MG Comet EV Gamer Edition : ఎంజీ కామెట్​ ఈవీ గేమర్​ ఎడిషన్​ లాంచ్​.. ధర ఎంతంటే!

MG Comet EV Gamer Edition : ఎంజీ కామెట్​ ఈవీ వెహికిల్​కు ఇండియాలో మంచి డిమాండ్​ కనిపిస్తోంది. ఈ చిన్న సైజు ఎలక్ట్రిక్​ వెహికిల్​పై ప్రజల్లో ఆసక్తి పెరుగుతోంది. ఈ నేపథ్యంలో కామెట్​ ఈవీ గేమర్​ ఎడిషన్​ను లాంచ్​ చేసింది సంస్థ. పేస్​, ప్లే, ప్లష్​ వేరియంట్స్​కు ఇది వస్తోంది. ఈ నేపథ్యంలో ఈ మోడల్​ వివరాలను ఇక్కడ తెలుసుకుందాము..

గేమర్​ ఎడిషన్​ స్పెషాలిటీ ఏంటీ?

గేమర్స్​ను అట్రాక్ట్​ చేసే విధంగా ఈ ఎంజీ కామెట్​ ఈవీ స్పెషల్​ ఎడిషన్​ ఉంటుంది. సైడ్​ మౌల్డింగ్స్​, కార్పెట్​ మాట్స్​, ఇంటీరియర్​ ఇన్​సర్ట్స్​, బాడీ గ్రాఫిక్స్​, స్టీరింగ్​ వీల్​ కవర్​, సీట్​ కవర్స్​ వంటివి ప్రత్యేకంగా డిజైన్​ చేశారు. ఇవి యువతను ఆకట్టుకునే విధంగా ఉన్నాయని చెప్పుకోవాలి.

ఇండియాలో ఈవీ సెగ్మెంట్​కు డిమాండ్​ భారీగా పెరుగుతోంది. ఈ నేపథ్యంలో చిన్న సైజుతో అందరి దృష్టిని ఆకర్షించింది ఎంజీ కామెట్​ ఈవీ. పైగా ఇందులో అనేక స్మార్ట్​ ఫీచర్స్​ ఉండటం హైలైట్​ విషయం. ఇక ఇప్పుడు గేమర్​ ఎడిషన్​తో సేల్స్​ పెంచుకోవాలని సంస్థ చూస్తోంది. యునీక్​, పర్సనలైజ్​డ్​ డ్రైవింగ్​ ఎక్స్​పీరియన్స్​ కావాలనుకునే వారికి.. ఈ ఎంజీ కామెట్​ ఈవీ గేమర్​​ ఎడిషన్​ కచ్చితంగా నచ్చుతుంది!

ఇదీ చూడండి:- MG Comet EV vs Tata Tiago EV : ఎంజీ కామెట్​ వర్సెస్​ టియాగో ఈవీ.. ఏది బెస్ట్​?

ఎంజీ కామెట్​ ఈవీ ఎక్స్​షోరూం ధర రూ. 7,98,000- రూ. 9,98,000 మధ్యలో ఉంది. సాధారణ మోడల్స్​ కన్నా గేమర్​ ఎడిషన్​ మరో రూ. 64,999 అధికం!

ఇతర వివరాలు..

MG Comet EV Gamer Edition price : ఎంజీ కామెట్​ ఈవీ గేమర్​ ఎడిషన్​లో పెద్దగా మార్పులు కనిపించవు. ఇందులో 17.3 కేడబ్ల్యూహెచ్​ లిథియం ఐయాన్​ బ్యాటరీ ప్యాక్​ ఉంటుంది. దీనిపై గరిష్ఠంగా 8ఏళ్లు లేదా 1.20లక్షల కి.మీల వారెంటీ లభిస్తోంది. ఒక్కసారి ఛార్జ్​ చేస్తే ఈ ఈవీ 230కి.మీ దూరం ప్రయాణిస్తుందని సంస్థ చెబుతోంది. ఇందులో ఎలక్ట్రిక్​ ఇంజిన్​ 41 హెచ్​పీ పవర్​ను, 110 ఎన్​ఎం టార్క్​ను జనరేట్​ చేస్తుంది. ఈ ఈవీ స్పీడ్​ 100కేఎంపీహెచ్​. ఈకో, నార్మల్​, స్పోర్ట్​ వంటి డ్రైవింగ్​ మోడ్స్​ ఇందులో ఉన్నాయి.