Maruti Suzuki Q1 results : క్యూ1లో.. 145శాతం పెరిగిన మారుతీ సుజుకీ నికర లాభం!

Maruti Suzuki Q1 results : దేశీయ దిగ్గజ ఆటోమొబైల్​ సంస్థ మారుతీ సుజుకీ.. ఎఫ్​వై24 క్యూ1 ఫలితాలను సోమవారం ప్రకటించింది. జూన్​తో ముగిసిన త్రైమాసికంలో సంస్థ స్టాండెలోన్​ నెట్​ ప్రాఫిట్​ రూ. 2,485.1 కోట్లుగా ఉంది. గతేడాది ఇదే త్రైమాసికంతో పోల్చుకుంటే ఇది 145శాతం (రూ. 1,012.8కోట్లు) అధికం! సేల్స్​ వాల్యూమ్​ వృద్ధిచెందడంతో పాటు చిప్​ కొరత తగ్గడం వంటి అంశాలు సంస్థకు కలిసివచ్చాయి. ఈ ఫలితాలు మార్కెట్​ అంచనాల కన్నా మించి ఉన్నాయి.

మరోవైపు ఎఫ్​వై23 క్యూ4తో (రూ. 2,623.6) పోల్చుకుంటే మాత్రం.. సంస్థ నికర లాభాలు స్వల్పంగా తగ్గాయి. ఇక ఈ త్రైమాసికంలో మారుతీ సుజుకీ స్టాండెలోన్​ రెవెన్యూ 22శాతం వృద్ధిచెంది.. రూ. 32,326.9 కోట్లుగా నమోదైంది. గతేడాది ఇదే త్రైమాసికంలో అది రూ. 26,499కోట్లుగా ఉంది.

ఇక ఈ ఏడాది ఏప్రిల్​- జూన్​లో 4,98,030 వాహనాలను సేల్​ చేసింది మారుతీ సుజుకీ. గతేడాది ఇదే కాలవ్యవధితో పోల్చుకుంటే.. ఇది 6.4శాతం అధికం. ఎస్​యూవీ పోర్ట్​ఫోలియోకు మంచి డిమాండ్​ కనిపిస్తోందని సంస్థ చెప్పింది.

ఎఫ్​వై24 మొదటి త్రైమాసికంలో దేశీయంగా 4,34,812 యూనిట్​లను విక్రయించింది దిగ్గజ ఆటోమొబైల్​ సంస్థ. 63,218 యూనిటల్​ను విదేశాలకు ఎగుమతి చేసింది. ఎఫ్​వై23 క్యూ1లో ఈ నెంబర్​ 69,437గా ఉండేది.

ఇదీ చూడండి:- IDFC First Bank : ఐడీఎఫ్​సీ ఫస్ట్​ బ్యాంక్​ షేర్లు ఇప్పుడు కొనొచ్చా? టార్గెట్​ రూ. 140?

"ఎలక్ట్రానిక్​ పరికరాల కొరత సమస్య దిగొస్తోంది. కానీ సమస్య ఇంకా ఉంది. అందుకే సాధారణం కన్నా 28వేల యూనిట్​లను తక్కువగా తయారు చేశాము. సంస్థ ఆర్డర్​ బుక్​లో 3,55,000 వాహనాలు పెండింగ్​లో ఉన్నాయి. వీటిని వేగంగా పూర్తి చేసేందుకు సంస్థ అన్ని విధాలుగా ప్రయత్నిస్తోంది," అని మారుతీ సుజుకీ వెల్లడించింది.

మరోవైపు సుజుకీ మోటార్​ కార్పొరేషన్​ నుంచి సుజుకీ మోటార్​ గుజరాత్​ ప్రైవేట్​ లిమిటెడ్​ను కొనుగోలు చేసేందుకు సంస్థ బోర్డు ఆమోదించింది. ఈ క్రమంలో ఎస్​ఎంజీతో మేన్యుఫ్యాక్చరింగ్​ అగ్రీమెంట్​ను రద్దు చేసుకుంటున్నట్టు, అదే సమయంలో అందులో 100శాతం వాటాను అక్వైర్​ చేస్తున్నట్టు స్పష్టం చేసింది.

మారుతీ సుజుకీ షేర్​ ప్రైజ్​..

Maruti Suzuki share price today : సోమవారం ట్రేడింగ్​ సెషన్​ ముగిసే సమయానికి మారుతీ సుజుకీ షేర్లు 1.48శాతం వృద్ధిచెంది రూ. 9,813 వద్ద ముగిశాయి. ఈ స్టాక్​ ఐదు రోజుల్లో 1.42శాతం, నెల రోజుల్లో 1.45శాతం మేర పెరిగింది. ఇక గత ఆరు నెలల్లో 11.91శాతం వృద్ధిని నమోదు చేసింది. ఈ ఏడాదిలో ఇప్పటివరకు 16.8శాతం, ఏడాది కాలంలో 8.99శాతం లాభపడింది.