Samsung Galaxy M05: రూ.7,999కే శాంసంగ్ గెలాక్సీ ఎం05 స్మార్ట్ ఫోన్; 50 ఎంపీ కెమెరాతో పాటు పలు అడ్వాన్స్డ్ ఫీచర్స్

బడ్జెట్ ఫ్రెండ్లీ స్మార్ట్ ఫోన్ల శ్రేణిని విస్తరిస్తూ శాంసంగ్ గెలాక్సీ ఎం05ను తాజాగా భారత్ లో ప్రవేశపెట్టింది. ఈ కొత్త పరికరం శాంసంగ్ గెలాక్సీ ఎం04 కి ప్రత్యామ్నాయంగా ఉంటుంది. శాంసంగ్ గెలాక్సీ ఎం05లో మీడియాటెక్ హీలియో జీ85 చిప్ సెట్, 5000 ఎంఏహెచ్ బ్యాటరీ, 50 ఎంపీ కెమెరా ఉన్నాయి. శాంసంగ్ గెలాక్సీ ఎం05 స్పెసిఫికేషన్లు, ధరల వివరాలను మీరూ ఓ లుక్కేయండి.

శాంసంగ్ గెలాక్సీ ఎం05 స్పెసిఫికేషన్లు, ఫీచర్లు

శాంసంగ్ గెలాక్సీ ఎం05లో 60 హెర్ట్జ్ రిఫ్రెష్ రేట్ తో 6.7 అంగుళాల హెచ్ డీ+ ఎల్ సీడీ డిస్ ప్లే ఉంది. ఇందులో మీడియాటెక్ హీలియో జీ85 ప్రాసెసర్, 1000 మెగాహెర్ట్జ్ సామర్థ్యం కలిగిన ఏఆర్ఎం మాలి-జీ52 2ఈఎంసీ2 జీపీయూ ఉంది. 4 జీబీ ర్యామ్, 64 జీబీ ఇంటర్నల్ స్టోరేజ్ ఉంది. ఇంటర్నల్ స్టోరేజ్ ను మైక్రో ఎస్డీ కార్డు ద్వారా 1 టీబీ వరకు పెంచుకోవచ్చు. ఆండ్రాయిడ్ 14 ఆధారిత వన్యూఐ కోర్ 6.0 ఆపరేటింగ్ సిస్టంపై ఈ ఫోన్ పనిచేయనుంది. 25వాట్ ఫాస్ట్ ఛార్జింగ్ సపోర్ట్ చేసే 5,000 ఎంఏహెచ్ బ్యాటరీని ఇందులో అందించారు.

కనెక్టివిటీ కోసం

కనెక్టివిటీ కోసం శాంసంగ్ గెలాక్సీ ఎం05 లో డ్యూయల్ 4జీ వీవోఎల్టీఈ, వై-ఫై 802.11 ఏసీ, 2.4 గిగాహెర్ట్జ్, 5 గిగాహెర్ట్జ్ బ్యాండ్లు, బ్లూటూత్ 5.3, జీపీఎస్, యూఎస్బీ టైప్-సీ ఫీచర్స్ ఉన్నాయి. సెక్యూరిటీ ఫీచర్లలో సైడ్ మౌంటెడ్ ఫింగర్ ప్రింట్ సెన్సార్ ఉంది. కెమెరా విషయానికొస్తే, 50 మెగాపిక్సెల్ ప్రైమరీ కెమెరాతో పాటు 2 మెగాపిక్సెల్ డెప్త్ సెన్సార్ ఉన్నాయి. సెల్ఫీల కోసం ముందువైపు 8 మెగాపిక్సెల్ కెమెరాను అందించారు. ఎఫ్ /1.8 ఎపర్చర్ కారణంగా తక్కువ కాంతి వాతావరణంలో కూడా వివరణాత్మక చిత్రాలను ఈ ఫోన్ తో తీయవచ్చు.

శాంసంగ్ గెలాక్సీ ఎం05: ధర, లభ్యత

శాంసంగ్ గెలాక్సీ ఎం05 4 జీబీ ర్యామ్, 64 జీబీ స్టోరేజ్ వేరియంట్ ధర రూ.7,999 గా ఉంది. వినియోగదారులు అమెజాన్ (AMAZON), శాంసంగ్ (SAMSUNG) అధికారిక వెబ్సైట్, ఇతర రిటైల్ భాగస్వాముల ద్వారా ఈ ఫోన్ ను కొనుగోలు చేయవచ్చు. తక్కువ ధరలో ఎక్కువ ఫీచర్స్ ను డిమాండ్ చేసే యువ వినియోగదారుల కోసం ఈ స్మార్ట్ ఫోన్ (Smartphone) ను రూపొందించారు. ఇందులో 50 మెగాపిక్సెల్ డ్యుయల్ కెమెరా, 25 వాట్ ఫాస్ట్ ఛార్జింగ్ తో దీర్ఘకాలిక 5000 ఎంఏహెచ్ బ్యాటరీ, అద్భుతమైన 6.7 అంగుళాల హెచ్డి + డిస్ప్లే వంటి ఫీచర్లు ఉన్నాయి. ఈ స్టాండ్ అవుట్ ఫీచర్లతో గెలాక్సీ ఎం05 ఎంట్రీ లెవల్ స్మార్ట్ ఫోన్లలో కొత్త బెంచ్ మార్క్ ను నెలకొల్పడం ఖాయమని శాంసంగ్ ఇండియా ఎంఎక్స్ బిజినెస్ డైరెక్టర్ రాహుల్ పహ్వా అన్నారు.