Samsung Galaxy M14 5G: సామ్‍సంగ్ గెలాక్సీ ఎం14 5జీ వచ్చేసింది: 50 MP కెమెరా, భారీ బ్యాటరీతో.. ధర ఎంతంటే!

Samsung Galaxy M14 5G Launched: గెలాక్సీ ఎం సిరీస్‍లో మరో 5జీ మొబైల్‍ను సామ్‍సంగ్ భారత మార్కెట్‍లోకి తీసుకొచ్చింది. సామ్‍సంగ్ గెలాక్సీ ఎం34 5జీ మొబైల్ సోమవారం లాంచ్ అయింది. వాటర్ డ్రాప్ నాచ్ డిజైన్ ఫుల్ హెచ్‍డీ+ ఎల్‍సీడీ డిస్‍ప్లే, 6000mAh బ్యాటరీ, 50 మెగాపిక్సెల్ ప్రైమరీ కెమెరాతో అడుగుపెట్టింది. ఇటీవల గెలాక్సీ ఎఫ్14 5జీ లాంచ్ కాగా.. ఇప్పుడు వచ్చిన ఈ గెలాక్సీ ఎం14 5జీ అదే రేంజ్‍లో వచ్చింది. ఎగ్జినోస్ 1330 ప్రాసెసర్ ఈ ఫోన్‍లో ఉంది. Samsung Galaxy M14 5G మొబైల్ పూర్తి వివరాలు ఇక్కడ చూడండి.

ఫుల్ హెచ్‍డీ+ డిస్‍ప్లేతో..

Samsung Galaxy M14 5G: 6.6 ఇంచుల ఫుల్ హెచ్‍డీ+ IPS LCD డిస్‍ప్లేను సామ్‍సంగ్ గెలాక్సీ ఎం14 5జీ కలిగి ఉంది. 90 హెర్ట్జ్ రిఫ్రెష్ రేట్ ఉంటుంది. డిస్‍ప్లేకు కార్నింగ్ గొరిల్లా గ్లాస్ 5 ప్రొటెక్షన్ ఉంది.

బ్యాటరీ, ఫాస్ట్ చార్జింగ్

Samsung Galaxy M14 5G: సామ్‍సంగ్ గెలాక్సీ ఎం14 5జీ ఫోన్‍లో 6,000mAh బ్యాటరీ ఉంది.25 వాట్ల ఫాస్ట్ చార్జింగ్‍కు సపోర్ట్ చేస్తుంది.

ప్రాసెసర్, ఓఎస్

Samsung Galaxy M14 5G: ఎగ్జినోస్ 1330 ప్రాసెసర్ ఈ సామ్‍సంగ్ గెలాక్సీ ఎం14 5జీ ఫోన్‍లో ఉంది. ఆండ్రాయిడ్ 13 బేస్డ్ వన్‍యూఐ 5.0 ఆపరేటింగ్ సిస్టమ్‍తో వచ్చింది. ఈ మొబైల్‍కు రెండు ఓఎస్ అప్‍గ్రేడ్లను ఇవ్వనున్నట్టు సామ్‍సంగ్ పేర్కొంది. 4 సంవత్సరాల పాటు సెక్యూరిటీ అప్‍డేట్లను ఈ ఫోన్ అందుకుంటుందని తెలిపింది.

కెమెరాలు, కనెక్టివిటీ

Samsung Galaxy M14 5G: వెనుక మూడు కెమెరాల సెటప్‍తో సామ్‍సంగ్ గెలాక్సీ ఎం14 5జీ వచ్చింది. 50 మెగాపిక్సెల్ (MP) ప్రైమరీ, 2 MP డెప్త్, 2 MP మాక్రో కెమెరాలు ఉన్నాయి. సెల్ఫీలు, వీడియో కాల్స్ కోసం ఈ మొబైల్‍కు 13 మెగాపిక్సెల్ ఫ్రంట్ కెమెరాను సామ్‍సంగ్ ఇచ్చింది. 5జీ, 4జీ ఎల్‍టీఈ, డ్యుయల్ బ్యాండ్ వైఫై, బ్లూటూత్, ఎన్‍ఎఫ్‍సీ, జీపీఎస్, యూఎస్‍బీ టైప్-సీ పోర్టుతో ఈ మొబైల్ వచ్చింది. మొత్తంగా ఈ ఫోన్ 206 గ్రాముల బరువు ఉంది.

సామ్‍సంగ్ గెలాక్సీ ఎం14 5జీ ధర, సేల్

Samsung Galaxy M14 5G Price: 4జీబీ ర్యామ్ + 128జీబీ స్టోరేజ్ ఉండే సామ్‍సంగ్ గెలాక్సీ ఎం14 5జీ బేస్ వేరియంట్ ధర రూ.13,490, 6జీబీ ర్యామ్ + 128జీబీ స్టోరేజ్ టాప్ వేరియంట్ ధర రూ.14,990గా ఉంది. ఇవి ఫస్ట్ సేల్‍లో ఆఫర్‌తో కలిపి ఇంట్రడక్టరీ ధరలు అని సామ్‍సంగ్ పేర్కొంది. ఈనెల 21వ తేదీన మధ్యాహ్నం 12 గంటలకు అమెజాన్‍తో పాటు సామ్‍సంగ్ వెబ్‍సైట్, రిటైల్ స్టోర్లలో ఈ ఫోన్ సేల్‍కు వస్తుంది. బ్లూ, డార్క్ బ్లూ, సిల్వర్ కలర్ ఆప్షన్‍లలో లభిస్తుంది.