mXmoto electric scooter : క్రూజ్​ కంట్రోల్​ ఫీచర్​తో సరికొత్త ఎలక్ట్రిక్​ స్కూటర్​.. ధర ఎంతంటే!

mXmoto electric scooter : భారతీయ ఈవీ స్టార్టప్​ సంస్థ ఎంఎక్స్​మోటో.. తన పోర్ట్​ఫోలియోను పెంచుకుంటోంది. ఈ నేపథ్యంలో కొత్తగా ఒక ఎలక్ట్రిక్​ స్కూటర్​ను లాంచ్​ చేసింది. దీని పేరు ఎంఎక్స్​వీ ఈకో! ఈ మోడల్​ ఫీచర్స్​, రేంజ్​, ధర వంటి వివరాలను ఇక్కడ తెలుసుకుందాము..

ఎంఎక్స్​వీ ఈకో విశేషాలివే..

ఎంఎక్స్​మోటో నుంచి వస్తున్న సరికొత్త ఈవీలో ట్రెడిషన్​ స్కూటర్​ లుక్​ కనిపిస్తుంది. ఇందులో సర్క్యులర్​ ఎల్​ఈడీ హెడ్​ల్యాంప్​, ఏప్రాన్​- మౌంటెడ్​ క్రోమ్​ స్లేటెడ్​ గ్రిల్​, ఇంటిగ్రేటెడ్​ డీఆర్​ఎల్స్​, రౌండెడ్​ క్రోమ్​ మిర్రర్స్​, వైడ్​ హ్యాండిల్​బార్​, ఫ్లాట్​ ఫుట్​బోర్డ్​, టేపరింగ్​ బాడీ ప్యానెల్స్​, స్లీక్​ ఎల్​ఈడీ టెయిల్​ల్యాంప్​ వంటివి వస్తున్నాయి. డైనమిక్​ ఎల్​ఈడీ లైట్​లు వస్తుండటంతో రోడ్​ కండీషన్లు మెరుగ్గా కనిపిస్తాయి. హెడ్​ల్యాంప్​లో ఆటో-ఇల్యుమినేషన్​ ఫంక్షనింగ్​ ఉందని తెలుస్తోంది.

mXmoto MXV Eco price : ఇక ఈ ఎంఎక్స్​వీ ఈకోలో టీఎఫ్​టీ డిస్​ప్లే, బ్లూటూత్​ కనెక్టివిటీ, నేవిగేషన్​ వంటి ఫీచర్స్​ సైతం లభిస్తున్నాయి. మల్టీ-స్పోక్​ అలాయ్​ వీల్స్​ వస్తున్నాయి.

ఇక ఈ ఈ-స్కూటర్​లో సెల్ఫ్​ డైగ్నాసిస్​, ఆటో రిపేర్​ ఫీచర్స్​ ఉన్నాయి. వెహికిల్​లో ఉన్న సెన్సార్లు, కనెక్టివిటీ కారణంగా బండిలో ఎక్కడ సమస్య వచ్చింది? అన్న విషయాన్ని వెంటనే తెలుసుకోవచ్చు. ఎలక్ట్రిక్​ పరికరాల్లో ఏమైనా లోపాలు కనిపిస్తే.. వాటిని స్వయంగా కరెక్ట్​ చేసుకునే విధంగా ఇందులోని కాంపొనెంట్స్​ ఉన్నాయి.

ఇదీ చూడండి:- mXmoto electric bike : మార్కెట్​లోకి కొత్త ఎలక్ట్రిక్​ బైక్​.. జులైలో ‘ఎంఎక్స్​9’ లాంచ్​!

ఈ ఎంఎక్స్​వీ ఈకో ఎలక్ట్రిక్​ స్కూటర్​లో క్రూజ్​ కంట్రోల్​, రివర్స్​ అసిస్ట్​, పార్క్​ అసిస్ట్​ వంటి ఫీచర్స్​ సైతం ఉన్నాయి. ఇవి హైలైట్​గా నిలుస్తున్నాయి.

ఎంఎక్స్​వీ ఈకో ధర ఎంతంటే..!

mXmoto MXV Eco range : ఈ కొత్త ఎలక్ట్రిక్​ స్కూటర్​లో రెండు బ్యాటరీ ప్యాక్​ ఆప్షన్స్​ ఉన్నాయి. చిన్న బ్యాటరీ ప్యాక్​ రేంజ్​ 100కి.మీ అని, టాప్​ స్పీడ్​ 70కేఎంపీహెచ్​ అని సంస్థ చెబుతోంది. పెద్ద బ్యాటరీ ప్యాక్​ రేంజ్​ 120కేఎంపీహెచ్​ అని, టాప్​ స్పీడ్​ 75కేఎంపీహెచ్​ని స్పష్టం చేస్తోంది. ఈ బ్యాటరీలు హబ్​ మౌంటెడ్​ 3కేడబ్ల్యూహెచ్​ ఎలక్ట్రిక్​ మోటార్​కు కనెక్ట్​ అయ్యి ఉంటాయి.

ఇక ఈ ఎంఎక్స్​వీ ఈకో ఈవీ ఎక్స్​షోరూం ధర రూ. 84,999గా ఉంది. ఈ ప్రైజ్​ పాయింట్​లో అదిరిపోయే ఫీచర్స్​తో వస్తున్న ఈ స్కూటర్​.. కస్టమర్లను ఆకర్షిస్తుందని మార్కెట్​ వర్గాలు భావిస్తున్నాయి. డెలివరీలు ఎప్పుడు మొదలవుతాయి? అన్న విషయాన్ని సంస్థ ప్రకటించాల్సి ఉంది.