KTM electric scooter : కేటీఎం నుంచి తొలి ఎలక్ట్రిక్​ స్కూటర్​.. లాంచ్​ ఎప్పుడు?

KTM electric scooter : దిగ్గజ ఆటోమొబైల్​ సంస్థ కేటీఎం.. ఓ ఎలక్ట్రిక్​ స్కూటర్​ను రూపొందిస్తున్నట్టు తెలుస్తోంది. ఇటలీ మిలాన్​లో ఈ ఏడాదిలో జరగనున్న ఈఐసీఎంఏ షోలో దీనిని.. సంస్థ ప్రదర్శిస్తుందని తెలుస్తోంది. ఇది జరిగిన కొన్ని నెలలకే.. కేటీఎం ఎలక్ట్రిక్​ స్కూటర్​ ఇండియాలో అడుగుపెట్టే అవకాశం ఉంది. ఈ నేపథ్యంలో ఈ స్కూటర్​కు సంబంధించి ఇప్పటివరకు ఉన్న వివరాలను ఇక్కడ తెలుసుకుందాము..

అద్భుతమైన ఫీచర్స్​తో..

ఈవీలను రూపొందించేందుకు అనేక ఆటోమొబైల్​ సంస్థలు పోటీ పడుతున్నాయి. ఈ జాబితాలోకి కేటీఎం కూడా తాజాగా చేరింది. ఇండియాలో దీనిని బజాజ్​ ఆటో రూపొందిస్తుందని తెలుస్తోంది. ఇండియాలో తయారు చేసి అంతర్జాతీయ విపణిలోకి ఎగుమతి చేసే యోచనలో సంస్థ ఉన్నట్టు సమాచారం.

KTM electric scooter launch date in India : ఇక ఇప్పుడు.. కేటీఎం ఎలక్ట్రిక్​ స్కూటర్​కు సంబంధించిన టెస్ట్​ మ్యూల్​ ఒకటి రోడ్డు మీద దర్శనమిచ్చింది. ఫలితంగా ఈ 2 వీలర్​ డిజైన్​తో పాటు ఇతర వివరాలు అందుబాటులోకి వచ్చాయి. ఇందులో ఫ్లాట్​ సీట్​, ఫ్లైస్క్రీన్​తో పాటు వీల్స్​ స్పోర్టీగా ఉంటాయని తెలుస్తోంది. ఫ్రెంట్​ ఏప్రన్​ చాలా అగ్రెసివ్​గా ఉంటుందని అంచనాలు ఉన్నాయి. ఫుట్​బోర్డ్​ ఫ్లాట్​గా, సిల్వర్డ్​ పిలియన్​ గ్రాబ్​ టెయిల్​తో కూడిన సింగిల్​ సీట్​ ఉండొచ్చు. ఎల్​ఈడీ హెడ్​ల్యాంప్​, డిజిటల్​ ఇన్​స్ట్రుమెంట్​ క్లస్టర్​, అల్యుమీనియం స్వింగ్​ అర్మాతో పాటు అలాయ్​ వీల్స్​ వచ్చే అవకాశం ఉంది.

ఇదీ చూడండి:- Honda electric scooters : హోండా నుంచి రెండు కొత్త ఎలక్ట్రిక్​ స్కూటర్లు..

కేటీఎం తొలి ఎలక్ట్రిక్​ స్కూటర్​ డైమెన్షన్స్​కు సంబంధించిన వివరాలు ఇంకా అందుబాటులోకి రాలేదు. ఇందులో 8కేడబ్ల్యూ మోటార్​ ఉండొచ్చు. పవర్​, బ్యాటరీ ప్యాక్​, రేంజ్​ వంటి వివరాలు ఇంకా తెలియరాలేదు.

KTM electric scooter in India : కేటీఎం ఈ-స్కూటర్​ ఫ్రెంట్​, రేర్​ వీల్స్​కు డిస్క్​ బ్రేక్స్​ వస్తాయని తెలుస్తోంది. సింగిల్​/ డ్యూయెల్​ ఛానెల్​ ఏబీఎస్​ సిస్టెమ్​ కూడా ఉండనుంది. ధరకు సంబంధించిన వివరాలు.. లాంచ్​ టైమ్​లో అందుబాటులోకి వస్తాయి. ఈ-స్కూటర్​ గురించి కేటీఎం లవర్స్​ ఎంతో ఆసక్తిగా ఎదురుచూస్తున్నారు. వారిని సంతృప్తి పరిచే విధంగా ఈ ప్రాడెక్ట్​ను తీర్చిదిద్దాలని కేటీఎం భావిస్తోంది.