Honda Activa : సరికొత్తగా హోండా యాక్టివా.. లిమిటెడ్​ ఎడిషన్​ స్కూటర్​ విశేషాలివే!

Honda Activa limited edition : హోండా యాక్టివా స్కూటర్​కు ఇండియాలో మంచి డిమాండ్​ ఉంది. దీనిని మరింత క్యాష్​ చేసుకునేందుకు.. సరికొత్త లిమిటెడ్​ ఎడిషన్​ మోడల్​ను లాంచ్​ చేసింది దిగ్గజ ఆటోమొబైల్​ సంస్థ హోండా మోటార్​సైకిల్​ అండ్​ స్కూటర్​ ఇండియా (హెచ్​ఎంఎస్​ఐ). ఈ నేపథ్యంలో ఈ మోడల్​ ఫీచర్స్​, ధర వంటి వివరాలను ఇక్కడ తెలుసుకుందాము..

సరికొత్తగా హోండా యాక్టివా..

హోండా యాక్టివా లిమిటెడ్​ ఎడిషన్​ స్కూటర్​లో స్టాండర్డ్​, హెచ్​- స్మార్ట్​ పేర్లతో రెండు వేరియంట్స్​ ఉంటాయి. పర్ల్​ సైరెన్​ బ్లూ, మాట్​ స్టీల్​ బ్లాక్​ మెటాలిక్​ కలర్​ ఆప్షన్స్​ కొత్తగా లభిస్తున్నాయి. బాడీ ప్యానెల్​కు బ్లాక్​ క్రోమ్​ యాక్సెంట్స్​, స్ట్రిప్స్​ వంటివి కొత్తగా వస్తున్నాయి. ఇక యాక్టివా 3డీ ఎంబ్లమ్​కు ప్రీమియం బ్లాక్​ క్రోమ్​ గార్నిష్​ లభిస్తోంది. రేర్​ గ్రాబ్​ రెయిల్​కి కూడా బాడీ కలర్​ డార్క్​ ఫినిషింగ్​ ఉంటుంది.

Honda Activa limited edition price : ఇంజిన్​ పరంగా.. ఇందులో ఎలాంటి మార్పులు జరగలేదు. ఇందులో 109.51 సీసీ, ఫ్యూయెల్​ ఇంజెక్టెడ్​, సింగిల్​ సిలిండర్​ ఉంటుంది. ఇదొక బీఎస్​6 ఓబీడీ2 రెడీ మోడల్​. ఈ ఇంజిన్​ 7.37 బీహెచ్​పీ పవర్​ను, 8.90 ఎన్​ఎం టార్క్​ను జనరేట్​ చేస్తుంది.

ఇదీ చూడండి:- Bajaj Pulsar N150 : బజాజ్​ నుంచి కొత్త బైక్​.. పల్సర్​ ఎన్​150 లాంచ్​- ధర ఎంతంటే!

"ఇండియన్​ 2 వీలర్​ సెగ్మెంట్​లో విప్లవాత్మక మార్పులు తీసుకొచ్చిన వాహనం యాక్టివా. రెండు దశాబ్దాలుగా లక్షలాది మంది భారతీయులకు ఈ స్కూటర్​ చేరింది. అన్ని వయస్సు గల వారికి ఇది చాలా నచ్చింది. ఇక లిమిటెడ్​ ఎడిషన్​కి కూడా మంచి డిమాండ్​ లభిస్తుందని మేము ఆశిసిస్తున్నాము. ముఖ్యంగా న్యూ జనరేషన్​ కోసమే దీనిని రూపొందించాము," అని సంస్థ ఎండీ, సీఈఓ సుసుము ఒటాని తెలిపారు.

కొత్త యాక్టివా ధర ఎంతంటే..

Honda Activa latest news : సరికొత్త హోండా యాక్టివా స్టాండర్డ్​ వేరియంట్​ ఎక్స్​షోరూం ధర రూ. 80,734. ఇక హెచ్​-స్మార్ట్​ వేరియంట్​ ఎక్స్​షోరూం ధర రూ. 82,734గా ఉంది. హోండా రెడ్​ వింగ్​ డీలర్​షిప్స్​లో ఈ మోడల్​ బుకింగ్స్​ ఇప్పటికే మొదలయ్యాయి.

పైగా.. ఈ మోడల్​కు 10ఏళ్ల వారెంటీ ప్యాకేజ్​ని కూడా ఇస్తోంది హోండా సంస్థ. 3ఏళ్ల స్టాండర్డ్​, 7ఏళ్ల ఎక్స్​టెండెడ్​ వారెంటీ ఆప్షన్​ లభిస్తోంది.

ఇక ఈ లిమిటెడ్​ ఎడిషన్​ హోండా యాక్టివా.. టీవీఎస్​ జూపిటర్​, హీరో మేస్ట్రో ఎడ్జ్​తో ఇప్పటికే ఉన్న పోటీని మరింత పెంచిందని మార్కెట్​ వర్గాలు చెబుతున్నాయి.