New TWS Earbuds: 50 గంటల బ్యాటరీ లైఫ్‍తో పీట్రాన్ నయా టీడబ్ల్యూఎస్ బడ్స్ లాంచ్: తక్కువ ధరలోనే..!

Ptron Basspods Encore TWS: దేశీయ బ్రాండ్ పీట్రాన్ బడ్జెట్ ధరలో మరో టీడబ్ల్యూఎస్ ఇయర్‌బడ్స్ మోడల్‍ను తీసుకొచ్చింది. పీట్రాన్ బాస్‍పోడ్స్ ఎన్కోర్ ఇయర్‌బడ్స్ లాంచ్ అయ్యాయి. చార్జింగ్ కేస్‍తో కలిపి మొత్తంగా 50 గంటల బ్యాటరీ లైఫ్‍ను ఈ బడ్స్ ఇస్తాయని పీట్రాన్ పేర్కొంది. కనెక్టివిటీ కోసం బ్లూటూత్ 5.3 వెర్షన్‍ను కలిగి ఉంది. కాల్ క్వాలిటీ కోసం ఒక్కో బడ్‍కు రెండు మైక్‍లు ఉంటాయి. మూడు కలర్ ఆప్షన్‍లలో ఈ బడ్స్ లభిస్తున్నాయి. Ptron Basspods Encore ఇయర్‌బడ్స్ పూర్తి వివరాలు ఇవే.

పీట్రాన్ బాస్‍పోడ్స్ ఎన్కోర్ ధర, సేల్

Ptron Basspods Encore: పీట్రాన్ బాస్‍పోడ్స్ ఎన్కోర్ టీడబ్ల్యూఎస్ ఇయర్‌బడ్స్ ధర రూ.899గా ఉంది. ఫ్లిప్‍కార్ట్ (Flipkart)లో ఈ బడ్స్ సేల్‍కు అందుబాటులో ఉన్నాయి. బ్లాక్, బ్లూ, గ్రే కలర్ ఆప్షన్‍లలో లభిస్తున్నాయి.

పీట్రాన్ బాస్‍పోడ్స్ ఎన్కోర్ స్పెసిఫికేషన్లు, ఫీచర్లు

Ptron Basspods Encore: 10mm డైనమిక్ సౌండ్ డ్రైవర్లను పీట్రాన్ బాస్‍పోడ్స్ ఎన్కోర్ బడ్స్ కలిగి ఉన్నాయి. ఇవి స్టీరియో సౌండ్, డీప్ బాస్ ఇస్తాయని పీట్రాన్ పేర్కొంది. కాల్ క్వాలిటీ కోసం ఎన్విరాన్‍మెంట్ నాయిస్ క్యాన్సలేషన్ (ENC) ట్రూటాక్ టెక్నాలజీని ఇచ్చినట్టు వెల్లడించింది. ఒక్కో బడ్‍కు రెండు మైక్రోఫోన్లు ఉంటాయి. బ్లూటూత్ 5.3 వెర్షన్‍తో ఈ బడ్స్ వస్తున్నాయి.

ఒక్కసారి ఫుల్ చార్జ్ చేస్తే Ptron Basspods Encore బడ్స్ 10 గంటల బ్యాటరీ లైఫ్ ఇస్తాయి. చార్జింగ్ కేస్ ద్వారా మరో నాలుగుసార్లు ఈ బడ్స్‌ను చార్జ్ చేసుకోవచ్చు. అంటే మొత్తంగా చార్జింగ్ కేస్‍తో కలిపి 50 గంటల ప్లేబ్యాక్ టైమ్ ఉంటుంది. 1.5 గంటల్లో ఈ చార్జింగ్ కేస్ ఫుల్ చార్జ్ అవుతుంది. 10 నిమిషాల చార్జ్‌తో 200 నిమిషాలు వినియోగించుకునేలా ఫాస్ట్ చార్జింగ్‍కు ఈ బడ్స్ సపోర్ట్ చేస్తాయని పీట్రాన్ తెలిపింది.

Ptron Basspods Encore ఒక్కో బడ్ 4.5 గ్రాముల బరువు ఉంటుంది. చార్జింగ్ కేస్‍తో కలిపి 44 గ్రాముల బరువు ఉంటుంది. ఈ బడ్స్ టచ్ కంట్రోళ్లతో వస్తున్నాయి. వాటర్, డస్ట్ రెసిస్టెంట్ కోసం IPX4 రేటింగ్‍ను కలిగి ఉన్నాయి. పీట్రాన్ బాస్‍పోడ్స్ ఎన్కోర్ టీడబ్ల్యూఎస్ ఇయర్‌బడ్స్‌కు సంవత్సరం వారెంటీ ఉంటుంది.