Samsung Galaxy F54 : శాంసంగ్​ గ్యాలెక్సీ ఎఫ్​54.. లాంచ్​కు రెడీ! ఫీచర్స్​ ఇవే..

Samsung Galaxy F54 launch date in India : మరో కొత్త స్మార్ట్​ఫోన్​ను లాంచ్​ చేసేందుకు శాంసంగ్​ ఏర్పాట్లు చేసుకుంటోంది! ఈ నెల చివర్లో ఈ శాంసంగ్​ గ్యాలెక్సీ ఎఫ్​54 5జీ స్మార్ట్​ఫోన్​ మార్కెట్​లోకి అడుగుపెడుతుందని తెలుస్తోంది. ఎస్​ఎం- ఎం546బీ అనే మోడల్​కు బీఐఎస్​ సర్టిఫికేషన్​ లభించినట్టు, ఇదే గ్యాలెక్సీ ఎఫ్​54 అని సమాచారం. శాంసంగ్​ అధికారిక వెబ్​సైట్​లో కూడా.. ఈ స్మార్ట్​ఫోన్​ లాంచ్​ న్యూస్​ దాదాపు కన్ఫర్మ్​ అయిపోయినట్టే! ఈ నేపథ్యంలో ఈ గ్యాడ్జెట్​పై ఇప్పటివరకు ఉన్న సమాచారాన్ని తెలుసుకుందాము..

శాంసంగ్​ గ్యాలెక్సీ ఎఫ్​54- ఫీచర్స్​..

Samsung Galaxy F54 5G price in India : గూగుల్​ ప్లే కన్సోల్​లో అందుబాటులో ఉన్న సమాచారం ప్రకారం.. గ్యాలెక్సీ ఎఫ్​54 5జీలో ఎక్సినోస్​ ఎస్​5ఈ88535 ప్రాసెసర్​ ఉండనుంది. ఆండ్రాయిడ్​ 13ఓఎస్​ పై ఇది పనిచేస్తుంది. ఈ స్మార్ట్​ఫోన్​లో సెంటర్​ అలైన్డ్​ పంచ్​ హల్​ డిస్​ప్లే విత్​ స్లిమ్​ బ్లెజెల్స్​ ఉండొచ్చు. 1080X2400 పిక్సెల్స్​ రిసొల్యూషన్​ ఉంటుందని తెలుస్తోంది. రేర్​లో వర్టికల్​ ట్రిపుల్​ రేర్​ కెమెరా సెటప్​ (108ఎంపీ+ 8ఎంపీ+ 2ఎంపీ) ఉంటుందని తెలుస్తోంది.

ఇదీ చదవండి :- Vivo X Fold 2 vs Samsung Galaxy Z Fold 4 : ఈ రెండు ఫోల్డెబుల్​ ఫోన్స్​లో ఏది బెస్ట్​?

శాంసంగ్​ గ్యాలెక్సీ ఎఫ్​54 5జీలో.. 120హెచ్​జెడ్​ రిఫ్రెష్​ రేట్​తో కూడిన 6.7 ఇంచ్​ ఫుల్​ హెచ్​డీ+ సూపర్​ అమోలెడ్​ డిస్​ప్లే ఉంటుందని ప్రముఖ టిప్​స్టర్​ అభిషేక్​ యాదవ్​ తెలిపారు. స్మార్ట్​ఫోన్​కు కార్నింగ్​ గొరిల్లా గ్లాస్​ 5 ప్రొటెక్షన్​ లభిస్తుందని ట్వీట్​ చేశాడు. ఇక ఈ ఫోన్​లో 6000ఎంఏహెచ్​ బ్యాటరీతో పాటు 25డబ్ల్యూ ఛార్జింగ్​ సపోర్ట్​ ఉండనుంది.

శాంసంగ్​ గ్యాలెక్సీ ఎఫ్​54- లాంచ్​ డేట్​..

Samsung Galaxy F54 5G price details : శాంసంగ్​ గ్యాలెక్సీ ఎఫ్​54 5జీ లాంచ్​ డేట్​కు సంబంధించి ఇప్పటివరకు ఎలాంటి సమాచారం లేదు. అయితే ఈ ఎఫ్​- సిరీస్​ స్మార్ట్​ఫోన్​ను ఈ నెల చివర్లో సంస్థ లాంచ్​ చేస్తుందని తెలుస్తోంది. ధరకు సంబంధించిన వివరాలు కూడా తెలియాల్సి ఉంది. కాగా.. ఇండియాలో ఈ గ్యాడ్జెట్​ రూ. 23వేలకు లభిస్తుందని మార్కెట్​లో అంచనాలు ఉన్నాయి.

లాంచ్​పై సంస్థ చేసే ప్రకటనలో ఈ స్మార్ట్​ఫోన్​కు సంబంధించిన మరిన్ని వివరాలు అందుబాటులోకి వచ్చే అవకాశం ఉంది.