Etv Win OTT: బిగ్‌బాస్ రన్నరప్ తెలుగు వెబ్‌సిరీస్ - కామెడీ మామూలుగా ఉండ‌ద‌ట - స్ట్రీమింగ్ ఎందులో అంటే?

Etv Win OTT: బిగ్‌బాస్ విన్న‌ర్ ష‌ణ్ముఖ్ జ‌స్వంత్ తెలుగులో ఓ కామెడీ వెబ్‌సిరీస్ చేయ‌బోతున్నాడు. ఇటీవ‌లే ఈ వెబ్‌సిరీస్ షూటింగ్ మొద‌లైంది. ఫ‌న్ ల‌వ్‌స్టోరీగా తెర‌కెక్కుతోన్న ఈ వెబ్‌సిరీస్‌లో ష‌ణ్ముఖ్‌కు జోడీగా మ‌ల‌యాళ హీరోయిన్ అన‌ఘా అజిత్ క‌నిపించ‌బోతున్న‌ది.

ఈటీవీ విన్ ఓటీటీ...

ప‌వ‌న్ సుంక‌ర ద‌ర్శ‌క‌త్వం వ‌హిస్తోన్న ఈ వెబ్ సిరీస్ ఈటీవీ విన్ ఓటీటీలో స్ట్రీమింగ్ కాబోతోంది. ఈ వెబ్ సిరీస్ షూటింగ్ ఇటీవ‌లే మొద‌లైంది. ఈ విష‌యాన్ని ఈటీవీ విన్ ఓటీటీ ఆఫీషియ‌ల్‌గా ప్ర‌క‌టించింది. చెరువుగ‌ట్టు... స్నేహితులు...ఎన్నో మ‌ర్చిపోలేని క‌థ‌లు...మా ప్ర‌సాద్ కూడా మీకు గుర్తుండిపోయేలా ఒక వినోదాత్మ‌క క‌థ‌కు చెరువు గ‌ట్టున శ్రీకారం చుట్టాడు. అంటూ ట్వీట్ చేసింది. చెరువు ఒడ్డున త‌న స్నేహితుల‌తో క‌లిసి ష‌ణ్ముఖ్ కూర్చున్న ఓ ఫొటోను షేర్ చేసింది.

జూన్‌లో లాంఛ్‌....

ఈ వెబ్ సిరీస్‌లో ప్ర‌సాద్ పాత్ర‌లో ష‌ణ్ముఖ్‌...లీలాగా అన‌ఘా క‌నిపించ‌బోతున్నారు. ఈ తెలుగు వెబ్ సిరీస్‌లో ఆమ‌ని, ఆర్జే శ‌ర‌ణ్ కీల‌క పాత్ర‌ల్లో క‌నిపించ‌బోతున్నారు. జూన్‌లో ఈ వెబ్ సిరీస్ పూజా కార్య‌క్ర‌మాల‌ను నిర్వ‌హించారు. ఈ పూజా కార్య‌క్ర‌మాల్లో వివేక్ ఆత్రేయ‌, ప్ర‌వీణ్ కాండ్రేంగుల‌తో పాటు ప‌లువురు సినీ ప్ర‌ముఖులు పాల్గొన్నారు.

బిగ్‌బాస్ ర‌న్న‌ర‌న్‌...

యూట్యూబ‌ర్‌గా కెరీర్‌ను ప్రారంభించిన ష‌ణ్ముఖ్ బిగ్‌బాస్‌తో పాపుల‌ర్ అయ్యాడు. బిగ్‌బాస్ సీజ‌న్ 5లో కంటెస్టెంట్‌గా పాల్గొన్నాడు . ఈ సీజ‌న్‌లో ఫైన‌ల్ చేరిన ష‌ణ్ముఖ్ ర‌న్న‌ర‌ప్‌గా నిలిచాడు. బిగ్‌బాస్ 5 విన్న‌ర్‌గా వీజే స‌న్నీ నిలిచాడు.

ఆహా ఓటీటీలో...

బిగ్‌బాస్ కంటే ముందు యూట్యూబ్‌లో ప‌లు షార్ట్ ఫిలిమ్స్‌, వెబ్‌సిరీస్‌లు చేశాడు ష‌ణ్ముఖ్ జ‌స్వంత్‌. అత‌డు ది సాఫ్ట్‌వేర్ డెవ‌ల‌ప‌ర్‌, సూర్య‌, స్టూడెంట్ యూట్యూబ్ సిరీస్‌లు మంచి పేరు తెచ్చిపెట్టాయి. ఏజెంట్ ఆనంద్ సంతోష్ పేరుతో ఆహా ఓటీటీలో రిలీజైన స్పై కామెడీ సీరియ‌ల్‌లో ష‌ణ్ముఖ్ లీడ్ రోల్‌లో క‌నిపించాడు. తెలుగులో ప‌లు మ్యూజిక్ వీడియోలు చేశాడు.

డ్ర‌గ్స్ కేసులో...

ఇటీవ‌లే ష‌ణ్ముఖ్‌తో పాటు అత‌డి సోద‌రుడు విన‌య్ సంప‌త్ కూడా డ్ర‌గ్స్ కేసులో పోలీసులు అరెస్ట్ చేశారు. కారు ఓవ‌ర్ స్పీడ్‌తో న‌డిపి పోలీసుల‌కు దొరికాడు. దీప్తి సున‌య‌న తో ల‌వ్ స్టోరీ, బిగ్‌బాస్‌లో సిరి హ‌నుమంతు తో క్లోజ్‌గా ఉంటూ ప‌లుమార్లు వార్త‌ల్లో నిలిచాడు.

మ‌ల‌యాళంలో...

మ‌ల‌యాళం బ్యూటీ అన‌ఘా అజిత్ ఈ వెబ్ సిరీస్‌తోనే టాలీవుడ్‌లోకి ఎంట్రీ ఇస్తోంది. గ‌తంలో మ‌ల‌యాళంలో త‌న్నీర్ మాథ‌న్ దినంగ‌ల్ అనే సినిమా చేసింది. సోష‌ల్ మీడియా ద్వారా పాపుల‌ర్ అయిన అన‌ఘా అజిత్ ప‌లు షార్ట్స్ ఫిల్మ్స్ చేసింది.