Toyota : 88ఏళ్లల్లో 30 కోట్ల వాహనాలు.. ఆ మైలురాయితో చరిత్ర సృష్టించిన టయోటా!

Toyota new milestone : జపాన్​కు చెందిన దిగ్గజ ఆటోమొబైల్​ సంస్థ టయోటా మోటార్​ కార్పొరేషన్​.. సరికొత్త మైలురాయిని అధిగమించి, చరిత్ర సృష్టించింది. 88ఏళ్ల 2 నెలల ప్రస్తానంలో మొత్తం 300 మిలియన్​ (30కోట్లు) కార్లను తయారు చేసింది టయోటా!

టయోటా సరికొత్త మైలురాయి..

1935లో జపాన్​లో టయోటాను స్థాపించారు. ప్రాంతీయంగానే కాకుండా.. అంతర్జాతీయంగా కూడా ఈ సంస్థకు అద్భుతమైన గుర్తింపు లభించింది. ఫలితంగా.. అప్పటి నుంచి ఇప్పటి వరకు.. దేశ, విదేశాల్లో సేల్స్​ హవాను కొనసాగిస్తోంది. ఈ క్రమంలోనే.. ఈ ఏడాది సెప్టెంబర్​లో.. 300 మిలియన్​ కార్స్​ ప్రొడక్ష్​ని పూర్తి చేసుకుంది టయోటా. జపాన్​లో 180.53 మిలియన్​ యూనిట్లు తయారవ్వగా.. విదేశాల్లో 119.6 మిలియన్​ యూనిట్లు మేన్యుఫ్యాక్చర్​ అయ్యాయి.

Number of cars Toyota produced : ఇక టయోటాకు కొరొల్లా కారు బెస్ట్​ సెల్లింగ్​ మోడల్​గా ఉంది. ఇప్పటివరకు 53.339 మిలియన్​ యూనిట్ల కొరొల్లా వెహికిల్స్​ని తయారు చేసింది దిగ్గజ ఆటోమొబైల్​ సంస్థ. 1966లో తొలిసారి ఎంట్రీ ఇచ్చినప్పటి నుంచి.. ఇప్పటివరకు ఈ సెడాన్​లో అనేక మార్పులు చేటుచేసుకున్నాయి. ఎప్పటికప్పుడు ఫ్రెష్​గా కనిపిస్తూ.. ఈ మోడల్​ ఇప్పటికీ కస్టమర్లను ఆకర్షిస్తోంది.

ఇదీ చూడండి:- టయోటా నుంచి సరికొత్త ఈవీ.. డిజైన్​ నెక్ట్స్​ లెవల్​!

300 మిలియన్​ మైలురాయి సందర్భంగా.. టయోటా సంస్థ ఛైర్మన్​ అకియో టయోడా పలు కీలక వ్యాఖ్యలు చేశారు.

"టయోటా ఉద్యోగుల శ్రమ, కష్టం, సప్లైయర్స్​, డీలర్స్​తో పాటు ఇతరుల కృషికి నిదర్శనం ఈ మైలురాయి. మొదటి కారును రూపొందించిన వెంటనే ఈ మైలురాయిని మేము తాకలేదు. ఇలా చరిత్ర రాయలేదు. మా సంస్థ వ్యవస్థాపకులు అనేక ప్రోటోటైప్స్​ని ట్రై చేసి ఫెయిల్​ అయ్యారు. అయినా.. డ్రీమ్స్​ని వదులుకోలేదు. వారి పట్టుదలకు చిహ్నం.. నేటి ఈ మైలురాయి," అని వ్యాఖ్యానించరు అకియో టయోడా.

ఈ సందర్భంగా.. టయోటా అధ్యక్షుడు కోజి సటో మాట్లాడారు.

Toyota motors latest news : "ఇటీవలి కాలంలో సంస్థకు సవాళ్లు పెరిగాయి. కానీ వాస్తవానికి ఇవి సవాళ్లు కావు. అవకాశాలు. జపాన్​లో భూకంపం, కొవిడ్​ 19 మహమ్మారి, చిప్​ల కొరత వంటి ఎన్నో సమస్యలు, సవాళ్లు ఎదురయ్యాయి. ఇక కారు తయారు చేయలేమని భయపడిన ప్రతిసారి.. అందరు కలసిగట్టుగా ముందడుగు వేసి, ప్రొడక్షన్​ని కొనసాగించారు. ఇది అందరి విజయం," అని అన్నారు కోజి సటో.

టయోటాకు ఇండియాలో కూడా మంచి డిమాండ్​ ఉంది. ముఖ్యంగా.. ఇండియా విపణిలో ఇన్నోవా ఎంపీవీకి క్రేజీ డిమాండ కనిపిస్తోంది.