Virat Kohli : విరాట్​ కోహ్లీ వాడే ఈ ఇయర్​బడ్స్​ ధర ఎంతో తెలుసా?

Beats Powerbeats Pro TWS earbuds : వెస్టిండీస్​ పర్యటనలో ఉన్న టీమిండియా మాజీ సారధి విరాట్​ కోహ్లీ.. తాజాగా యాపిల్​ ఇయర్​బడ్స్​ పెట్టుకుని కనిపించాడు. ఆ ఇయర్​బడ్స్​ ఏంటి? ధర ఎంత? వంటి అంశాలపై అతని ఫ్యాన్స్​లో ఆసక్తి పెరిగింది. అయితే.. ఈ ఇయర్​బడ్స్​ ఇండియాలో అందుబాటులో ఉండవు!

యాపిల్​ ఎయిర్​పాడ్స్​ కాదు..

కరీబియన్​ దీవుల్లో ఉన్న విరాట్​ కోహ్లీ.. వెస్టిండీస్​ వికెట్​ కీపర్​ జాషువా డా సిల్వా తల్లిని కలిశాడు. విరాట్​ను చూసిన ఆమె, చాలా సంతోషించింది. ఈ వీడియోలు వైరల్​గా మారాయి. అయితే.. ఇందులో విరాట్​ పెట్టుకున్న స్టైలిష్​ ఇయర్​బడ్స్​పై ఫ్యాన్స్​ ఫోకస్​ చేశారు.

సాధారణంగా క్రికెటర్లు,సెలబ్రిటీలు యాపిల్​ ఎయిర్​పాడ్స్​ ప్రో, యాపిల్​ ఎయిర్​పాడ్స్​ మ్యాక్స్​ వంటి మోడల్స్​ను వాడుతుంటారు. కానీ అందుకు విరుద్ధంగా.. ఈసారి విరాట్​ కోహ్లీ.. బీట్స్​ పవర్​బీట్స్​ ప్రో టీడబ్ల్యూఎస్​ ఇయర్​ఫోన్స్​ పెట్టుకుని కనిపించాడు. యాపిల్​ స్టోర్​లో దీని ధర 249.95 డాలర్లు. ఇండియన్​ కరెన్సీలో సుమారు రూ. 20వేలు. అయితే ఇది ఇండియాలో అందుబాటులో లేదు!

ఇదీ చూడండి:- Most Expensive Handbag : ఆ నటి హ్యాండ్ బ్యాగ్ ధర రూ.3 కోట్లు.. ఏముంది మేడమ్ అందులో?

ఈ బీట్స్​ పవర్​బీట్స్​ ప్రో మోడల్​లో అడ్జెస్టెబుల్​ ఇయర్​ హుక్స్​ ఉంటాయి. ఫలితంగా కంఫర్ట్​ పెరుగుతుంది. ఐపీఎక్స్​4 రేటెడ్​ స్వెట్​, వాటర్​ రెసిస్టెన్స్​ వీటి సొంతం. ఇన్​టెన్స్​ వర్కౌట్స్​ చేస్తున్నప్పుడు ఇవి సూట్​ అవుతాయి. అందుకే విరాట్​ కొన్నాడేమో!

యాపిల్​ ప్రాడక్ట్​..!

Virat Kohli earbuds : ఈ బీట్స్​ పవర్​బీట్స్​ ప్రో కూడా యాపిల్​ సంస్థకు చెందినదే! 2014లో బీట్స్​ అనే సంస్థను 3 బిలియన్​ డాలర్లు పెట్టి కొనుగోలు చేసింది యాపిల్​. లాంచ్​ అయిన కొన్ని సంవత్సరాల్లోనే ఈ బ్రాండ్​ మోడల్స్​కు విపరీతమైన ఆదరణ లభించింది.

ఇక క్రికెట్​ విషయానికొస్తే.. ఇండియా- వెస్టిండీస్​ మధ్య మంగళవారం మూడో వన్డే జరగనుంది. మొదటి వన్డేలో ఇండియా గెలిచింది. రెండో వన్డేలో వెస్టిండీస్​ విజయం సాధించింది. ఈ నేపథ్యంలో మూడో వన్డే ఆసక్తిగా మారింది. టెస్ట్​ సిరీస్​ను ఇప్పటికే టీమిండియా తన ఖాతాలో వేసుకుంది. ఇక వన్డేల తర్వాత 5 మ్యాచ్​ల టీ20 సిరీస్​ కూడా జరగనుంది.  ఆగస్ట్​ 3 నుంచి ఈ సిరీస్​ మొదలవుతుంది.