HONOR Magic6 : హానర్​ నుంచి కొత్త ఫ్లాగ్​షిప్​ స్మార్ట్​ఫోన్​ సిరీస్​.. లాంచ్​ డేట్​ ఇదే!

HONOR Magic6 : హానర్​ సంస్థ నుంచి సరికొత్త ఫ్లాగ్​షిప్​ స్మార్ట్​ఫోన్​ సిరీస్​ లాంచ్​కు సిద్ధమవుతోంది. దీని పేరు హానర్​ మేజిక్​ 6. ఇందులో 3 గ్యాడ్జెట్స్​ ఉంటాయి. అవి.. మేజిక్​ 6, మేజిక్​ 6 ప్రో, మేజిక్​ 6 అల్టిమేట్​! కాగా.. ఈ సిరీస్​ లాంచ్​ డేట్​ ఆన్​లైన్​లో లీక్​ అయ్యింది. లాంచ్​తో పాటు ఈ మొబైల్స్​ ఫీచర్స్​ వంటి వివరాలపై ప్రస్తుతం ఉన్న సమాచారాన్ని ఇక్కడ తెలుసుకుందాము..

హానర్​ మేజిక్​ 6 స్మార్ట్​ఫోన్​ ఫీచర్స్​..!

ఆన్​లైన్​లో లీక్​ అయిన డేటా ప్రకారం ఈ హానర్​ మేజిక్​ 6 సిరీస్​.. చైనాలో 2024 జనవరి 11న లాంచ్​ అవుతుంది. ఇందుకోసం సంస్థ ఓ గ్రాండ్​ ఈవెంట్​ని ప్లాన్​ చేస్తోంది.

పలు లీక్స్​ ప్రకారం.. హానర్​ మేజిక్​ 6 లైనప్​లో స్నాప్​డ్రాగన్​ 8 జెన్​ 3 ప్రాసెసర్​ ఉండొచ్చు. క్వాడ్​- కర్వ్​డ్​ ఓఎల్​ఈడీ ప్యానెల్​ ఉంటుంది. డ్యూయెల్​ ఫ్రెంట్​ ఫేసింగ్​ కెమెరాల కోసం పిల్​ షేప్​ కటౌట్​ డిజైన్​ వస్తుంది.

HONOR Magic6 launch : ఈ స్మార్ట్​ఫోన్​ సిరీస్​లో 50ఎంపీ ఓమ్నీ విజన్​ ఓవీ50కే ప్రైమరీ కెమెరా ఉంటుందట. ఇక టాప్​ ఎండ్​ మోడల్​ హానర్​ మేజిక్​ 6 ప్రోలో 2 వే శాటిలైట్​ కనెక్టివిటీ లభిస్తుందట.

ఈ మొబైల్స్​లో మేజిక్​ఓఎస్​ 8.0 సపోర్ట్​ చేసే ఆన్​-డివైజ్​ జెనరేటివ్​ ఏఐ కెపబులిటీ ఫీచర్స్​ ఉంటాయని తెలుస్తోంది.

ఇదీ చూడండి:- OnePlus 12 vs Google Pixel 8 : ఈ రెండు స్మార్ట్​ఫోన్స్​లో ఏది బెస్ట్​?

హానర్​ మేజిక్​ 6 పోర్షే మోడల్​ కూడా..!

హానర్​ మేజిక్​ 6 సిరీస్​లో వచ్చే 3 స్మార్ట్​ఫోన్స్​తో పాటు ఒక స్పెషల్​ ఎడిషన్​ని కూడా లాంచ్​ చేయాలని సంస్థ ప్లాన్​ చేస్తోంది! దీని పేరు హానర్​ మేజిక్​ 6 పోర్షే ఎడిషన్​. ఐకానిక్​ పోర్షే 911 స్పోర్ట్స్​ కార్​లోని డిజైన్​ ఎలిమెంట్స్​ ఈ స్మార్ట్​ఫోన్​లో ఉంటాయని సమాచారం. స్పెసిఫికేషన్స్​ మాత్రం మేజిక్​ 6 ప్రోని పోలి ఉంటాయని తెలుసతోంది. ఈ స్పెషల్​ ఎడిషన్​లో 160 ఎంపీ పెరిస్కోపిక్​ టెలిఫొటోలెన్స్​ ఉంటుందని టాక్​ నడుస్తోంది. ఈ వార్తతో స్మార్ట్​ఫోన్​ ప్రియులు ఎగ్జైట్​ అవుతున్నారు.

HONOR Magic6 price in India : ఇక ఈ హానర్​ మేజిక్​ 6 సిరీస్​ ఇతర ఫీచర్స్​, ధర వివరాలపై క్లారిటీ లేదు. లాంచ్​ టైమ్​ నాటికి వీటిపై పూర్తి వివరాలు అందుబాటులోకి వస్తాయి.