Kawasaki Eliminator 450 : సరికొత్త కవాసాకి ఎలిమినేటర్​ 450 ఇదిగో..!

Kawasaki Eliminator 450 : కవాసాకి ఎలిమినేటర్​ 450 టీజర్​ని డ్రాప్​ చేసింది ఇండియా కవాసాకి మోటార్​. త్వరలో జరగనున్న 2023 ఇండియా బైక్​ వీక్​లో ఈ మోడల్​ని లాంచ్​ చేయనుంది సంస్థ. ఈ ఏడాదిలో.. కవాసాకి ఎలిమినేటర్​ 450ని అంతర్జాతీయ మార్కెట్​లో లాంచ్​ చేసింది సంస్థ. ఈ నేపథ్యంలో ఇండియలోకి వచ్చే ఈ బైక్​ ఫీచర్స్​కు సంబంధించిన విశేషాలను ఇక్కడ తెలుసుకోండి..

కవాసాకి ఎలిమినేటర్​ 450..

ఎలిమినేటర్​ పేరు భారతీయులకు సుపరిచితమే. 1985లో 900 సీసీ ఇన్​లైన్​ 4 సిలిండర్​ ఇంజిన్​తో ఓ బైక్​ని విడుదల చేసింది. 1000 సీసీ లిమిటెడ్​ ఎడిషన్​ కూడా ఇండియాలో అడుగుపెట్టింది. ఆ తర్వాత.. 750 సీసీ, 600 సీసీ, 400 సీసీ, 250 సీసీ ,175 సీసీ, 125 సీసీ సెగ్మెంట్స్​లో చాలా బైక్స్​ని వదిలింది. వీటిల్లో చాలా వరకు హిట్​ అయ్యాయి. ఇక కవాసాకి ఎలిమినేటర్​ 175 కూడా ఇండియాలోకి వచ్చింది. దీనినే రీబ్రాండ్​ చేసి బజాజ్​ అవెంజర్​ 180గా విక్రయించారు.

Kawasaki Eliminator 450 price : ఇక 2023 కవాసాకి ఎలిమినేటర్​లో ఆల్​ బ్లాక్​ లుక్​తో కూడిన రౌండ్​ ఎల్​ఈడీ హెడ్​ల్యాంప్​, భారీ ఫ్యూయెల్​ ట్యాంక్​, లో- సిట్ స్ల్పిట్​ సీట్స్​ వంటివి ఉన్నాయి. ఇంజిన్​ కేసింగ్​, ఛాసిస్​, అలాయ్​ వీల్స్​కి బ్లాక్​డ్​ ఔట్​ ఫినిషింగ్​ లభిస్తోంది.

కవాసాకి ఎలిమినేటర్​ 450లో 451 సీసీ, పారలెల్​ ట్విన్​ సిలిండర్​, లిక్విడ్​ కూల్డ్​ ఇంజిన్​ ఉంటుంది. ఇది.. 44.7 హెచ్​పీ పవర్​ని 42.6 ఎన్​ఎం టార్క్​ని జనరేట్​ చేస్తుంది. ఫ్రెంట్​లో 18 ఇంచ్​ (41ఎంఎం టెలిస్కోపిక్​ ఫ్రెంట్​ ఫోర్క్స్​) ఫ్రెంట్​ వీల్​, 16 ఇంచ్​ (ట్విన్​ షాక్​ అబ్సార్బర్స్​) రేర్​లో వస్తున్నాయి. ఈ బైక్​లో డ్యూయెల్​ ఛానెల్​ ఏబీఎస్​ కూడా ఉంది. ఈ బైక్​ కర్బ్​ వెయిట్​ 176 కేజీలు.

Kawasaki Eliminator 450 price in India : ఈ మోడల్​ ధరకు సంబంధించిన వివరాలు ప్రస్తుతం అందుబాటులో లేవు. కాగా.. దీని ప్రారంభ ఎక్స్​షోరూం ధర రూ. 5.5లక్షలుగా ఉంటుందని మార్కెట్​ వర్గాలు భావిస్తున్నాయి. పూర్తి వివరాలు తెలియాల్సి ఉంది.