్లారిటీ ఇచ్చారు.

పోలీస్ క‌థ‌తో...

నిజాయితీప‌రుడైన ఓ పోలీస్ ఆఫీస‌ర్ క‌థ‌తో కాప్ యాక్ష‌న్ డ్రామాగా స్పిరిట్ మూవీని డైరెక్ట‌ర్‌ సందీప్ వంగా తెర‌కెక్కించ‌బోతున్నాడు. ప్ర‌భాస్ లుక్‌, క్యారెక్ట‌రైజేష‌న్‌తో పాటు మ్యాన‌రిజ‌మ్స్ మునుపెన్న‌డూ చూడ‌ని విధంగా స్పిరిట్ మూవీలో కొత్త‌గా ఉండ‌బోతున్న‌ట్లు చెబుతోన్నారు.

పాన్ వ‌ర‌ల్డ్ మూవీ...

పాన్ వ‌ర‌ల్డ్ మూవీగా స్పిరిట్ రూపొందుతోన్నట్లు ప్ర‌చారం జ‌రుగుతోంది. ఇండియ‌న్ లాంగ్వేజెస్‌తో పాటు ఇంగ్లీష్, చైనీస్ స‌హా ఇత‌ర‌ విదేశీ భాష‌ల్లో ఈ సినిమాను రిలీజ్ చేయాల‌ని మేక‌ర్స్ నిర్ణ‌యించుకున్న‌ట్లు ప్ర‌చారం జ‌రుగుతోంది. స్పిరిట్ మూవీలో విల‌న్‌గా కొరియ‌న్ యాక్ట‌ర్ మా డాంగ్ సియోక్ క‌నిపించ‌బోతున్న‌ట్లు ప్ర‌చారం జ‌రుగుతోంది. ప్ర‌భాస్‌కు ధీటుగా ప‌వ‌ర్‌ఫుల్ విల‌న్‌గా స్పిరిట్ మూవీలో ఈ కొరియ‌న్ యాక్ట‌ర్ క‌నిపిస్తాడ‌ని అంటోన్నారు.

కొరియ‌న్‌...హాలీవుడ్ మూవీస్‌...

సౌత్ కొరియ‌న్ సూప‌ర్ స్టార్ అయిన మా డాంక్ సియోక్ ప‌లు హాలీవుడ్ సినిమాల్లో కీల‌క పాత్ర‌లు పోషించాడు. హాలీవుడ్‌లో డాంగ్ లీ పేరుతో మా డాంగ్ సియోక్ సినిమాలు చేస్తోన్నాడు. ట్రైన్ టూ బుసాన్ సినిమాతో ఇంట‌ర్నేష‌న‌ల్ వైడ్‌గా సినీ ల‌వ‌ర్స్‌కు మాడాంగ్ సియోక్ సుప‌రిచితుడ‌య్యాడు.

అత‌డు హీరోగా న‌టించిన కొరియ‌న్ మూవీస్ ది రౌండ‌ప్‌, ది ఔట్‌లాస్‌, ది గ్యాంగ్‌స్ట‌ర్ ది కాప్ ది డెవిల్‌తో పాటు ప‌లు కొరియ‌న్ సినిమాలు బ్లాక్‌బ‌స్ట‌ర్స్‌గా నిలిచాయి. మార్వెల్ సినిమాటిక్ యూనివ‌ర్స్‌లో భాగంగా వ‌చ్చిన ది ఎట‌ర్న‌ల్స్ మూవీలో మా డాంగ్ సియోక్ గిల్గ‌మోష్ అనే సూప‌ర్ హీరోగా క‌నిపించాడు.

క‌ల్కి రికార్డులు...

ప్ర‌భాస్ లేటెస్ట్ మూవీ క‌ల్కి 2898 ఏడీ వ‌ర‌ల్డ్ వైడ్‌గా 1200 కోట్ల వ‌సూళ్ల‌ను రాబ‌ట్టింది. ఈ ఏడాది తెలుగులో హ‌య్యెస్ట్ క‌లెక్ష‌న్స్ రాబ‌ట్టిన సినిమాగా నిలిచింది. తెలుగు సినీ చ‌రిత్ర‌లో అత్య‌ధిక వ‌సూళ్ల‌ను సాధించిన సినిమాగా రికార్డ్ క్రియేట్ చేసింది. క‌ల్కితో పాటు ప్ర‌స్తుతం రాజాసాబ్‌, ఫౌజీతో పాటు క‌ల్కి 2, స‌లార్ సీక్వెల్ సినిమాలు చేస్తోన్నాడు ప్ర‌భాస్‌. రాజాసాబ్ మూవీ వ‌చ్చే ఏడాది ఏప్రిల్ 10న రిలీజ్ కాబోతోంది. రాజాసాబ్ మూవీకి మారుతి ద‌ర్శ‌క‌త్వం వ‌హిస్తోన్నాడు.

యానిమ‌ల్ 900 కోట్లు...

మ‌రోవైపు సందీప్ వంగా గ‌త మూవీ యానిమ‌ల్ బాక్సాఫీస్ వ‌ద్ద 900 కోట్ల‌తో ప్ర‌భంజ‌నాన్ని సృష్టించింది. ర‌ణ్‌భీర్‌క‌పూర్‌, ర‌ష్మిక మంద‌న్న హీరోహీరోయిన్లుగా న‌టించిన హిందీతో పాటు ఇత‌ర భాష‌ల ప్రేక్ష‌కుల‌ను అల‌రించింది.