Dil Raju To Chiranjeevi: చిరంజీవికి కృతజ్ఞతలు చెప్పిన దిల్ రాజు.. కారణం ఇదే! గేమ్ ఛేంజర్ నుంచి మరో 3 పాటలు!

Dil Raju Thanks To Chiranjeevi: గ్లోబల్ స్టార్ రామ్ చరణ్, సెన్సేషనల్ డైరెక్టర్ శంకర్ కాంబినేషన్‌లో రూపొందుతోన్న భారీ బడ్జెట్ చిత్రం గేమ్ ఛేంజర్. శ్రీమ‌తి అనిత స‌మ‌ర్ప‌ణ‌లో శ్రీవెంకటేశ్వర క్రియేషన్స్, జీ స్టూడియోస్, దిల్‌రాజు ప్రొడ‌క్ష‌న్స్‌ బ్యానర్స్‌పై దిల్ రాజు, శిరీష్ నిర్మిస్తున్నారు.

సంక్రాంతికి రిలీజ్

గేమ్ ఛేంజర్ సినిమాలో హీరోయిన్‌గా బాలీవుడ్ బ్యూటి కియారా అద్వానీ చేస్తున్న విషయం తెలిసిందే. అయితే, మొదట్లో గేమ్ ఛేంజర్ సినిమాను ఈ ఏడాది డిసెంబ‌ర్‌లో క్రిస్మ‌స్ సంద‌ర్భంగా విడుద‌ల చేయాల‌ని అనుకున్నారు. కానీ, ఇప్పుడు గేమ్ ఛేంజర్ రిలీజ్ డేట్ మారిపోయిన విషయం తెలిసిందే. గేమ్ ఛేంజర్ వచ్చే ఏడాదికి సంక్రాంతికి రిలీజ్ చేస్తున్నట్లు టాక్ నడిచింది.

ఇప్పుడు దీనిపై అధికారికంగా ప్రకటన వచ్చింది. గేమ్ ఛేంజర్ సినిమాను సంక్రాంతికి రిలీజ్ చేస్తున్నట్లు తెలిపారు. ఈ విషయంపై గేమ్ ఛేంజర్ మూవీ నిర్మాత‌ల్లో ఒక‌రైన దిల్‌ రాజు స్ప‌ష్ట‌తనిచ్చారు. దీంతో దిల్ రాజు చేసిన కామెంట్స్ ఇప్పుడు వైరల్ అవుతున్నాయి.

క్రిస్మస్ కంటే

దిల్ రాజు మాట్లాడుతూ.. "గేమ్ ఛేంజర్ సినిమాను ముందుగా ఈ ఏడాది క్రిస్మ‌స్ సంద‌ర్భంగా విడుద‌ల చేయాల‌ని ప్లాన్ చేశాం. కానీ, సినిమాను వ‌ర‌ల్డ్ వైడ్‌గా రిలీజ్ చేస్తున్న‌ప్పుడు క్రిస్మ‌స్ కంటే సంక్రాంతి అయితే బావుంటుంద‌ని నాతో పాటు బాలీవుడ్‌, కోలీవుడ్, క‌ర్ణాట‌క‌ ఓవ‌ర్‌సీస్‌లోని ఇత‌ర డిస్ట్రిబ్యూట‌ర్స్ అంద‌రూ భావించాం" అని అన్నారు.

2 భారీ బడ్జెట్ సినిమాలే

"ఈ ఆలోచ‌న‌ను నేను చిరంజీవి గారికి, యువీ క్రియేష‌న్స్ సంస్థ‌ (విశ్వంభర మూవీ ప్రొడక్షన్ హౌజ్)కు తెలియ‌జేశాం. మూడేళ్లుగా గేమ్ ఛేంజర్ సినిమాను భారీ బ‌డ్జెట్‌తో తెర‌కెక్కిస్తున్నామ‌ని చెప్పాం. వాళ్లు రూపొందిస్తోన్న విశ్వంభ‌ర‌ మూవీ కూడా భారీ బ‌డ్జెట్ సినిమానే. వాళ్లు సంక్రాంతికి వ‌స్తున్న‌ట్లు అనౌన్స్ చేశారు" అని దిల్ రాజు చెప్పారు.

మరో రిలీజ్ డేట్‌

"అందువ‌ల్ల సంక్రాంతి డేట్ కావాల‌ని చిరంజీవి గారిని, యువీ వారిని అడిగాం. వాళ్లు సానుకూలంగా స్పందించారు. గేమ్ ఛేంజర్ సినిమాను సంక్రాంతికి రిలీజ్ చేసేందుకు వాళ్ల విశ్వంభ‌ర సినిమాను మ‌రో రిలీజ్ డేట్‌కు విడుద‌ల చేయాల‌నుకున్నారు" అని గేమ్ ఛేంజర్ నిర్మాత దిల్ రాజు తెలిపారు.

వారందరికీ ధన్యవాదాలు

"నిజానికి విశ్వంభ‌ర సినిమా పోస్ట్ ప్రొడ‌క్ష‌న్‌తో స‌హా పూర్త‌వుతుంది. అయితే నా కోసం, మా సినిమా కోసం వాళ్ల సినిమాను మ‌రో రిలీజ్ డేట్‌లో విడుదల చేయ‌టానికి ఒప్పుకున్నందుకు చిరంజీవి గారికి, యువీ క్రియేష‌న్స్ వంశీ, ప్ర‌మోద్‌, విక్కీకి నా ధ‌న్య‌వాదాలు. గేమ్ ఛేంజర్ సినిమాను సంక్రాంతి విడుద‌ల చేస్తున్నాం" అని అధికారికంగా తెలిపారు దిల్ రాజు.

మరో మూడు పాటలు

"ఇటు అభిమానుల‌కు, అటు సినీ ప్రేక్ష‌కుల‌కు న‌చ్చేలా గేమ్ ఛేంజర్ సినిమాను తీర్చిదిద్ద‌ుతూ రాత్రింబ‌గ‌ళ్లు క‌ష్ట‌ప‌డుతున్నాం. ఆల్రెడీ రెండు పాట‌లు విడుద‌లయ్యాయి. రెండూ సూప‌ర్ హిట్ అయ్యాయి. రీసెంట్‌గా వ‌చ్చిన ‘రా మ‌చ్చా మ‌చ్చా..’ యూట్యూబ్‌లో మారుమోగిపోతుంది. త‌ర్వాత టీజ‌ర్ వ‌స్తుంది. త‌ర్వాత మ‌రో మూడు పాట‌ల‌ను రిలీజ్ చేస్తాం" అని దిల్ రాజు చెప్పుకొచ్చారు.

గ్లోబల్ అనే బ్రాండ్

"సంక్రాంతిలోపు గేమ్ ఛేంజర్‌కు సంబంధించిన ప్ర‌మోష‌న‌ల్ కంటెంట్‌ను అందిస్తూ మూవీ భారీ విజ‌యం సాధించేలా ప్లాన్ చేశాం. అటు రామ్ చ‌ర‌ణ్‌ గారికి గ్లోబ‌ల్ స్టార్ అనే బ్రాండ్ ఏదైతే ప‌డిందో దాన్ని.. గ్లోబ‌ల్‌గా ఈ సినిమా విజ‌యం సాధించేలా ప్ర‌య‌త్నిస్తున్నాం. ఆ ప్ర‌య‌త్నం ఫలిస్తుంది. సంక్రాంతికి క‌లుద్దాం" అని దిల్ రాజు వెల్లడించారు.