OPPO A59 5G : ఒప్పో ఏ59 వచ్చేసింది.. తక్కువ ధరకే సూపర్​ ఫీచర్స్​..!

OPPO A59 5G : ఒప్పో సంస్థ.. కొత్త స్మార్ట్​ఫోన్​ని ఇండియాలో లాంచ్​ చేసింది. దీని పేరు ఒప్పో ఏ59. ఇదొక 5జీ గ్యాడ్జెట్​. ఈ నేపథ్యంలో ఈ మోడల్​ ఫీచర్స్​, ధర వంటి వివరాలను ఇక్కడ తెలుసుకుందాము..

ఒప్పో ఏ59 5జీ..

ఒప్పో కొత్త స్మార్ట్​ఫోన్​లో ఫ్లాట్​ ఫ్రేమ్​, సిల్క్​ టెక్స్​చర్​ డిజైన్​, సైడ్​ మౌంటెడ్​ ఫింగర్​ప్రింట్​ స్కానర్​ వంటివి ఉంటాయి. 90 హెచ్​జెడ్​ రిఫ్రెష్​ రేట్​తో కూడిన 6.57 ఇంచ్​ హెచ్​డీ+ ఎల్​సీడీ డిస్​ప్లే దీని సొంతం. ఐపీ54 రేటింగ్​ డస్ట్​- వాటర్​ రెసిస్టెన్స్​ ఈ మొబైల్​కి లభిస్తోంది. ఈ గ్యాడ్జెట్​ బరువు 187 గ్రాములు.

OPPO A59 5G price : ఈ ఒప్పో ఏ59 5జీలో 13ఎంపీ ప్రైమరీ, 2ఎంపీ డెప్త్​ సెన్సార్​తో కూడిన డ్యూయెల్​ రేర్​ కెమెరా లభిస్తోంది. సెల్ఫీ, వీడియో కాల్స్​ కోసం 8ఎంపీ కెమెరా వస్తోంది.

ఈ స్మార్ట్​ఫోన్​లో మీడియాటెక్​ డైమెన్సిటీ 6200 చిప్​సెట్​ ఉంటుంది. ఆండ్రాయిడ్​ 13 ఆధారిత కలర్​ఓఎస్​ సాఫ్ట్​వేర్​తో ఈ మొబైల్​ పనిచేస్తుంది. 5000ఎంఏహెచ్​ బ్యాటరీ, 33వాట్​ ఫాస్ట్​ ఛార్జింగ్​ సపోర్ట్​ ఈ డివైజ్​కి లభిస్తోంది. ఇందులో ఉన్న ఏఐ ఆధారిత 'ఆల్​-డే ఛార్జింగ్​ ప్రొటెక్షన్​' ఫీచర్​ హైలైట్​! యూజర్​ కన్జమ్షన్​ ఆధారంగా.. బ్యాటరీ రీఛార్జ్​ ఉంటుంది.

ఒప్పో ఏ59 5జీ ధర ఎంతంటే..

OPPO A59 5G price in India : ఒప్పో ఏ59 5జీ 6 జీబీ ర్యామ్​- 128 జీబీ స్టోరేజ్​ వేరియంట్​ ధర రూ. 14,999గా ఉంది. ఇందులో సిల్క్​ గోల్డ్​, స్టేరీ బ్లాక్​ కలర్​ ఆప్షన్స్​ ఉన్నాయి.

ఈ ఒప్పో కొత్త స్మార్ట్​ఫోన్​.. అమెజాన్​, ఫ్లిప్​కార్ట్​తో పాటు సంస్థ ఆన్​లైన్​ స్టోర్స్​లో ఈ నెల 25 నుంచి అందుబాటులో ఉండనుంది. అంతేకాకుండా.. వివిధ బ్యాంక్​ ఆఫర్స్​ కింద రూ. 1,500 డిస్కౌంట్​ కూడా పొందొచ్చు! ఈ మొబైల్​ కొంటే.. ‘మై ఒప్పో ఎక్స్​క్లూజివ్​ ప్రోగ్రామ్​’ కింద ఆసక్తికర బహుమతులు కూడా పొందొచ్చని సంస్థ చెబుతోంది.