Oppo Reno 11 : ఒప్పో రెనో 11 సిరీస్​ లాంచ్​.. రెండు గ్యాడ్జెట్స్​- కూల్​ ఫీచర్స్​!

Oppo Reno 11 : ఒప్పో సంస్థ నుంచి సరికొత్త స్మార్ట్​ఫోన్​ సిరీస్​ లాంచ్​ అయ్యింది. దీని పేరు ఒప్పో రెనో 11. ఇందులో.. రెనో 11, రెనో 11 ప్రో మోడల్స్​ ఉన్నాయి. ఇవి చైనాలో తాజాగా అడుగుపెట్టాయి. ఈ నేపథ్యంలో ఈ స్మార్ట్​ఫోన్​ సిరీస్​ విశేషాలను ఇక్కడ తెలుసుకుందాము..

ఒప్పో రెనో 11 ఫీచర్స్​ ఇవే..

ఒప్పో రెనో 11లో 120హెచ్​జెడ్​ రిఫ్రెష్ రేట్​తో కూడిన​ 6.7 ఇంచ్​ కర్వ్​డ్​ ఫుల్​-హెచ్​డీ+ ఓఎల్​ఈడీ డిస్​ప్లే ఉంటుంది. సెంటర్​ పంచ్​-హోల్​ కటౌట్​ డిజైన్​ లభిస్తోంది. మీడియాటెక్​ డైమెన్సిటీ 8200 ఎస్​ఓసీ చిప్​సెట్​ దీని సొంతం.

కాగా.. ఒప్పో రెనో 11 ప్రో వర్షెన్​లో 120హెచ్​జెడ్​ రిఫ్రెష్​ రేట్​తో కూడిన 6.74 ఇంచ్​ ఫుల్​ హెచ్​డీ+ డిస్​ప్లే ఉంటుంది. స్నాప్​డ్రాగన్​ 8+ జెన్​ 1 ఎస్​ఓసీ చిప్​సెట్​ ఇందులో ఉంటుంది.

Oppo Reno 11 pro price : ఇక ఒప్పో రెనో 11లో 50ఎంపీ ప్రైమరీ, 8ఎంపీ అల్ట్రా-వైడ్​, 32ఎంపీ టెలిఫొటో లెన్స్​లతో కూడిన కెమెరా సెటప్​ రేర్​లో వస్తోంది. సెల్ఫీ, వీడియో కాల్స్​ కోసం 32ఎంపీ ఫ్రెంట్​ ఫేసింగ్​ కెమెరా లభిస్తోంది. ఒప్పో రెనో 11 ప్రోలో కూడా దాదాపు ఇదే రేర్​, ఫ్రెంట్​ కెమెరా సెటప్స్​ వస్తున్నాయి.

మరోవైపు రెనో 11 స్మార్ట్​ఫోన్​కు 4,800 ఎంఏహెచ్​ బ్యాటరీతో పాటు 67వాట్​ ఫాస్ట్​ ఛార్జింగ్​ సపోర్ట్​ లభిస్తోంది. ప్రో మోడల్​లో 4,700ఎంఏహెచ్​ బ్యాటరీతో పాటు 80 వాట్​ ఫాస్ట్​ ఛార్జింగ్​ సపోర్ట్​ ఉంటుంది.

ఈ కొత్త స్మార్ట్​ఫోన్​ సిరీస్​ ధరలు ఎంతంటే..

Oppo Reno 11 pro features : ఒప్పో రెనో 11 స్మార్ట్​ఫోన్​లో మూడు వేరియంట్లు ఉన్నాయి. వీటి ధరలు 2,499 యువాన్​- 2999 యువాన్​ మధ్యలో ఉన్నాయి. అంటే సుమారు రూ. 29,400- రూ. 35,200. మరోవైపు ప్రో మోడల్​లో 2 వేరియంట్లు ఉన్నాయి. వాటి ధరలు 3,499 యువాన్​- 3,799 యువాన్​ మధ్యలో ఉన్నాయి. సుమారు రూ. 41,000- రూ. 45,500.

ఓబ్సీడియన్​ బ్లాక్​, ఫ్లౌరైట్​ బ్లూ, మూన్​స్టోన్​ కలర్స్​లో ఈ స్మార్ట్​ఫోన్స్​ అందుబాటులో ఉన్నాయి. వీటి సేల్స్​ త్వరలోనే ప్రారంభమవుతాయి.

Oppo Reno 11 launch date in India : కాగా.. ఇండియాలో ఈ ఒప్పో రెనో 11 స్మార్ట్​ఫోన్​ సిరీస్​ లాంచ్​ డేట్​పై ఇంకా క్లారిటీ రాలేదు. త్వరలోనే దీనిపై సంస్థ ప్రకటన చేసే అవకాశం ఉంది.