Tollywood: ఈ వీక్‌ టాలీవుడ్ బాక్సాఫీస్ వ‌ద్ద ధ‌నుష్‌దే హ‌వా - రాయ‌న్‌కు పోటీగా రిలీజ్ అవుతోన్న తెలుగు సినిమాలు ఇవే!
ఈ శుక్ర‌వారం రిలీజ్ అవుతోన్న సినిమాల్లో ధనుష్ డ‌బ్బింగ్ మూవీ రాయ‌న్‌పైనే తెలుగు ప్రేక్ష‌కుల్లో క్రేజ్ ఎక్కువ‌గా ఉంది. రాయ‌న్‌కు పోటీగా ఈ వారం బాక్సాఫీస్ బ‌రిలో నిల‌వ‌బోతున్న తెలుగు సినిమాలు ఏవంటే?
ఈ శుక్ర‌వారంటాలీవుడ్‌ బాక్సాఫీస్ బ‌రిలో కాన్సెప్ట్ ఓరియెంటెడ్ క‌థాంశాల‌తో రూపొందిన ప‌లు చిన్న సినిమాలు నిలిచాయి. ధనుష్ డ‌బ్బింగ్ మూవీ రాయన్ కూడా జూలై 26న థియేట‌ర్ల‌లో రిలీజ్ కాబోతోంది. ఈ వారం విడుద‌ల అవుతోన్న స్ట్రెయిట్ మూవీస్‌తో పోలిస్తే ధనుష్ రాయ‌న్‌పైనే తెలుగు ప్రేక్ష‌కుల్లో ఎక్కువ‌గా అంచ‌నాలు నెల‌కొన్నాయి.
రాయన్ సినిమాను తెలుగులో సునీల్ నారంగ్‌, సురేష్‌బాబు క‌లిసి రిలీజ్ చేస్తోన్నారు. ఈ శుక్ర‌వారం రిలీజ్ అవుతోన్న స్ట్రెయిట్ సినిమాల‌తో పోలిస్తే రాయన్ ఎక్కువ థియేట‌ర్ల‌లో విడుద‌ల కానున్న‌ట్లు స‌మాచారం. దాదాపు ఐదు నుంచి ఆరు వంద‌ల థియేట‌ర్ల‌ను ఈ సినిమాకు కేటాయించిన‌ట్లు స‌మాచారం.ఈ మూవీలో న‌లుగురు నేష‌న‌ల్ అవార్డ్ విన్న‌ర్స్ ధనుష్, ప్ర‌కాష్‌రాజ్‌, అప‌ర్ణ‌బాల‌ముర‌ళితో పాటు జ‌యరాం కాళిదాసు క‌లిసి న‌టిస్తోండ‌టం గ‌మ‌నార్హం.
రాజ్‌త‌రుణ్ పురుషోత్త‌ముడు...
గ‌త కొన్నాళ్లుగా సినిమాల‌తో కాకుండా వ్య‌క్తిగ‌త జీవితంలోని వివాదాల కార‌ణంగా సోష‌ల్ మీడియాలో ఎక్కువ‌గా రాజ్‌త‌రుణ్ పేరువినిపిస్తోంది. ఈ వివాదాల మ‌ధ్య అత‌డు హీరోగా న‌టించిన పురుషోత్త‌ముడు ఈ వారమే థియేట‌ర్ల‌లో విడుద‌ల‌కాబోతోంది.
ఫ్యామిలీ ఎంట‌ర్‌టైన‌ర్‌గా తెర‌కెక్కుతోన్న ఈ మూవీలో ప్ర‌కాష్‌రాజ్‌, ర‌మ్య‌కృష్ణ ముఖ్య పాత్ర‌ల్లో క‌నిపించ‌బోతున్నారు. పురుషోత్త‌ముడు సినిమాకు రామ్ భీమ‌న ద‌ర్శ‌క‌త్వం వ‌హించాడు. ఈ మూవీలో రాజ్‌త‌రుణ్‌కు జోడీగా హాసిని సుధీర్ హీరోయిన్‌గా న‌టిస్తోంది.
గ‌త కొన్నాళ్లుగా రాజ్ త‌రుణ్‌కు స‌రైన వివాదాలు లేవు. పురుషోత్త‌ముడు అత‌డిని గ‌ట్టెక్కిస్తుందా లేదా అన్న‌ది ఈ శుక్ర‌వారం తేల‌నుంది. పురుషోత్త‌ముడు మూవీతో పాటు రాజ్‌త‌రుణ్‌కు జోడీగా హాసిని సుధీర్ హీరోయిన్‌గా న‌టిస్తోంది. రాజ్ త‌రుణ్ మ‌రో మూవీ తిర‌గ‌బ‌డ‌రా సామీ ఆగ‌స్ట్ 2న రిలీజ్ అవుతోంది.
ఆప‌రేష‌న్ రావణ్...
ప‌లాస 1978 ఫేమ్ ర‌క్షిత్ అట్లూరి హీరోగా న‌టిస్తోన్న ఆప‌రేష‌న్ రావణ్ మూవీ కూడా ఈ శుక్ర‌వార‌మే థియేట‌ర్ల‌లోకి రాబోతోంది. వెంక‌ట స‌త్య ద‌ర్శ‌క‌త్వం వ‌హిస్తోన్న ఈ మూవీలో సంకీర్త‌న విపిన్ హీరోయిన్‌గా న‌టిస్తోంది. రాముడిలో మంచివాడైన ఓ యువ‌కుడుఎందుకు రావ‌ణుడిలా మారాల్సివ‌చ్చింద‌నే కాన్సెప్ట్‌తో ఆప‌రేష‌న్ రావణ్ తెర‌కెక్కుతోంది.
రామ్ ఎన్ఆర్ఐ
బిగ్‌బాస్ ఫేమ్ అలీరెజా హీరోగా న‌టిస్తోన్న రామ్ ఎన్ఆర్ఐ మూవీ జూలై 26న ప్రేక్ష‌కుల ముందుకు రాబోతోంది. పుట్టిన ఊరును ఏదో ఒక మంచి చేయాల‌ని త‌పించే ఓ ఎన్ ఆర్ ఐ యువ‌కుడి జ‌ర్నీలో ఎలా సాగింద‌నే కాన్సెప్ట్‌తో రామ్ ఎన్ ఆర్ ఐ మూవీని డైరెక్ట‌ర్ ఎన్ ల‌క్ష్మీనందా తెర‌కెక్కించాడు. ఈ సినిమాలో సీతా నార‌య‌ణ‌న్ హీరోయిన్‌గా న‌టిస్తోంది.
ఇవే కాకుండా మ‌రో చిన్న సినిమా గ‌ల్లీ గ్యాంగ్‌స్ట‌ర్స్ ఈ శుక్ర‌వారం థియేట‌ర్ల‌లో సంద‌డి చేయ‌బోతున్నాడు. వీటితోపాటు హాలీవుడ్ సూప‌ర్ హీరో మూవీ డెడ్‌పూల్ వాల్వ‌రిన్ కూడా శుక్ర‌వారం థియేట‌ర్ల‌లో రిలీజ్ అవుతోంది.
