Honda Dio H-Smart vs Yamaha RayZR 125 Fi : ఈ రెండు స్కూటర్లలో ఏది బెస్ట్​?

Honda Dio H-Smart vs Yamaha RayZR 125 Fi : ప్రముఖ ఆటోమొబైల్​ సంస్థ హోండా.. తన హెచ్​ స్మార్ట్​ లైనప్​ను పెంచుకునే పనిలో పడింది. తాజాగా.. డియో హెచ్​ స్మార్ట్​ వేరియంట్​ను లాంచ్​ చేసింది. ఈ స్కూటర్​.. యమహా రేజెడ్​ఆర్​ 124 ఎఫ్​ఐకి గట్టిపోటీనిస్తుందని మార్కెట్​లో అంచనాలు ఉన్నాయి. ఈ నేపథ్యంలో ఈ రెండింటినీ పోల్చి, ఏది బెస్ట్​? అన్నది తెలుసుకుందాము..

హోండా డియో హెచ్​ స్మార్ట్​ వర్సెస్​ యమహా రేజెడ్​ఆర్​ 125 ఎఫ్​ఐ..

హోండా కొత్త హెచ్​ స్మార్ట్​ స్కూటర్​లో హెడ్​లైట్​ మౌంటెడ్​ ఫ్రెంట్​ ఏప్రన్​, వైడ్​ హ్యండిల్​బార్​, సైడ్​ ప్యానల్స్​ మీద స్పోర్టీ గ్రాఫిక్స్​, యాంగ్యులర్​ మిర్రర్స్​, సింగిల్​ పీస్​ సీట్​, బ్లాక్​డ్​ ఔట్​ అలాయ్​ వీల్స్​, డిజిటల్​ ఇన్​స్ట్రుమెంట్​ క్లస్టర్​ వంటివి వస్తున్నాయి. హోండా డియో సీట్​ హైట్​ 765ఎంఎం. గ్రౌండ్​ క్లియరెన్స్​ 160ఎంఎం. కర్బ్​ వెయిట్​ 105కేజీలు.

యమహా స్కూటర్​లో ఏప్రన్​ మౌంటెడ్​ ఎల్​ఈడీ హెడ్​ల్యాంప్​, టింటెడ్​ ఫ్లై స్క్రీన్​, ఫ్లాట్​ సీట్​, వైడ్​ హ్యాండిల్​ బార్​ విత్​ నకల్​ గార్డ్స్​, బ్లూటూత్​ ఎనేబుల్డ్​ ఇన్​స్ట్రుమెంట్​ క్లస్టర్​, డిజైనర్​ 12 ఇంచ్​ అలాయ్​ వీల్స్​ వస్తున్నాయి. యమహా రేజెడ్​ఆర్​ 125 సీట్​ హైట్​ 785ఎంఎం. గ్రౌండ్​ క్లియరెన్స్​ 145ఎంఎం. బరువు 98కేజీలు.

ఇదీ చూడండి:- Hero Passion Plus: లేటెస్ట్ ఫీచర్స్ తో, అందుబాటు ధరలో సరికొత్త హీరో ప్యాషన్ ప్లస్

ఈ రెండు స్కూటర్లలో ఏ ఇంజిన్లను ఉన్నాయి..?

హోండా డియో హెచ్​ స్మార్ట్​లో 109.55 సీసీ సింగిల్​ సిలిండర్​ ఇంజిన్​ ఉంటుంది. యాక్టివా 6జీలోనూ ఇదే కనిపిస్తుంది. ఈ ఇంజిన్​ 7.6 హెచ్​పీ పవర్​ను, 9ఎన్​ఎం పీక్​ టార్క్​ను జనరేట్​ చేస్తుంది.

Honda Dio H-Smart price : యమహా స్కూటర్​లో 125సీసీ, సింగిల్​ సిలిండర్​ ఉంటుంది. హైబ్రీడ్​ పవర్​ అసిస్ట్​ ఫెసిలిటీ ఉండటం విశేషం. ఈ ఇంజిన్​.. 8 హెచ్​పీ పవర్​ను, 10.3 ఎన్​ఎం టార్క్​ను జనరేట్​ చేస్తుంది.

ఈ రెండు స్కూటర్లలోనూ వీ బెల్ట్​ ఆటోమెటిక్​ గేర్​బాక్స్​ వస్తోంది.

ఇక సేఫ్టీ విషయానికొస్తే.. హోండా డియో ఫ్రెంట్​- రేర్​ వీల్స్​కు డ్రమ్​ బ్రేక్స్​ వస్తున్నాయి. యమహా రేజెడ్​ఆర్​ 125 స్కూటర్​కు ఫ్రెంట్​లో డిస్క్​ బ్రేక్​, రేర్​లో డ్రమ్​ బ్రేక్​ లభిస్తోంది. ఈ రెండు స్కూటర్లలోనూ కంబైన్డ్​ బ్రేకింగ్​ సిస్టెమ్​ వస్తోంది. సస్పెన్షన్స్​ విషయానికొస్తే.. ఫ్రెంట్​లో టెలిస్కోపిక్​ ఫోర్క్స్​, రేర్​లో మోనో షాక్​ యూనిట్​లు లభిస్తోంది.

వీటి ధరలు ఎంతంటే..!

Honda Dio H-Smart on road price : ఇండియాలో హోండా డియో హెచ్​ స్మార్ట్​ ఎక్స్​షోరూం ధర రూ. 77,712గా ఉంది. యమహా రేజెడ్​ఆర్​ 125 ఎఫ్​ఐ ఎక్స్​షోరూం ధర రూ. 83,730- రూ. 93,530గా ఉంది.