Nokia G60 5G । నోకియా నుంచి మిడ్-రేంజ్ ఫోన్.. శాంసంగ్ ఫోన్‌కు దగ్గరి పోలికలు!
01 November 2022, 19:28 IST
- నోకియా నుంచి Nokia G60 5G స్మార్ట్ఫోన్ భారత మార్కెట్లో విడుదలయింది. లాంచ్ ఆఫర్ లో భాగంగా Nokia Power Earbuds Lite ను ఉచితంగా అందిస్తున్నారు. ఈ ఆఫర్ పరిమిత కాలం వరకే, వివరాలు చూడండి.
Nokia G60 5G
నోకియా బ్రాండ్ లైసెన్సీ కలిగి ఉన్న HDM గ్లోబల్, తాజాగా భారత మార్కెట్లో నోకియా G60 5G అనే సరికొత్త స్మార్ట్‌ఫోన్‌ను విడుదల చేసింది. ఈ హ్యాండ్‌సెట్ 5G కనెక్టివిటీకి మద్దతు ఇస్తుంది. ఈ ఫోన్ మెరుగైన రిఫ్రెర్ష్ రేట్ కలిగిన డిస్‌ప్లే, ట్రిపుల్ రియర్ కెమెరా సెటప్‌ మొదలైన ప్రీమియం ఫీచర్లతో వచ్చింది. అలాగే ఈ స్మార్ట్ఫోన్ ఆండ్రాయిడ్ 12 ఆపరేటింగ్ సిస్టమ్ ఆధారంగా పనిచేస్తుంది. అయితే కంపెనీ మూడేళ్ల వరకు సాఫ్ట్‌వేర్ అప్‌డేట్‌లను అందించనున్నట్లు పేర్కొంది.
iPad Air 2024: రెండేళ్ల నిరీక్షణకు తెర; లేటెస్ట్ ఎం2 చిప్ తో ఐప్యాడ్ ఎయిర్ 2024 సిరీస్ లాంచ్
Massive discounts on Mahindra cars: ఎక్స్ యూ వీ 300 సహా మహీంద్ర కార్లపై బంపర్ ఆఫర్స్, హెవీ డిస్కౌంట్స్..
Indegene Limited IPO: అదిరిపోయే జీఎంపీతో ఓపెన్ అయిన ఇండిజీన్ లిమిటెడ్ ఐపీఓ; ఇన్వెస్టర్లు ఎదురు చూస్తున్నారు..
Stock market crash: స్టాక్ మార్కెట్ క్రాష్ కు కారణాలేంటి?.. లోక్ సభ ఎన్నికల ఫలితాలపై అంచనాలు మారాయా?
Nokia G60 5G స్మార్ట్ఫోన్ 6GB RAM /128GB ఇంటర్నల్ స్టోరేజ్‌తో ఏకైక కాన్ఫిగరేషన్‌లో అందుబాటులో ఉంటుంది. అయితే మెమరీ కార్డు ద్వారా స్టోరేజ్ సామర్థ్యాన్ని మరింత విస్తరించుకునే వీలుంది. ఈ ఫోన్ బ్లాక్, ఐస్ అనే రెండు కలర్ వేరియంట్లలో లభిస్తుంది. Nokia G60 5G ఇప్పటికే అధికారిక నోకియా వెబ్‌సైట్, ఇంకా ప్రముఖ రిటైల్ అవుట్‌లెట్‌లలో ప్రీ-బుకింగ్ కోసం అందుబాటులో ఉంది. నేటి నుండి నవంబర్ 7 వరకు ప్రీ-బుకింగ్ చేసుకోవచ్చు, నవంబర్ 8 నుండి ఈ ఫోన్ విక్రయాలు ప్రారంభమవుతాయి. ఈ ఫోన్‌ను ముందస్తు బుకింగ్ చేసుకున్న కస్టమర్ల కోసం కంపెనీ రూ. 3,599 విలువ గల Nokia Power Earbuds Lite సెట్‌ను ఉచితంగాఅందిస్తోంది.
మరి ఈ కొత్త Nokia G60 5G స్మార్ట్‌ఫోన్‌లో ఇంకా ఎలాంటి ఫీచర్లు, స్పెసిఫికేషన్లు ఉన్నాయి? ధర ఎంత మొదలగు వివరాలు ఈ కింద చూడండి.
Nokia G60 5G స్మార్ట్ఫోన్ ఫీచర్స్, స్పెసిఫికేషన్స్
- 120Hz రిఫ్రెష్ రేట్ కలిగిన 6.58 అంగుళాల FHD+ డిస్‌ప్లే
- 8GB RAM, 120 GB ఇంటర్నల్ స్టోరేజ్ సామర్థ్యం
- స్నాప్‌డ్రాగన్ 695 ప్రాసెసర్
- వెనకవైపు 50MP + 5MP +2MP ట్రిపుల్ కెమెరా సెటప్‌, ముందు భాగంలో 8 MP సెల్ఫీ షూటర్‌
- ఆండ్రాయిడ్ 12 ఆపరేటింగ్ సిస్టమ్
- 4500 mAh బ్యాటరీ సామర్థ్యం, 20W ఛార్జర్
ఇతర కనెక్టివిటీ ఫీచర్లలో బ్లూటూత్ 5.1, 3.5 మిమీ జాక్, టైప్-సి పోర్ట్, డ్యూయల్-బ్యాండ్ వై-ఫై ఉన్నాయి.
Nokia G60 5G స్మార్ట్ఫోన్ ధర రూ. 29,999/- గా ఉంది. అయితే ఇదే తరహా ఫీచర్లతో మార్కెట్లో Samsung Galaxy A53 5G స్మార్ట్ఫోన్ అందుబాటులో ఉంది. దాని ధర ఈ నోకియా కంటే కొద్దిగా తక్కువగానే ఉంది. ఆ ఫోన్ ఎలా ఉందో క్లిక్ చేసి చెక్ చేసుకోండి.