MG Comet EV vs Tata Tiago EV : ఎంజీ కామెట్​ వర్సెస్​ టియాగో ఈవీ.. ఏది బెస్ట్​?

MG Comet EV vs Tata Tiago EV : ఇండియా ఎలక్ట్రిక్​ వాహనాల సెగ్మెంట్​లోకి లేటెస్ట్​గా​ ఎంట్రీ ఇచ్చింది ఎంజీ కామెట్​ ఈవీ. ఈ ఈవీకి మంచి రివ్యూలు వస్తున్నాయి. అందుకు తగ్గట్టుగానే డిమాండ్​ కూడా కనిపిస్తోంది! ఈ నేపథ్యంలో సేల్స్​ పరంగా దూసుకెళుతున్న టాటా టియాగో ఈవీకి.. ఈ ఎంజీ కామెట్​ గట్టిపోటీనిస్తుందని అంచనాలు ఉన్నాయి. ఈ క్రమంలో.. ఈ రెండింటినీ పోల్చి, ఏది బెస్ట్​? అన్నది ఇక్కడ తెలుసుకుందాము..

ఎంజీ కామెట్​ ఈవీ వర్సెస్​ టాటా టియాగో ఈవీ- డైమెన్షన్స్​..

ఎంజీ కామెట్​ ఈవీ అన్నది చిన్న కారు అని ఫస్ట్​ లుక్​లోనే తెలిసిపోతుంది. దీని పొడవు 2974ఎంఎం. వెడల్పు 1505ఎంఎం. ఎత్తు 1640ఎంఎం. వీల్​బేస్​ 2010ఎంఎం.

MG Comet EV price Hyderabad : మరోవైపు టాటా టియాగో ఈవీ పొడవు 3769ఎంఎం. వెడల్పు 1677ఎంఎం. ఎత్తు 1536ఎంఎం. వీల్​ బేస్​ 2400ఎంఎం.

ఒక్క హైట్​ విషయంలో తప్ప.. ఎంజీ కామెట్​ ఈవీ కన్నా టియాగో ఈవీనే పెద్దది. టాటా టియాగో ఈవీలో 240 లీటర్ల బూట్​ స్పేస్​ ఉంటుంది. ఎంజీ కామెట్​ ఈవీ దీని కన్నా తక్కువే ఉండనుంది.

ఇదీ చదవండి:- Citroen eC3 vs Tiago EV vs Tigor EV : ఈ మూడింట్లో.. బడ్జెట్​ ఫ్రెండ్లీ ఈవీ ఏది?

ఎంజీ కామెట్​ ఈవీ వర్సెస్​ టాటా టియాగో ఈవీ- బ్యాటరీ ప్యాక్​..

MG Comet EV range : ఎంజీ కామెట్​ ఈవీలో 17.3 కేడబ్ల్యూహెచ్​ బ్యాటరీ ప్యాక్​ ఉంటుంది. దీనిని ఒక్కసారి ఛార్జ్​ చేస్తే 230కి.మీల దూరం ప్రయాణిస్తుందని సంస్థ చెబుతోంది. 3.3 కేడబ్ల్యూ ఛార్జర్​తో 0-100శాతం ఛార్జింగ్​ 7 గంటల్లో పూర్తవుతుంది. దీనికి డీసీ ఫాస్ట్​ ఛార్జింగ్​ కేపబులిటీ లేదు. ఇందులోని ఎలక్ట్రిక్​ మోటార్​ 42 పీఎస్​ పవర్​ను, 110 ఎన్​ఎం టార్క్​ను జనరేట్​ చేస్తుంది.

Tata Tiago EV price Hyderabad : ఇక టియాగో ఈవీలో 19.2 కేడబ్ల్యూహెచ్​/ 24 కేడబ్ల్యూహెచ్​ బ్యాటరీ ప్యాక్​ ఆప్షన్స్​ ఉన్నాయి. మొదటి దాని రేంజ్​ 250కి.మీలు. రెండో బ్యాటరీ ప్యాక్​ రేంజ్​ 315కి.మీలు. వీటిని 10-100శాతానికి ఛార్జ్​ (15ఏ ఛార్జర్​) చేసేందుకు 6.9 గంటలు/ 8.7 గంటల సమయం పడుతుంది. వీటికి డీసీ ఫాస్ట్​ ఛార్జింగ్​ కేపబులిటీ ఉంది. ఫలితంగా 10-80శాతం ఛార్జింగ్​ కేవలం 58 నిమిషాల్లో అయిపోతుంది! ఇందులోని ఎలక్ట్రిక్​ మోటార్​(రెండు బ్యాటరీ ప్యాక్​లకు).. 61 పీఎస్​/ 75 పీఎస్​ పవర్​ను జనరేట్​ చేస్తుంది. 110 ఎన్​ఎం/ 114ఎన్​ఎం టార్క్​ను జనరేట్​ చేస్తుంది.

ఎంజీ కామెట్​ ఈవీ వర్సెస్​ టాటా టియాగో ఈవీ- ధర..

టియాగో ఈవీలో 7 వేరియంట్లు ఉన్నాయి. ఈ ఈవీ ఎక్స్​షోరూం ధర రూ. 8.69లక్షల నుంచి రూ. 11.99లక్షల మధ్యలో ఉంటుంది.

MG Comet EV price : ఇక ఎంజీ కామెట్​ ఈవీలో మూడు వేరియంట్లు ఉన్నాయి. పేస్​ ఎక్స్​షోరూం ధర రూ. 7.98లక్షలు. ప్లే ఎక్స్​షోరూం ధర రూ. 9.28లక్షలు. ప్లష్​ ఎక్స్​షోరూం ధర రూ. 9.98లక్షలుగా ఉంది.