Hero Splendor EV : హీరో స్ల్పెండర్​కి 'ఈవీ' టచ్​.. ఎలా ఉండబోతోంది?

Hero Splendor EV : ఇండియా 2 వీలర్​ ఎలక్ట్రిక్​ సెగ్మెంట్​లో పోటీ మామూలుగా లేదన్న విషయం తెలిసిందే. ఆటోమొబైల్​ సంస్థలు.. పోటీ పడి మరీ.. కొత్త కొత్త ఈవీలను లాంచ్​ చేస్తున్నాయి. ఈ నేపథ్యంలో.. ఈ సెగ్మెంట్​పై ఆధిపత్యం కోసం హీరో మోటోకార్ప్​ సంస్థ గట్టిగానే ప్లాన్​ చేసింది! భారతీయులకు సుపరిచితమైన, సంస్థకు బెస్ట్​ సెల్లింగ్​ మోడల్​గా ఉన్న హీరో స్ల్పెండర్​కు ఈవీ టచ్​ ఇచ్చేందుకు ఏర్పాట్లు చేసుకుంటోంది. ఈ హీరో స్ల్పెండర్​ ఈవీ.. త్వరలోనే మార్కెట్​లోకి అడుగుపెడుతుందని తెలుస్తోంది. ఈ నేపథ్యంలో.. ఈ మోడల్​పై ఇప్పటివరకు ఉన్న వివరాలను ఇక్కడ తెలుసుకుందాము..

హీరో స్ల్పెండర్​ ఈవీ వచ్చేస్తోంది..

ఈ స్ల్పెండర్​ ఈవీ​కి సంబంధించిన ప్రోటోటైప్​ బైక్​కు చెందిన టెస్ట్​ డ్రైవ్​ని ఇటీవలే నిర్వహించింది హీరో మోటోకార్ప్​ సంస్థ. పూణెలో ఈ టెస్ట్​ డ్రైవ్​ జరిగింది. గోగోఏ1కు చెందిన ఎలక్ట్రిక్​ కన్వర్జేషన్​ కిట్​.. ఈ స్ల్పెండర్​ ఈవీకి ఉంటుందని టాక్​ నడుస్తోంది. ఐసీఈ- ఇంజిన్​ వెహికిల్స్​కి ఎలక్ట్రిఫికేషన్​ టచ్​ ఇచ్చే విషయంలో ఈ గోగోఏ1 ప్రసిద్ధి.

Hero Splendor EV price : హీరో మోటోకార్ప్​తో పాటు హోండా 2 వీలర్స్​కి కూడా.. ఎలక్ట్రిక్​ కన్వర్షన్​ కిట్లు ఇస్తోంది గోగోఏ1. వీటిల్లో హీరో స్ల్పెండర్​ కూడా ఉన్నట్టు తెలుస్తోంది.

ఇదీ చూడండి:- Tata Punch EV on road price in Hyderabad : హైదరాబాద్​లో టాటా పంచ్​ ఈవీ ఆన్​రోడ్​ ప్రైజ్​ ఎంతంటే..

ఈ నేపథ్యంలో.. హీరో స్ల్పెండర్​ ఎలక్ట్రిక్​ బైక్​లో రేర్​ హబ్​ మోటర్​ ఉంటుందని సమాచారం. ఇందులో 3.94 కేడబ్ల్యూహెచ్​ బ్యాటరీ ఉండొచ్చు. ఈ ఇంజిన్​.. 5.28 హెచ్​పీ పవర్​ని జనరేట్​ చేస్తుంది.

Hero Splendor EV conversion kit : హీరో స్ల్పెండర్​ ఈవీకి ఇస్తున్న ఎలక్ట్రిక్​ కన్వర్షన్​ కిట్​పై గోగోఏ1 ఇంకా స్పందించలేదు. త్వరలోనే దీనిపై ఓ క్లారిటీ వచ్చే అవకాశం ఉంది.

ఇక ఈ హీరో స్ల్పెండర్​ ఈవీ ఫీచర్స్​, ధర వంటి వివరాలు ప్రస్తుతం అందుబాటులో లేవు. వీటిపైనా త్వరలోనే అప్డేట్​ లభించవచ్చు.