ePluto 7G Max electric scooter : 201 కి.మీ రేంజ్​తో సరికొత్త ఎలక్ట్రిక్​ స్కూటర్​..

ePluto 7G Max electric scooter : ఇండియా ఆటోమొబైల్​ మార్కెట్​లోకి సరికొత్త ఎలక్ట్రిక్​ స్కూటర్​ ఎంట్రీ ఇచ్చింది. ప్యూర్​ ఈవీ అనే సంస్థ.. తాజాగా ఈప్లూటో 7జీ మ్యాక్స్​ ఈ-స్కూటర్​ను లాంచ్​ చేసింది. ఈ నేపథ్యంలో ఈ మోడల్​ ఫీచర్స్​, రేంజ్​, ధర వంటి వివరాలను ఇక్కడ తెలుసుకుందాము..

కొత్త ఎలక్ట్రిక్​ స్కూటర్​ విశేషాలివే..

ఈ ఆల్​ న్యూ ఈప్లూటో 7జీ మ్యాక్స్ ఈ-స్కూటర్​లో హిల్​ స్టార్ట్​ అసిస్ట్​, డౌన్​హిల్​ అసిస్ట్​, కాస్టింగ్​ రెజిన్​, రివర్స్​ మోడ్​, స్మార్ట్​ ఏఐ వంటి అడ్వాన్స్​డ్​ ఫీచర్స్​ వస్తున్నాయి. రెట్రో థీమ్​తో ఈ స్కూటర్​ను డిజైన్​ చేసింది సంస్థ. మ్యాట్​ బ్లాక్​, రెడ్​, గ్రే, వైట్​ కలర్స్​లో ఇది అందుబాటులో ఉంటుంది.

ePluto 7G Max price : ఈ ఎలక్ట్రిక్​ స్కూటర్​లో 3.5 కేడబ్ల్యూహెచ్​ లిథియం- ఐయాన్​ బ్యాటరీ ప్యాక్​ ఉంటుంది. ఇందులోని ఎలక్ట్రిక్​ మోటార్​.. 3.21 హెచ్​పీ పవర్​ను జనరేట్​ చేస్తుంది. ఏఐఎస్​- 156 సర్టిఫికేట్​ ఉన్న బ్యాటరీ ప్యాక్​లో స్మార్ట్​ బ్యాటరీ మేనేజ్​మెంట్​ సిస్టెమ్​ ఉంటుంది. 60,000కి.మీ స్టాండర్డ్​ బ్యాటరీ వారెంటీ, 70,000 కి.మీ ఎక్స్​టెండెడ్​ కి.మీ వారెంటీ లభిస్తున్నాయి. ఈ వెహికిల్​ని ఒక్కసారి ఛార్జ్​ చేస్తే.. 201 కి.మీల దూరం ప్రయాణిస్తుందని సంస్థ చెబుతోంది. మూడు రైడింగ్​ మోడ్స్​ ఉంటాయని వెల్లడించింది.

ఇక ఈ ఈప్లూటో 7జీ మ్యాక్స్ ఈవీలో ఎల్​ఈడీ లైట్స్​, ఫుల్లీ డిజిటల్​ ఇన్​స్ట్రుమెంట్​ క్లస్టర్​, స్మార్ట్​ రీజనరేటివ్​ టెక్నాలజీ వంటివి ఉన్నాయి. రివర్స్​ మోడ్​తో పాటు పార్కింగ్​ అసిస్ట్​ ఫీచర్​ కూడా వస్తోంది. ఆటో పుష్​ ఫంక్షన్​తో 5 కేఎంపీహెచ్​ స్టడీ స్పీడ్​లో వెళ్లే వెసులుబాటు ఉంటుంది. అంటే.. మేన్యువల్​గా మనం పుష్​ ఇవ్వాల్సిన అవసరం లేదు.

ఈ ఎలక్ట్రిక్​ స్కూటర్​ ధర ఎంతంటే..

ePluto 7G Max top speed : ప్యూర్​ ఈవీ నుంచి వచ్చిన ఈ ఈప్లూటో 7జీ మ్యాక్స్ ఎక్స్​షోరూం ధర రూ. 1,14,999గా ఉంది. సంస్థకు చెందిన అధికారిక వెబ్​సైట్​, డీలర్​షిప్​ షోరూమ్స్​లో బుకింగ్స్​ మొదలయ్యాయి. పండుగ సీజన్​ నడుస్తుండటంతో.. కస్టమర్లను ఆకర్షించి.. కంపెనీ సేల్స్​ పెంచుకోవాలని ప్యూర్​ ఈవీ చూస్తోంది.

ఎలక్ట్రిక్​ స్కూటర్ల హవా..!

2 వీలర్​ ఎలక్ట్రిక్​ వాహనాల సెగ్మెంట్​లో మంచి పోటీ కనిపిస్తోంది. ఆటోమొబైల్​ సంస్థలు పోటీ పడి మరీ కొత్త కొత్త మోడల్స్​ను తీసుకొస్తున్నాయి. ఈవీ స్టార్టప్​ సంస్థ ఎంఎక్స్​మోటో.. తన పోర్ట్​ఫోలియోను పెంచుకుంటోంది. ఈ నేపథ్యంలో కొత్తగా ఒక ఎలక్ట్రిక్​ స్కూటర్​ను లాంచ్​ చేసింది. దీని పేరు ఎంఎక్స్​వీ ఈకో! ఈ కొత్త ఎలక్ట్రిక్​ స్కూటర్​లో రెండు బ్యాటరీ ప్యాక్​ ఆప్షన్స్​ ఉన్నాయి. చిన్న బ్యాటరీ ప్యాక్​ రేంజ్​ 100కి.మీ అని, టాప్​ స్పీడ్​ 70కేఎంపీహెచ్​ అని సంస్థ చెబుతోంది. పెద్ద బ్యాటరీ ప్యాక్​ రేంజ్​ 120కేఎంపీహెచ్​ అని, టాప్​ స్పీడ్​ 75కేఎంపీహెచ్​ని స్పష్టం చేస్తోంది. పూర్తి వివరాల కోసం ఇక్కడ క్లిక్​ చేయండి.