Agent Out of Pan India Race: పాన్ ఇండియా రేసు నుంచి ఏజెంట్ ఔట్‌ - రిలీజ్ డేట్‌పై అఖిల్ అసంతృప్తి

Agent Out of Pan India Race: ఏజెంట్ సినిమాతో తొలిసారి పాన్ ఇండియ‌న్ మార్కెట్‌లోకి అడుగుపెట్టాల‌న్న అక్కినేని హీరో అఖిల్ (Akhil) ఆశ‌లు గ‌ల్లంత‌య్యాయి. ఏప్రిల్ 28న ఈ సినిమాను తెలుగుతో పాటు కేవ‌లం మ‌ల‌యాళ భాష‌ల్లో మాత్ర‌మే రిలీజ్ చేయ‌బోతున్న‌ట్లు చిత్ర యూనిట్ ప్ర‌క‌టించింది. హిందీతో పాటు మిగిలిన భాష‌ల్లో త‌ర్వాత రిలీజ్ చేస్తామ‌ని అనౌన్స్‌చేసింది. శ‌

నివారం జ‌రిగిన పాత్రికేయుల స‌మావేశంలో పాన్ ఇండియ‌న్ రిలీజ్ విష‌యంలో వెన‌క్కి త‌గ్గ‌డానికి గ‌ల కార‌ణాల‌పై అఖిల్ స్పందించాడు. రిలీజ్ డేట్ విష‌యంలో సంతోషంగా లేమ‌ని అన్నాడు. ఏజెంట్ పాన్ ఇండియ‌న్ రిలీజ్ విష‌యంలో పూర్తిగా డ్రాప్ కాలేద‌ని అఖిల్ చెప్పాడు. తెలుగు లాంగ్వేజ్ ప‌రంగా ఏప్రిల్ 28 మంచి రిలీజ్ డేట్ కావ‌డంతోనే సినిమాను ప్రేక్ష‌కుల ముందుకు తీసుకొస్తున్నామ‌ని చెప్పాడు.

కాంతార క‌న్న‌డ వెర్ష‌న్ రిలీజైన రెండు వారాల త‌ర్వాత తెలుగులో విడుద‌లైంది. అలా ఏజెంట్ సినిమాను తెలుగులో రిలీజ్ చేసిన అనంత‌రం మంచి రిలీజ్ డేట్ చూసుకొని హిందీతో పాటు మిగిలిన లాంగ్వేజ్‌ల‌లో ప్రేక్ష‌కుల ముందుకు తీసుకొస్తామ‌ని అఖిల్ పేర్కొన్నాడు. హిందీలో ఈ వారం స‌ల్మాన్‌ఖాన్ కిసీ కా భాయ్ కీసీ కీ జాన్ సినిమా రిలీజ‌వుతోంది.

ఆ సినిమాకు పోటీగా ఏజెంట్‌ను రిలీజ్ చేసే ప‌రిస్థితులు లేవ‌ని అఖిల్ పేర్కొన్నాడు. అలాగే అన్ని భాష‌ల్లో ప్ర‌మోష‌న్స్ చేసేంత టైమ్ కూడా త‌మ‌కు లేద‌ని అఖిల్ అన్నాడు. అందుకే ప్ర‌స్తుతం తెలుగుతో పాటు మ‌ల‌యాళ భాష‌ల్లోనే ఏజెంట్‌ను రిలీజ్ చేస్తోన్న‌ట్లు వెల్ల‌డించాడు.

స్పై యాక్ష‌న్ థ్రిల్ల‌ర్‌గా రూపొందిన ఈ సినిమాకు సురేంద‌ర్‌రెడ్డి ద‌ర్శ‌క‌త్వం వ‌హిస్తోన్నారు. ఈ సినిమాలో మ‌ల‌యాళ న‌టుడు మ‌మ్ముట్టి (Mammootty) కీల‌క పాత్ర‌లో న‌టిస్తోన్నాడు. అఖిల్ జోడీగా సాక్షి వైద్య హీరోయిన్‌గా క‌నిపించ‌బోతున్న‌ది.