Ather electric scooter : ఏథర్​ నుంచి మరో ఎలక్ట్రిక్​ స్కూటర్​.. త్వరలోనే లాంచ్​!

Ather 450S HR : ప్రముఖ ఎలక్ట్రిక్​ వాహనాల తయారీ సంస్థ ఏథర్​ ఎనర్జీ నుంచి మరో ఈ-స్కూటర్​ లాంచ్​కు సిద్ధమవుతోంది. దీని పేరు ఏథర్​ 450ఎస్​ హెచ్​ఆర్​! ఏథర్​ లైనప్​లో ఇది అతి చౌకైన ఎలక్ట్రిక్​ స్కూటర్​గా ఉండబోతోందని తెలుస్తోంది. ఈ నేపథ్యంలో ఈ మోడల్​ ఫీచర్స్​, బ్యాటరీ ప్యాక్​ వంటి వివరాలను ఇక్కడ తెలుసుకుందాము..

కొత్త ఎలక్ట్రిక్​ స్కూటర్​ విశేషాలు..

త్వరలో లాంచ్​కానున్న ఏథర్​ 450ఎస్​ హెచ్​ఆర్​లో 7 ఇంచ్​ డీప్​వ్యూ ప్యానెల్​, నాన్​-టచ్​ ఆధారిత డిస్​ప్లే, బ్లూటూత్​- స్మార్ట్​ఫోన్​ కనెక్టివిటీ, టర్న్​ బై టర్న్​ నేవిగేషన్​ వంటి ఫీచర్స్​ ఉంటాయని సమాచారం.

ఈ ఈవీలో అడ్వాన్స్​డ్​ 7 ఇంచ్​ టీఎఫ్​టీ టచ్​స్క్రీన్​ సిస్టెమ్​ ఉండనుంది. గూగుల్​ మ్యాప్స్​తో పాటు 450ఎక్స్​ జెన్​ 3 మోడల్​లో ఉన్న అనేక ఫీచర్స్​కు ఈ మోడల్​ సపోర్ట్​ చేస్తుందని తెలుస్తోంది.

Ather 450S HR price : ఇక ఈ ఎలక్ట్రిక్​ స్కూటర్​లో నికిల్​- కోబాల్ట్​ ఆధారిత ఎల్​ఐ- ఐయాన్​ బ్యాటరీ ఉండనుంది. 3 ఫేస్​ పీఎంఎస్​ మోటార్​కు ఇది కనెక్ట్​ అయ్యి ఉంటుంది. ఈ ఇంజిన్​ 7.24 హెచ్​పీ పవర్​ను జనరేట్​ చేస్తుంది. ఇదొక 3.67 కేడబ్ల్యూహెచ్​ బ్యాటరీ ప్యాక్​. దీనిని ఒక్కసారి ఛార్జ్​ చేస్తే.. 156కి.మీలు ప్రయాణిస్తుందని తెలుస్తోంది. ప్రస్తుతం ఉన్న 450ఎక్స్​ జెన్​ 3 కన్నా దీని రేంజ్​ 10కి.మీలు ఎక్కువే!

ఇదీ చూడండి:- Xiaoma mini EV: సింగిల్ చార్జ్ తో 1200 కిమీలు. ధర 3.5 లక్షలు మాత్రమే.. ఇవీ ఈ ఈవీ ప్రత్యేకతలు

స్పోర్ట్స్​ మోడ్​తో పాటు మరికొన్ని రైడింగ్​ మోడ్స్​ ఇందులో ఉంటాయి. ఈ ఎలక్ట్రిక్​ స్కూటర్​ టాప్​ స్పీడ్​ 80 కేఎంపీహెచ్​గా ఉండొచ్చు.

ధర ఎంత ఉంటుంది?

ఈ ఏథర్​ 450ఎస్​ హెచ్​ఆర్​ని 450ఎస్​ మోడల్​ ఆధారంగా రూపొందిస్తున్నట్టు తెలుస్తోంది. మార్కెట్​లో ఈ ఈవీ ఎక్స్​షోరూం ధర రూ. 1.4లక్షలుగా ఉంటుందని అంచనాలు ఉన్నాయి.

Ather 450S HR price in Hyderabad : లాంచ్​ తర్వాత ఏథర్​ కొత్త ఎలక్ట్రిక్​ వాహనం.. ఓలా ఎస్​ఓఎక్స్​+ కు గట్టిపోటీనిస్తుదని మార్కెట్​ వర్గాలు భావిస్తున్నాయి. దీని ఎక్స్​షోరూం ధర రూ. 1.45లక్షలుగా ఉంది.

ఇక ఈ ఏథర్​ 450ఎస్​ హెచ్​ఆర్​ లాంచ్​, ధర, ఇతర ఫీచర్స్​ గురించి సంస్థ అధికారిక ప్రకటన చేయాల్సి ఉంది.