Tata Altroz EV : టాటా మోటార్స్​ నుంచి మరో ఎలక్ట్రిక్​ వెహికిల్​.. ఆల్ట్రోజ్​ ఈవీ వచ్చేస్తోంది!

Tata Altroz EV : దేశీయ దిగ్గజ ఆటోమొబైల్​ సంస్థ టాటా మోటార్స్​ మంచి జోరు మీద ఉంది. ఎలక్ట్రిక్​ వాహనాల సెగ్మెంట్​లో రారాజుగా కొనసాగుతున్న టాటా మోటార్స్​.. ఇటీవలే టాటా పంచ్​ ఈవీని లాంచ్​ చేసిన విషయం తెలిసిందే. ఇక ఇప్పుడు.. మరో ఎలక్ట్రిక్​ వెహికిల్​ని సిద్ధం చేస్తోంది! అదే.. టాటా ఆల్ట్రోజ్​ ఈవీ. 2025లో, అంటే వచ్చే ఏడాదే.. ఈ మోడల్​ ఇండియాలో లాంచ్​ అవుతుందని తెలుస్తోంది. ఈ నేపథ్యంలో ఈ ఈవీపై ఇప్పటివరకు ఉన్న వివరాలను ఓసారి చూసేద్దాము..

టాటా ఆల్ట్రోజ్​ ఈవీ వచ్చేస్తోంది..

2020లో జరిగిన ఆటో ఎక్స్​పోలోనే ఈ టాటా ఆల్ట్రోజ్​ ఈవీని తొలిసారిగా ప్రదర్శించింది టాటా మోటార్స్​ సంస్థ. త్వరలోనే ఇది అందుబాటులోకి వస్తుందని అందరు భావించారు. కానీ కొవిడ్​ సంక్షోభంతో పాటు టాటా నెక్సాన్​ ఈవీ, టాటా టియాగో ఈవీ, టాటా టిగోర్​ ఈవీలకు మంచి డిమాండ్​ కనిపిస్తుండటంతో.. ఈ ఎలక్ట్రిక్​ హ్యాచ్​బ్యాక్​ని కాస్త పక్కకు పెట్టింది సంస్థ. ఇక టాటా పంచ్​ ఈవీ కూడా వచ్చేయడంతో, ఆల్ట్రోజ్​ ఈవీపై మళ్లీ ఫోకస్​ పెట్టింది. ఈ క్రమంలోనే.. 2025లో జరగనున్న ఆటో ఎక్స్​పోలో దీనిని సంస్థ లాంచ్​ చేసే అవకాశం ఉందని వార్తలు వస్తున్నాయి.

Tata Altroz EV on road price Hyderabad : టాటా ఆల్ట్రోజ్​ ఈవీ డిజైన్​.. ఐసీఈ ఇంజిన్​ని పోలి ఉంటుంది. టాటా పంచ్​ ఈవీలోని మోటార్​నే ఇందులో కూడా వాడే సూచనలు కనిపిస్తున్నాయి. టాటా పంచ్​ ఈవీకి, టాటా ఆల్ట్రోజ్​ ఎలక్ట్రిక్​ వెహికిల్​కి మధ్య చాలా పోలికలు ఉండొచ్చు.

ఇంకా చెప్పాలంటే.. ఈ టాటా ఆల్ట్రోజ్​ ఈవీకి, మార్కెట్​లో అసలు పోటీనే లేదు! ఈ రకం హ్యాచ్​బ్యాక్​తో మార్కెట్​లో ఇప్పటివరకు అసలు ఒక్క మోడల్​ కూడా అందుబాటులో లేదు. అందుకే, ఆల్ట్రోజ్​ ఈవీకి మంచి డిమాండ్​ ఉంటుందని సంస్థ భావిస్తోంది. అయితే.. మారుతీ సుజుకీ, టయోటా, హ్యుందాయ్​ వంటి దిగ్గజ ఆటోమొబైల్​ సంస్థలు ఎలక్ట్రిక్​ హ్యాచ్​బ్యాక్​లను ప్లాన్​ చేస్తున్నాయి. అవి ఎప్పుడు లాంచ్​ అవుతాయో చూడాలి.

Tata Altroz EV price Hyderabad : ఇక టాటా ఆల్ట్రోజ్​ ఎలక్ట్రిక్​ వెహికిల్​ ప్రారంభ ఎక్స్​షోరూం ధర రూ. 11లక్షలు- రూ. 12లక్షల మధ్యలో ఉండొచ్చని టాక్​ నడుస్తోంది.

ఇక ఈ టాటా ఆల్ట్రోజ్​ ఈవీ ఫీచర్స్​, రేంజ్​, ఎలక్ట్రిక్​ మోటార్​ వివరాలు ప్రస్తుతం అందుబాటులో లేదు. లాంచ్​ టైమ్​ దగ్గరపడే కొద్ది.. వీటిపై ఓ క్లారిటీ వస్తుందని మార్కెట్​ వర్గాలు భావిస్తున్నాయి.

Tata Altroz EV launch in India : ఇండియాలో ఎలక్ట్రిక్​ వాహనాల సెగ్మెంట్​కు క్రేజీ డిమాండ్​ కనిపిస్తున్న నేపథ్యంలో.. ఈవీలపై ఆటోమొబైల్​ సంస్థలు ఫోకస్​ చేస్తున్నాయి. ఈవీ సెగ్మెంట్​లో రారాజుగా కొనసాగుతున్న టాటా మోటార్స్​.. ఆల్ట్రోజ్​కి ఎలక్ట్రిక్​ టచ్​ ఇచ్చి, తన ఆధిపత్యాన్ని కొనసాగించాలని ప్లాన్​ చేస్తోంది.