PAN Aadhaar linking deadline : పాన్​- ఆధార్​ లింక్​ చేసుకున్నారా? ఈరోజే లాస్ట్​ డే​!

PAN Aadhaar linking last date : పాన్​- ఆధర్​ కార్డ్​ లింకింగ్​ కోసం కేంద్ర ప్రభుత్వం ఇచ్చిన తుది గడువు నేటితో (శుక్రవారం, జూన్​ 30) ముగియనుంది. మరి ఈ డెడ్​లైన్​ను ప్రభుత్వం పొడగిస్తుందో, లేదో తెలియదు. ఈ నేపథ్యంలో ఎవరైనా పాన్​- ఆధార్​ కార్డులను ఇంకా లింక్​ చేసుకోకపోయుంటే.. వారు ఇబ్బందులు ఎదుర్కోవాల్సి వస్తుంది. అందుకే గడువు ముగిసే లోపు లింక్​ చేసుకోవడం శ్రేయస్కరం.

పాన్​- ఆధార్​ లింక్​ చేసుకోకపోతే.. ఏం అవుతుంది?

• మీ పాన్​ కార్డు పనిచేయదు
• పెండింగ్​లో ఉన్న ట్యాక్స్​ రీఫండ్స్​, వాటిపై రావాల్సిన వడ్డీ పడదు.
• టీడీఎస్​ ఎక్కువగా డిడక్ట్​ అవుతుంది.
• టీసీఎస్​ కూడా ఎక్కువగా కట్​ అవుతుంది.

ఆదాయపు పన్నుశాఖ నిబంధనల ప్రకారం.. పాన్​- ఆధార్​ లింకింగ్​ అందరికి తప్పనిసరి. రూ. 1000, అంతకన్నా ఎక్కువ లేట్​ ఫీజ్​ వాటిని లింక్​ చేసుకోవాల్సి ఉంటుంది.

ఇదీ చూడండి:- Aadhaar Ration Card Linking : ఆధార్​- రేషన్​ కార్డు లింక్​ చేసుకున్నారా? లాస్ట్​ డేట్​ ఇదే..!

రెండు కార్డులు లింక్​ అవ్వట్లేదా...?

PAN Aadhaar linking last date extended : ఒక్కోసారి పాన్​- ఆధార్​ కార్డు లింక్​ అవ్వట్లేదని కొందరు చెబుతున్నారు. ఇందుకు గల కారణాలని ఆదాయపు పన్నుశాఖ వెల్లడించింది.

పేరు, డేట్​ ఆఫ్​ బర్త్​, జెండర్​ మ్యాచ్​ అవ్వకపోవడంతో రెండు కార్డులు లింక్​ అవ్వకపోవచ్చు. ఈ నేపథ్యంలో ముందు పాన్​ కార్డును అప్డేట్​ చేసుకోవాల్సి ఉంటుంది. ఆ తర్వాతే రెండింటినీ లింక్​ చేసుకోవాలి.

www/onlineservices.nsdl.com/paam/endUserRegisterContact.html

https://www.pan.utiitsl.com

ఈ రెండు లింక్స్​లోకి వెళ్లి పాన్​ కార్డును అప్లే చేసుకోవచ్చు. ఆ తర్వాత పాన్​ ఆధార్​ లింకింగ్​ ప్రక్రియ పూర్తి చేసుకోవచ్చు.

వీరికి వర్తించదు..

PAN Aadhaar linking latest news : జమ్ముకశ్మీర్​, అసోం, మేఘాలయవాసులు పాన్​- ఆధార్​ కార్డులను లింక్​ చేసుకోవాల్సిన అవసరం లేదు. ఎన్​ఆర్​ఐలు, 80ఏళ్లు పైబడిన వారు, భారత పౌరసత్వం లేని వారికి కూడా మినహాయింపు ఉంది.

వాస్తవానికి పాన్​ ఆధార్​ లింకింగ్​కు సంబంధించిన డెడ్​లైన్​ను ఇప్పటికే చాలాసార్లు వాయిదా వేసింది ప్రభుత్వం. మరి ఈసారి కూడా పోస్ట్​పోన్​ చేస్తుందా? లేదా? చూడాలి.

ఆధార్​ వివరాలు ఉచితంగా మార్చుకోండి..

పౌరులు తమ ఆధార్ కార్డులో అడ్రస్ వంటి వివరాలను మార్చుకోవాలనుకుంటే, సెప్టెంబర్ 14 వరకు ఆన్ లైన్ లో వారు ఉచితంగా ఆ మార్పులు చేసుకోవచ్చు. ఈ మేరకు ఆధార్ కార్డులను జారీ చేసే అథారిటీ యూఐడీఏఐ వెసులుబాటు కల్పించింది. గతంలో ఈ గడువు జూన్ 14 వరకు మాత్రమే ఉండేది. ఈ మార్చి నెలలో ఈ ఉచిత ఆధార్ అప్ డేట్ డ్రైవ్ ను యూఐడీఏఐ ప్రారంభించింది. పూర్తి వివరాల కోసం ఇక్కడ క్లిక్​ చేయండి.