MG comet EV vs Citroen eC3 : ఎంజీ కామెట్​ ఈవీ వర్సెస్​ సిట్రోయెన్​ ఈసీ3.. ఏది బెస్ట్​?

MG comet EV vs Citroen eC3 : భారత ఎలక్ట్రిక్​ వాహనాల సెగ్మెంట్​లోకి లేటెస్ట్​గా ఎంట్రీ ఇచ్చింది ఎంజీ కామెట్​ ఈవీ. ఇందులో మూడు వేరియంట్లు ఉన్నాయి. టాప్​ వేరియంట్​ పేరు ప్లష్​. ఇక ఈ ఎంజీ కామెట్​ ఈవీ ప్లష్​ వేరియంట్​.. ఇప్పటికే మార్కెట్​లో ఉన్న సిట్రోయెన్​ ఈసీ3 బేస్​ మోడల్ 'లైవ్​'​కు గట్టిపోటీనిస్తుందని మార్కెట్​లో అంచనాలు ఉన్నాయి. ఈ నేపథ్యంలో ఈ రెండింటినీ పోల్చి.. ఏది కొంటే బెటర్​? అన్నది తెలుసుకుందాము..

ఎంజీ కామెట్​ ఈవీ వర్సెస్​ సిట్రోయెన్​ ఈసీ3- డైమెన్షన్స్​..

ఎంజీ మోటార్​ ఈవీ చాలా చిన్నగా ఉంటుంది. పొడవు 2,974ఎంఎం. వెడల్పు 1,505ఎంఎం. వీల్​బేస్​ 2,010ఎంఎం. ప్లష్​ వేరియంట్​లో క్లోజ్డ్​ ఆఫ్​ గ్రిల్​ విత్​ ఛార్జింగ్​ పోర్ట్​ లభిస్తోంది. ఆల్​ ఎల్​ఈడీ లైటింగ్​ సెటప్​, ఇండికేటర్​ మౌంటెడ్​ ఓఆర్​వీఎంలు, డిజైనర్​ కవర్స్​తో కూడిన 12 ఇంచ్​ స్టీల్​ వీల్స్​, బంపర్​ మౌంటెడ్​ ఫాగ్​ ల్యాంప్స్​ వస్తున్నాయి.

MG comet EV plush on road price Hyderabad : ఇక సిట్రోయెన్​ ఈసీ3 లైవ్​ వేరియంట్​ పొడవు 3,981ఎంఎం. వెడల్పు 1,733ఎంఎం. వీల్​బేస్​ 2,540ఎంఎం. ఇందులో 15 ఇంచ్​ అలాయ్​ వీల్స్​ విత్​ కవర్స్​, హాలోజెన్​ హెడ్​ల్యాంప్స్​, రూఫ్​ రెయిల్స్​, ఫ్లేర్డ్​ వీల్​ ఆర్చీస్​, థిక్​ బాడీ క్లాడింగ్​, రూఫ్​ మౌంటెడ్​ యాంటీనా లభిస్తున్నాయి.

ఇదీ చూడండి:- MG Comet EV vs Tata Tiago EV : ఎంజీ కామెట్​ వర్సెస్​ టియాగో ఈవీ.. ఏది బెస్ట్​?

ఎంజీ కామెట్​ ఈవీ వర్సెస్​ సిట్రోయెన్​ ఈసీ3- ఫీచర్స్​..

MG comet EV reviews in Telugu : ఎంజీ కామెట్​ ఈవీ ప్లష్​ వేరియంట్​లోని 4 సీటర్​ కేబిన్​లో మేన్యువల్​ ఏసీ, పవర్​ విండోస్​, 2 టోన్​ డాష్​బోర్డ్​, ఫాబ్రిక్​ అప్​హోలిస్ట్రీ, లెథర్​ వ్రాప్డ్​ మల్టీఫంక్షనల్​ స్టీరింగ్​ వీల్​ ఉంటుంది. యూఎస్​బీ ఛార్జింగ్​ పోర్ట్​, 2 స్పీకర్స్​, 10.25 ఇంచ్​ ఇన్ఫోటైన్​మెంట్​ ప్యానెల్​, ఆండ్రాయిడ్​ ఆటో- యాపిల్​ కార్​ప్లే సపోర్ట్​, ఐస్మార్ట్​ కనెక్టెడ్​ కార్​ టెక్నలజీ వంటివి వస్తున్నాయి. సేఫ్టీ కోసం 2 ఎయిర్​బ్యాగ్స్​, ఏబీఎస్​, ఈబీడీ, రేర్​ వ్యూ కెమెరా సైతం ఈ వేరియంట్​లో ఉన్నాయి.

Citroen eC3 live price : కాగా.. సిట్రోయెన్​ ఈసీ3 లైవ్​లోని 5 సీటర్​ కేబిన్​లో పార్కింగ్​ సెన్సార్స్​, మేన్యువల్​ ఏసీ, సాటిన్​ క్రోమ్​ యాక్సెంట్స్​, మల్టీఫంక్షనల్​ స్టీరింగ్​ వీల్​, ఫ్రెంట్​లో పవర్​ విండోస్​ వస్తున్నాయి. ఏబీఎస్​, ఈబీడీ, డ్యూయెల్​ ఎయిర్​బ్యాగ్స్​, డిజిటల్​ క్లస్టర్​, కనెక్టెడ్​ కార్​ టెక్నాలజీ దీని సొంతం. ఇన్ఫోటైన్​మెంట్​ సిస్టెమ్​ లేదు.

ఎంజీ కామెట్​ ఈవీ వర్సెస్​ సిట్రోయెన్​ ఈసీ3- రేంజ్​..

MG comet EV range : ఎంజీ కామెట్​ ఈవీలో 17.3కేడబ్ల్యూహెచ్​ లిథియం- ఐయాన్​ బ్యాటరీతో కూడిన ఎలక్ట్రిక్​ మోటార్​ ఉంటుంది. ఇది 41.4 హెచ్​పీ పవర్​ను, 110ఎన్​ఎం టార్క్​ను జనరేట్​ చేస్తుంది. దీని రెంజ్​ 230కి.మీలు.

సిట్రోయెన్​ ఈసీ3లో 29.2కేడబ్ల్యూహెచ్​ లిథియం- ఐయాన్​ బ్యాటరీతో కూడిన ఎలక్ట్రిక్​ మోటార్​ ఉంది. ఇది 56.2 హెచ్​పీ పవర్​ను, 143ఎన్​ఎం టార్క్​ను జనరేట్​ చేస్తుంది. ఈ బ్యాటరీని ఒక్కసారి ఛార్జ్​ చేస్తే.. 320కి.మీల దూరం వరకు ప్రయాణిస్తుంది.

ఎంజీ కామెట్​ ఈవీ వర్సెస్​ సిట్రోయెన్​ ఈసీ3- ధర..

Citroen eC3 range : ఎంజీ కామెట్​ ఈవీ ప్లష్​ వేరియంట్​ ఎక్స్​షోరూం ధర రూ. 9.98లక్షలుగా ఉంది. సిట్రోయెన్​ ఈసీ3 లైవ్​ వేరియంట్​ ఎక్స్​షోరూం ధర రూ. 11.5లక్షలుగా ఉంది.