Realme Neo 7 : 7,000 ఎంఏహెచ్​ బడా బ్యాటరీతో రియల్​మీ కొత్త స్మార్ట్​ఫోన్​- ఇక ఛార్జింగ్​ కష్టాలు ఉండవు..

రియల్​మీ తన ఫ్లాగ్​షిప్​ జీటీ 7 ప్రోను డిసెంబర్ 11న లాంచ్ చేయనుంది. రాబోయే స్మార్ట్​ఫోన్​ ఆకట్టుకునే ఫీచర్లతో వస్తుందని అంచనాలు ఉన్నాయి. 7,000 ఎంఏహెచ్ బ్యాటరీతో ఈ గ్యాడ్జెట్​ వస్తుండటం అతిపెద్ద విషయం! ఈ నేపథ్యంలో ఈ స్మార్ట్​ఫోన్​పై ఇప్పటివరకు ఉన్న వివరాలను ఇక్కడ తెలుసుకోండి..

రియల్​మీ నియో 7: బ్యాటరీ, కీలక ఫీచర్లు..

అధికారిక లాంచ్​కి ముందు, రియల్​మీ నియో 7 బ్యాటరీ పర్ఫార్మెన్స్​కి సంబంధించిన కీలక వివరాలను సంస్థ ధృవీకరించింది. ఒక్కసారి ఛార్జ్ చేస్తే 23 గంటల వీడియో ప్లేబ్యాక్, 89 గంటల మ్యూజిక్ ప్లేబ్యాక్, 14 గంటల వీడియో కాలింగ్ లభించే విధంగా 7,000 ఎంఏహెచ్​ బ్యాటరీని ఈ స్మార్ట్​ఫోన్​లో ఇస్తున్నట్టు కంపెనీ తెలిపింది.

లాంగ్​ లాస్టింగ్​ బ్యాటరీ బ్యాకప్​ కోసం చూసే వారికి ఈ స్మార్ట్​ఫోన్​ చక్కటి ఆప్షన్​ అవుతుంది.

పెద్ద బ్యాటరీ ఉన్నప్పటికీ, నియో 7 కేవలం 8.5 ఎంఎం థిక్​నెస్​తో స్లిమ్ ప్రొఫైల్​ని మెయింటైన్ చేస్తుందని రియల్​మీ చెప్పడం మరో కీలక అంశం. ఈ ఫోన్​లో పంచ్​-హోల్​ డిస్​ప్లే డిజన్​ ఉంటుందని టీజర్​ ద్వారా స్పష్టమైంది.

పర్ఫార్మెన్స్​ పరంగా.. రియల్​మీ నియో 7 మీడియాటెక్ డైమెన్సిటీ 9300+ చిప్​సెట్​తో పనిచేస్తుందని లీకులు సూచిస్తున్నాయి. ఆంటుటూ బెంచ్​మార్క్​లో 2 మిలియన్​ పాయింట్లను ఇది సంపాదించుకుంటుందని అంచనాలు ఉన్నాయి. ఈ మిడ్-రేంజ్ ప్రీమియం డివైజ్ ఐపీ 68-రేటెడ్ డస్ట్- వాటర్ రెసిస్టెన్స్​ని కలిగి ఉంటుంది, ఫలితంగా స్మార్ట్​ఫోన్​ మన్నిక పెరుగుతుంది.

డిస్​ప్లేలో 1.5కే రిజల్యూషన్​కి మద్దతు ఇచ్చే అమోలెడ్ ప్యానెల్, మెరుగైన వ్యూ ఎక్స్​పీరియెన్స్​ని అందిస్తుంది. ఈ రియల్​మీ నియో 7.. 80 వాట్ వైర్డ్ ఛార్జింగ్​కి మద్దతు ఇస్తుంది. నియో 7 ఆండ్రాయిడ్ 15 ఓఎస్​పై పనిచేస్తుందని, ఇది స్మూత్ అండ్ అప్ టు డేట్ యూజర్ ఎక్స్ పీరియన్స్​ని అందిస్తుందని అంచనాలు ఉన్నాయి.

భారతదేశంలో రియల్​మీ నియో 7 లాంచ్​..

ఇండియాలో రియల్​మీ నియో 7 లాంచ్ అవుతుందో లేదో ఇంకా క్లారిటీ లేదు. కానీ ఇది మిడ్ రేంజ్ సెగ్మెంట్​లో రియల్​మీ జీటీ సిరీస్​లో భాగంగా మార్కెట్​లోకి వచ్చే అవకాశం ఉందని ఊహాగానాలు ఉన్నాయి. ఇది వస్తే, రియల్​మీ ప్రమోషనల్ టీజర్లు సూచించినట్లుగా, సుదీర్ఘ బ్యాటరీ లైఫ్, బలమైన పర్ఫార్మెన్స్​తో, ముఖ్యంగా గేమింగ్ కోసం ఫోన్ కోసం చూస్తున్న భారతదేశంలోని వినియోగదారులకు ఇది కచ్చితంగా ఉపయోగపడుతుంది.

ఈ రియల్​మీ నియో 7కి సంబంధించిన ఇతర ఫీచర్స్​, ధర వంటి వివరాలపై త్వరలోనే క్లారిటీ వచ్చే అవకాశం ఉంది. ఆ వివరాలను మేము మీకు అప్డేట్​ చేస్తాము. స్టే ట్యూన్డ్​!

ఇంకో విషయం! హెచ్​టీ తెలుగు ఇప్పుడు వాట్సాప్​ ఛానెల్స్​లో అందుబాటులో ఉంది. టెక్​ ప్రపంచం నుంచి లేటెస్ట్​ అప్డేట్స్​ కోసం వాట్సాప్​లో హెచ్​టీ తెలుగు ఛానెల్​ని ఫాలో అవ్వండి..