Bank holidays in November 2022 : నవంబర్​లో బ్యాంక్​ సెలవులు ఇవే..

Bank holidays in November : నవంబర్​ నెల మొదలవ్వడానికి ఇంకా కొన్ని రోజులు మాత్రమే ఉంది. ఈ నేపథ్యంలో నవంబర్​ నెలకు సంబంధించిన బ్యాంక్​ సెలవుల వివరాలను ఆర్​బీఐ(రిజర్వ్​ బ్యాంక్​ ఆఫ్​ ఇండియా) తాజాగా ప్రకటించింది. వచ్చే నెలలో బ్యాంక్​ పనుల కోసం తిరిగేవాళ్లు.. ఈ లిస్ట్​ను కచ్చితంగా చూసి, గుర్తుపెట్టుకోవాలి. సెలవు లేని రోజు చూసుకుని బ్యాంక్​కు వెళ్లాల్సి ఉంటుంది.

ఇక నవంబర్​లో బ్యాంక్​లకు 10 రోజుల పాటు సెలవులు ఉండనున్నాయి. అయితే వీటిల్లో కొన్ని ప్రాంతీయ సెలవులు కూడా ఉన్నాయి. ఆ వివరాలు..

నవంబర్​లో బ్యాంక్​ సెలవులు ఇవే..

• 2022 నవంబర్​ 1:- కన్నడ రాజ్యోత్సవ/కుట్​- బెంగళూరు, ఇపాల్​లో బ్యాంక్​లకు సెలవు.
• 2022 నవంబర్​ 6:- ఆదివారం
• November bank holidays list : 2022 నవంబర్​ 8:- గురునానక్​ జయంతి/కార్తీక పౌర్ణమి/ రహస్​ పౌర్ణమి/ వంగల పండుగ- అగర్తల, బెంగళూరు, గ్యాంగ్​టక్​, గౌహతి, ఇంపాల్​, కొచి, పనాజీ, పట్నా, షిల్లాంగ్​, తిరువనంతపురం బ్యాంక్​లకు సెలవు.
• 2022 నవంబర్​ 11:- కనకదాస జయంతి/ వంగ్ల పండుగ:- బెంగళూరు, షిల్లాంగ్​లోని​ బ్యాంక్​లకు సెలవు
• 2022 నవంబర్​ 12:- రెండో శనివారం
• 2022 నవంబర్​ 13:- ఆదివారం
• 2022 నవంబర్​ 20:- ఆదివారం
• 2022 నవంబర్​ 23:- సెంగ్​ కుట్సనెమ్​- షిల్లాంగ్​లోని బ్యాంక్​లకు సెలవు
• 2022 నవంబర్​ 26:- నాలుగో శనివారం
• 2022 నవంబర్​ 27:- ఆదివారం

పండుగ సీజన్​ ముగిసింది.. సెలవులు తగ్గాయి!

Bank holidays RBI : దేశంలో ఆగస్టులో మొదలైన పండుగ సీజన్​ అక్టోబర్​ నెలాఖరుతో ముగిసింది. ఫలితంగా ఆగస్టు, సెప్టెంబర్​, అక్టోబర్​లతో పోల్చుకుంటే.. నవంబర్​లో బ్యాంక్​ సెలవులు తగ్గాయి. దసరా, దీపావళి పండుగల నేపథ్యంలో అక్టోబర్​లో బ్యాంక్​లకు మొత్తం మీద 21 రోజుల పాటు సెలవులు లభించాయి. ఇక సెప్టెంబర్​లో బ్యాంక్​లు 13 రోజులు మూతపడ్డాయి. ఇక ఆగస్టులో కూడా బ్యాంక్​లకు 13 రోజుల పాటు సెలవులు లభించాయి.

బ్యాంక్​లకు సంబంధించిన సెలవులను ప్రతి నెల చివర్లో.. ఆర్​బీఐ విడుదల చేస్తుంది.