Hyundai CRETA EV : టెస్ట్​ రన్​ దశలో హ్యుందాయ్​ క్రేటా ‘ఈవీ’.. లాంచ్​ ఎప్పుడు?

Hyundai CRETA EV : తన పోర్ట్​ఫోలియోలోని బెస్ట్​ సెల్లింగ్​ మోడల్​ క్రేటాకు ఈవీ టచ్​ ఇచ్చేందుకు దిగ్గజ ఆటోమొబైల్​ సంస్థ హ్యుందాయ్​ మోటార్స్​ ప్లాన్​ చేస్తున్న విషయం తెలిసిందే. ఈ హ్యుందాయ్​ క్రేటా ఈవీ.. ఇండియాలో త్వరలోనే లాంచ్​ అవుతుందని వార్తలు వస్తున్నాయి. ప్రస్తుతం ఈ-ఎస్​యూవీ టెస్ట్​ రన్​​ దశలో ఉన్నట్టు తెలుస్తోంది. ఇందుకు సంబంధించిన పిక్స్ పలుమార్లు​ ఆన్​లైన్​లో లీక్​ అయ్యాయి.

ఇటీవలి కాలంలో.. ఎలక్ట్రిక్​ వాహనాల సెగ్మెంట్​పై హ్యుందాయ్​ మోటార్స్​ ఎక్కువ ఫోకస్​ చేస్తోంది! ఇందుకు తగ్గట్టుగానే ఇండియా మార్కెట్​లో ఐయానిక్​ 5, కోనా ఈవీలను లాంచ్​ చేసింది. ఇక ఇప్పుడు క్రేటా ఈవీ లాంచ్​కు సన్నద్ధమవుతోంది. క్రేట్​కు ఉన్న డిమాండ్​ను చూసి.. ఈవీ వర్షెన్​కి కూడా ఆదరణ లభిస్తుందని ఆశలు పెట్టుకుంది.

హ్యుందాయ్​ క్రేటా ఈవీ- లుక్స్​..

Hyundai CRETA EV launch in India : హ్యుందాయ్​ క్రేటా ఈవీ డిజైన్​.. ఐసీఈ ఇంజిన్​తోనే పోలి ఉంటుంది! ఇందులో స్కల్ప్​టెడ్​ హుడ్​, క్లోజ్​డ్​ ఆఫ్​ గ్రిల్​ విత్​ క్రోమ్​ హెడ్​లైట్స్​, ఇంటిగ్రేటెడ్​ స్ప్లిట్​ టైప్​ డీఆర్​ఎల్స్​తో కూడిన ట్రై బీమ్​ ఎల్​ఈడీ హెడ్​లైట్స్​, రూఫ్​ రెయిల్స్​, స్కిడ్​ ప్లేట్స్​, డిజైనర్​ అలాయ్​ వీల్స్​ ఉంటాయి. ఇక రేర్​లో రూఫ్​ మౌంటెడ్​ స్పాయిలర్​తో పాటు స్ప్లిట్​ స్టైల్​ ఎల్​ఈడీ టెయిల్​లైట్స్​ రావొచ్చు.

ఇదీ చదవండి:- C3 Aircross vs Hyundai Creta : సీ3 ఎయిర్​క్రాస్​ వర్సెస్​ హ్యుందాయ్​ క్రేటా.. ఏది బెస్ట్​?

హ్యుందాయ్​ క్రేటా ఈవీ- ఫీచర్స్​..

ఈ ఎలక్ట్రిక్​ వెహికిల్​ కేబిన్​ కూడా ఐసీఈ ఇంజిన్​ వేరియంట్​ను పోలి ఉండే అవకాశం ఉంది. విలాసవంతమైన 5 సీటర్​ కేబిన్​లో డ్యూయెల్​ టోన్​ డాష్​బోర్డ్​, ప్రీమియం అప్​హోలిస్ట్రీ, ఎలక్ట్రిక్​ సన్​రూఫ్​, వయర్​లెస్​ ఛార్జర్​, యాంబియెంట్​ లైటింగ్​, ఆటోమెటిక్​ క్లైమేట్​ కంట్రోల్​, మల్టీఫంక్షనల్​ స్టీరింగ్​ వీల్​, డిజిటల్​ ఇన్​స్ట్రుమెంట్​ క్లస్టర్​, భారీ ఇన్ఫోటైన్​మెంట్​ టచ్​స్క్రీన్​ వచ్చే అవకాశం ఉంది.

ప్యాసింజర్​ సేఫ్టీ కోసం ఈవీల మల్టిపుల్​ ఎయిర్​బ్యాగ్స్​, ఈఎస్​సీలు రావొచ్చు.

హ్యుందాయ్​ క్రేటా ఈవీ- రేంజ్​..

Hyundai CRETA EV price : క్రేటా ఈవీ టెక్నికల్​ వివరాలు ఇంకా అందుబాటులో లేవు. కాగా ఈ-ఎస్​యూవీలో భారీ బ్యాటరీ ప్యాక్​ ఉంటుందని వార్తలు వస్తున్నాయి. ఒక్కసారి ఛార్జ్​ చేస్తే.. 400కి.మీలు ప్రయాణించే విధంగా ఈ ఈవీని హ్యుందాయ్​ రూపొందిస్తున్నట్టు సమచారం.

హ్యుందాయ్​ క్రేటా ఈవీ- ధర..

ప్రస్తుతం టెస్టింగ్​ దశలో ఉన్న క్రేటా ఈవీ ధరకు సంబంధించిన వివరాలను సంస్థ ఇంకా ప్రకటించలేదు. లాంచ్​ డేట్​పై క్లారిటీ రావాల్సి ఉంది. కాగా.. ఐసీఈ ఇంజిన్​ వర్షెన్​ ప్రారంభ ఎక్స్​షోరూం ధర రూ. 10.87లక్షలుగా ఉంది. ఈవీ ధర ఏ విధంగా ఉంటుందోనని మార్కెట్​ వర్గాల్లో ఆసక్తి నెలకొంది.