iPhone to Android: వాట్సాప్ చాట్స్ ను ఐఫోన్ నుంచి ఆండ్రాయిడ్ కు ఈ సింపుల్ స్టెప్స్ తో ట్రాన్స్ ఫర్ చేయండి..

ఐఫోన్ నుండి ఆండ్రాయిడ్ డివైజ్ కు వాట్సాప్ చాట్ హిస్టరీని డేటాను కోల్పోకుండా నేరుగా బదిలీ చేయవచ్చు. ఐఫోన్ నుండి ఆండ్రాయిడ్ పరికరానికి వాట్సాప్ డేటాను ట్రాన్స్ ఫర్ చేయడానికి ఈ కింది స్టెప్ట్ ఫాలో కండి.

డేటా ట్రాన్స్ ఫర్ సామర్థ్యాలు

మీరు మీ ఐఫోన్ నుంచి ఆండ్రాయిడ్ కు ఈ క్రింది వాటిని బదిలీ చేయవచ్చు:

• అకౌంట్ సమాచారం
• ప్రొఫైల్ ఫోటో
• వ్యక్తిగత చాట్స్
• గ్రూప్ చాట్స్
• కమ్యూనిటీలు
• వాట్సాప్ ఛానల్స్ అప్ డేట్స్
• చాట్ హిస్టరీ
• మీడియా అండ్ సెట్టింగ్ లు

కాల్ హిస్టరీ, డిస్ ప్లే పేరు, స్టేటస్ అప్ డేట్ లు, వాట్సాప్ ఛానల్స్ ద్వారా వచ్చిన మీడియాను బదిలీ చేయలేమని గమనించండి. ఐఫోన్ నుంచి ఆండ్రాయిడ్ ఫోన్ కు డేటా ను ట్రాన్స్ ఫర్ చేయడానికి ముందు, ఈ సులభమైన దశలు పూర్తి చేయండి.

• మీ ఆండ్రాయిడ్ డివైజ్ శామ్సంగ్ అయితే, శామ్సంగ్ స్మార్ట్ స్విచ్ యాప్ మీ ఫోన్ లో ఉండాలి. లేదా గూగుల్ పిక్సెల్ లేదా ఆండ్రాయిడ్ 12 లేదా అంతకంటే ఎక్కువ వెర్షన్ నడుస్తున్న ఏదైనా ఆండ్రాయిడ్ పరికరం.
• USB-C కేబుల్ లేదా కంపాటబుల్ కేబుల్స్.
• రెండు డివైజ్ లలో ఒకే ఫోన్ నంబర్.
• వాట్సాప్ లేటెస్ట్ వెర్షన్ మీ ఆండ్రాయిడ్ డివైజ్ లో ఇన్ స్టాల్ అయి ఉండాలి.

చాట్స్ ట్రాన్స్ ఫర్ చేయడానికి దశలు

1. మీ ఐఫోన్ లోని యాప్ స్టోర్ నుంచి వాట్సాప్ లేటెస్ట్ వెర్షన్ ను ఉండాలి

2. మీ కొత్త ఆండ్రాయిడ్ డివైజ్ ను సెటప్ చేసి, అడిగినప్పుడు డేటాను పునరుద్ధరించే ఆప్షన్ ఎంచుకోండి.

3. కేబుల్ ఉపయోగించి రెండు పరికరాలను కనెక్ట్ చేయండి. ఆ తరువాత "కాపీ యాప్స్ అండ్ డేటా" ఆప్షన్ ను ట్యాప్ చేయండి.

4. మీ ఐఫోన్ లో కనిపించే "ట్రస్ట్" బటన్ పై నొక్కండి.

5. ట్రాన్స్ ఫర్ ను పూర్తి చేయడానికి ఆన్-స్క్రీన్ సూచనలను అనుసరించండి.

6. ఈ ప్రాసెస్ పూర్తయే వరకు మీ ఐఫోన్ అన్ లాక్ లోనే ఉండాలి.

7. మీ ఆండ్రాయిడ్ డివైజ్ లో కనిపించే క్యూఆర్ కోడ్ ను స్కాన్ చేయడానికి మీ ఐఫోన్ కెమెరాను ఉపయోగించండి.

8. ఆండ్రాయిడ్ డివైస్ లో ‘స్టార్ట్’ పై ట్యాప్ చేయండి.

9. బదిలీ పూర్తయిన తర్వాత కేబుల్ డిస్ కనెక్ట్ చేయండి.

10. మీ ఆండ్రాయిడ్ డివైజ్ లో వాట్సాప్ ఓపెన్ చేయండి.

11. మీ పాత పరికరంలో ఉపయోగించిన అదే ఫోన్ నంబర్ తో మీ ఖాతాను ధృవీకరించండి.

12. మీ చాట్ హిస్టరీని డౌన్ లోడ్ చేయడానికి "స్టార్ట్" పై ట్యాప్ చేయండి.