Ola S1 electric scooter : 'ఎస్​1' స్కూటర్​కు గుడ్​ బై చెప్పిన ఓలా ఎలక్ట్రిక్​!

Ola S1 electric scooter : ఎస్​1 ఎయిర్​ ఎంట్రీతో ఎస్1​ ఎలక్ట్రిక్​ స్కూటర్​కు గుడ్​ బై చెప్పేసింది ఓలా ఎలక్ట్రిక్​ సంస్థ. ఫలితంగా.. ఇప్పుడు ఈ సంస్థ పోర్ట్​ఫోలియోలో ఎస్​1 ఎయిర్​, ఎస్​1 ప్రో మోడల్స్​ మాత్రమే ఉంటాయి.

ఎస్​1 ఎయిర్​ కోసం వెయిటింగ్​..!

ఓల్​ ఎస్​1 ఎయిర్​ పర్చేజ్​ విండో.. ఎస్​1 కమ్యూనిటీకి అందుబాటులో తీసుకొచ్చింది ఈ ఎలక్ట్రిక్​ వాహనాల తయారీ సంస్థ. ఈ కొత్త ఈ-స్కూటర్​లో 3కేడబ్ల్యూహెచ్​ బ్యాటరీ ప్యాక్​ ఉంటుంది. 5 గంటల్లో ఇది ఫుల్​ ఛార్జ్​ అవుతుంది. దీనిని ఒక్కసారి ఛార్జ్​ చేస్తే.. 125కి.మీల దూరం వరకు ప్రయాణిస్తుందని సంస్థ చెబుతోంది. ఇందులోని హబ్​ మోటార్​.. 4.5కేడ్ల్యూ పవర్​ను జనరేట్​ చేస్తుంది. 0-40 కేఎంపీహెచ్​ స్పీడ్​ను 3.3 సెకన్లలో అందుకోగలదు ఈ వాహనం. 0-60కేఎంపీహెచ్​కు 5.7 సెకన్ల సమయం పడుతుంది. ఈ మోడల్​ టాప్​ స్పీడ్​ 90కేఎంపీహెచ్​. ఈకో, నార్మల్​, స్పోర్ట్స్​ వంటి రైడింగ్​ మోడ్స్​ ఇందులో ఉన్నాయి.

Ola S1 discontinued : ఇక ఫీచర్స్​ విషయానికొస్తే.. ఇందులో క్రూజ్​ కంట్రోల్​, టచ్​స్క్రీన్​ క్లస్టర్​ వంటివి వస్తున్నాయి. ప్రాక్సిమిటీ అన్​లాక్​, కాల్​ అలర్ట్స్​, పార్టీ మోడ్​, నావిగేషన్​, వెకేషన్​ మోడ్​, డిజిటల్​ కీ, డాక్యుమెంట్​ స్టోరేజ్​ వంటివి లభిస్తున్నాయి.

ఇదీ చూడండి:- Ather 450X: ఇండియన్ మార్కెట్లో మరో ఎలక్ట్రిక్ స్కూటర్; ట్రెండీ లుక్స్ తో అదరగొడ్తోంది..

ఈ ఓలా ఎస్​1 ఎయిర్​లోని ఫ్రెంట్​, రేర్​ వీల్స్​కు డ్రమ్​ బ్రేక్స్​ లభిస్తున్నాయి. సస్పెన్షన్​ కోసం ఫ్రెంట్​లో టెలిస్కోపిక్​ ఫోర్క్స్​, రేర్​లో డ్యూయెల్​ షాక్​ అబ్సార్బర్స్​ వంటివి ఉంటాయి. ఇప్పటి వరకు ఉన్న స్టీల్​ వీల్స్​ స్థానంలో అలాయ్​ వీల్స్​ వస్తుండటం హైలైట్​. 7 ఇంచ్​ స్క్రీన్​ దీని సొంతం.

Ola S1 Air : మార్కెట్​లో ఓలా ఎలక్ట్రిక్​ ఎస్​1 ఎక్స్​షోరూం ధర రూ. 85,099- రూ. 1.1లక్షల మధ్యలో ఉంటుంది. దీనిని డిస్కంటిన్యూ చేస్తుండటంతో.. ఎస్​1 ఎయిర్​పై ఫోకస్​ పెరిగింది. దీని ధర ఎంత? ఉంటుంది అన్నది ఆసక్తికరంగా మారింది. కాగా.. దీనిపై సంస్థ ఇంకా ఎలాంటి ప్రకటన చేయలేదు.

31న పర్చేజ్​ విండో ఓపెన్​..

పాత కస్టమర్ల కోసం ఇప్పటికే ఓలా ఎస్​1 ఎయిర్​ పర్జేచ్​ విండో ఓపెన్​ అయ్యింది. ఇక ప్రజల కోసం ఈ నెల 31న ఓపెన్​ అవుతుంది. ఈ మోడల్​ ధరతో పాటు డెలివరీలు ఎప్పుడు మొదలవుతాయి? వంటి ప్రశ్నలపై సంస్థ స్పందించాల్సి ఉంది.

ఓలా నుంచి ఎలక్ట్రిక్​ బైక్​..!

Ola electric bike range : ఎలక్ట్రిక్​ బైక్స్​పై కూడా ఓలా సంస్థ ఫోకస్​ పెట్టినట్టు తెలుస్తోంది. ఈ కొత్త మోడల్..​ ఆగస్టు 15న లాంచ్​ అవుతుందని వార్తలు వస్తున్నాయి. బైక్ లాంచ్​పైనే కాకుండా.. దాని​ రేంజ్​పైనా సంస్థ అధిక దృష్టి సారించినట్టు తెలుస్తోంది. ప్రస్తుతం ఉన్న వార్తలు నిజమైతే.. ఈ ఎలక్ట్రిక్​ బైక్​ను ఒక్కసారి ఛార్జ్​ చేస్తే.. 300-315 కి.మీల దూరం ప్రయాణిస్తుంది! కచ్చితంగా ఇది భారతీయులను ఆకర్షించే విషయమే. పూర్తి వివరాల కోసం ఇక్కడ క్లిక్​ చేయండి.