Bigg Nonstop | హ‌మీదా ఎలిమినేట్‌...స‌ర్‌ప్రైజ్ చేసిన సొహెల్‌, ష‌ణ్ముఖ్‌…

బిగ్ బాస్ నాన్ స్టాప్ తొమ్మిదో వారంలో హ‌మీదా ఎలిమినేట్ అయ్యింది. ఈ వారం కెప్టెన్ బాబాభాస్కర్,అనిల్,అరియానా,మిత్రాశర్మ, శివ,నటరాజ్ మాస్టర్ ఎలిమినేష‌న్స్ నిలిచారు. అంద‌రూ అనిల్ ఎలిమినేట్ అవుతాడ‌ని అనుకున్నారు. కానీ హ‌మీదా ఎలిమినేట్ అయిన‌ట్లుగా ప్ర‌క‌టించి బిగ్‌బాస్ షాక్ ఇచ్చాడు. వైల్డ్ కార్డ్‌గా ఎంట్రీ ఇచ్చి కెప్టెన్ గా మారిన‌ బాబాభాస్క‌ర్ ను అభినందిస్తూ ఆదివారం ఎపిసోడ్‌ను నాగార్జున ప్రారంభించారు. అషూరెడ్డి,మిత్రా,హ‌మీదా,బిందు ల‌ను క‌న్ఫెష‌న్ రూమ్‌కు పిలిపించారు. నామినేష‌న్స్ స‌మ‌యంలో శివ‌తో జ‌రిగిన గొడ‌వ‌ను గురించి అషూరెడ్డిని నాగార్జున ప్ర‌శ్నించారు. దానిపై ఇత‌రుల అభిప్రాయాల‌ను తెలుసుకున్నారు. ఇందులో బిందు మాత్ర‌మే అషూరెడ్డిని స‌పోర్ట్ చేయ‌గా...మిగిలిన వారు శివ‌ను స‌మ‌ర్థించారు. నాగార్జున ఆ గొడ‌వ‌కు సంబంధించిన వీడియోను చూపించారు. ఆ వీడియో చూసిన త‌ర్వాత అంద‌రూ శివ‌దే త‌ప్పుగా తేల్చారు.

మిత్రాశ‌ర్మ‌కు బిగ్‌బాస్ ఆమె తండ్రి ఫొటోను పంపించారు. ఆ ఫొటో చూసి క‌న్నీళ్లు పెట్టుకున్న‌ది. మిత్రాశ‌ర్మ కోసం సిరి హ‌నుమంతు,గంగాధ‌ర్ బిగ్‌బాస్ హౌస్‌కు వ‌చ్చారు. నామినేష‌న్స్ నుంచి మిత్రాను వారు సేఫ్ చేసి వెళ్లారు. అనిల్ కోసం అత‌డి తండ్రి రాములు తో స్నేహితురాలు వ‌చ్చింది. అఖిల్ కోసం సొహెల్ బిగ్‌బాస్ హౌస్‌కు వ‌చ్చాడు. ఈ సందర్భంగా అరియానాపై సొహెల్ పంచ్ లు వేసి నవ్వించారు. బిగ్‌బాస్ త‌న‌కు పంపిన పాత ఫొటోను చూపిస్తూ ఆ స‌మ‌యంలో తాను ప్రేమ‌లో ఉన్నాన‌ని,కానీ ఆ ల‌వ్ స్టోరీ విఫ‌లం కావ‌డంతో తాను సింగిల్‌గా మిగిలిపోయాన‌ని అఖిల్ చెప్పాడు.

యాంక‌ర్ శివ‌కు స‌పోర్ట్ గా ష‌ణ్ముఖ్‌ హౌస్‌కు రావ‌డం ఆస‌క్తిని రేకెత్తించింది.అత‌డు హౌస్‌లో అడుగుపెట్ట‌గానే నాగార్జున‌తో పాటు మిగిలిన వారంతా దీప్తి సున‌య‌న‌ గురించి అడ‌గ‌టం న‌వ్వుల‌ను పూయించింది. దీప్తి బాగుంద‌ని,త్వ‌ర‌లోనే ఆమెను మ‌ళ్లీ క‌లుస్తాని ష‌ణ్ముఖ్‌ చెప్పాడు. అషూరెడ్డి కోసం రాహుల్‌,బిందు కోసం వ‌ర‌ల‌క్ష్మీ శ‌ర‌త్‌కుమార్ బిగ్‌బాస్ హౌస్‌కు వ‌చ్చారు. చివ‌రి రౌండ్‌లో అరియానా, హ‌మీదా నామినేష‌న్స్‌లో మిగిలారు.ఇందులో హ‌మీదా ఎలిమినేట్ అవుతున్న‌ట్లుగా బిగ్‌బాస్ ప్ర‌క‌టించాడు. స్టేజ్‌పైకి వ‌చ్చిన హ‌మీదా సంతోషంగా హౌస్ నుంచి తాను బ‌య‌ట‌కు వ‌చ్చిన‌ట్లు నాగార్జున‌తో చెప్పింది. ఆమెకు నాగార్జున‌. థ‌మ్స‌ప్‌,థ‌మ్స్‌డౌన్ అనే టాస్క్ ఇచ్చారు. ఇందులో అనిల్‌,బిందు,అషూరెడ్డి ల‌కు థ‌మ్స‌ప్‌...బాబా భాస్క‌ర్‌థ‌మ్స్‌డౌన్ శివ‌,న‌ట‌రాజ్‌,అఖిల్ థ‌మ్స్‌డౌన్ బ్యాడ్జ్ ఇచ్చింది హ‌మీదా.