Raayan OTT: ధ‌నుష్ రివేంజ్ క్రైమ్‌ థ్రిల్ల‌ర్ మూవీ రాయ‌న్ రెండు ఓటీటీలో రిలీజ్ - స్ట్రీమింగ్ ఎప్పుడంటే?

Raayan OTT: ధ‌నుష్ రాయ‌న్ మూవీ శుక్ర‌వారం థియేట‌ర్ల ద్వారా త‌మిళంతో పాటు తెలుగు ప్రేక్ష‌కుల ముందుకొచ్చింది. తెలుగులో దాదాపు 550కిపైగా థియేట‌ర్ల‌లో ఈ మూవీ రిలీజైంది. ధ‌నుష్ కెరీర్‌లో తెలుగులో అత్య‌ధిక థియేట‌ర్ల‌లో రిలీజైన తెలుగు డ‌బ్బింగ్ మూవీగా రాయ‌న్ నిలిచింది.

పాజిటివ్ టాక్‌...

రాయ‌న్ ఓవ‌ర్ సీస్ ప్రీమియ‌ర్స్‌కు పాజిటివ్ టాక్ ల‌భిస్తోంది. ధ‌నుష్ యాక్టింగ్‌, డైరెక్ష‌న్‌తోపాటు యాక్ష‌న్ ఎపిసోడ్స్‌, ఏఆర్ రెహ‌మాన్ బీజీఎమ్‌, పాట‌లు బాగున్నాయంటూ కామెంట్స్ వినిపిస్తోన్నాయి.రివేంజ్ థ్రిల్ల‌ర్ క‌థాంశంతో రా అండ్ ర‌స్టిక్‌గా ధ‌నుష్ ఈ మూవీని తెర‌కెక్కించాడ‌ని ఆడియెన్స్ ప్ర‌శంస‌లు కురిపిస్తోన్నారు.

రెండు ఓటీటీల‌లో...

రాయ‌న్ డిజిట‌ల్‌ హ‌క్కుల‌ను రెండు ఓటీటీ ప్లాట్‌ఫామ్స్ ద‌క్కించుకున్న‌ట్లు స‌మాచారం. స‌న్ నెక్ట్స్‌తో పాటు నెట్‌ఫ్లిక్స్‌లో రాయ‌న్ మూవీ రిలీజ్‌ కానున్న‌ట్లు చెబుతోన్నారు. . నెట్‌ఫ్లిక్స్‌లో త‌మిళంతో పాటు తెలుగు, మ‌ల‌యాళం, క‌న్న‌డం, హిందీ భాష‌ల్లో ఈ మూవీ స్ట్రీమింగ్ కాబోతుండ‌గా.. స‌న్ నెక్ట్స్‌లో కేవ‌లం త‌మిళ వెర్ష‌న్ మాత్ర‌మే విడుద‌ల‌ కానున్న‌ట్లు తెలిసింది. థియేట‌ర్ల‌లో రిలీజైన నాలుగు నుంచి ఆరు వారాల వ్య‌వ‌ధిలోనే రాయ‌న్ మూవీ ఓటీటీలో రానున్న‌ట్లు వార్త‌లు వినిపిస్తోన్నాయి.

ధ‌నుష్ 50వ సినిమా...

రాయ‌న్ ధ‌నుష్ హీరోగా న‌టించిన 50వ మూవీ కావ‌డం గ‌మ‌నార్హం. ఈ సినిమాలో సందీప్‌కిష‌న్‌, ఎస్‌జే సూర్య‌, ప్ర‌కాష్ రాజ్, అప‌ర్ణ బాల‌ముర‌ళి కీల‌క పాత్ర‌ల్లో న‌టించారు. రాయ‌న్ మూవీకి ఏఆర్ రెహ‌మాన్ మ్యూజిక్ అందించాడు. దాదాపు 100 కోట్ల బ‌డ్జెట్‌తో స‌న్ పిక్చ‌ర్స్ సంస్థ రాయ‌న్ మూవీని ప్రొడ్యూస్ చేసింది.

రివేంజ్ డ్రామా మూవీ...

త‌న ఫ్యామిలీ మ‌ర‌ణానికి కార‌ణ‌మైన వారిపై రాయ‌న్‌తో పాటు అత‌డి సోద‌రులు ఎలా రివేంజ్ తీర్చుకున్నార‌న్న‌దే ఈ మూవీ క‌థ‌. ఈ సినిమాలో ధ‌నుష్‌, ప్ర‌కాష్‌రాజ్‌, జ‌య‌రాం కాళిదాసుతో పాటు అప‌ర్ణ‌బాల‌ముర‌ళి న‌లుగురు నేష‌న‌ల్ అవార్డ్ విన్న‌ర్స్ క‌లిసి స్క్రీన్‌పై క‌నిపించ‌డం గ‌మ‌నార్హం.

ధ‌నుష్ సినిమా త‌మిళం, తెలుగులో క‌లిపి ఆరున్న‌ర కోట్ల‌కుపైగా అడ్వాన్స్ బుకింగ్స్ జ‌రిగిన‌ట్లు స‌మాచారం. తొలిరోజు ఈ మూవీ ఇర‌వై ఐదు కోట్ల వ‌ర‌కు గ్రాస్‌ను 12 కోట్ల వ‌ర‌కు షేర్ క‌లెక్ష‌న్స్ రాబ‌ట్టే అవ‌కాశం ఉన్న‌ట్లు చెబుతోన్నారు.

తెలుగులో కుబేర‌...

ప్ర‌స్తుతం ధ‌నుష్ తెలుగు, త‌మిళ భాష‌ల్లో నాలుగు సినిమాలు చేస్తోన్నాడు. తెలుగులో సార్ త‌ర్వాత సెన్సిబుల్ డైరెక్ట‌ర్ శేఖ‌ర్ క‌మ్ముల ద‌ర్శ‌క‌త్వంలో కుబేర మూవీ చేస్తోన్నాడు ధ‌నుష్‌. ముంబై స్ల‌మ్స్ బ్యాక్‌డ్రాప్‌లో యాక్ష‌న్ థ్రిల్ల‌ర్‌గా ఈ మూవీ తెర‌కెక్కుతోన్న‌ట్లు స‌మాచారం. ర‌ష్మిక మంద‌న్న హీరోయిన్‌గా న‌టిస్తోన్న ఈ మూవీలో నాగార్జున కీల‌క పాత్ర పోషిస్తున్నాడు. కుబేర ఈ ఏడాది చివ‌ర‌లో డిసెంబ‌ర్‌లో రిలీజ్ కానున్న‌ట్లు స‌మ‌చారం.