Flight tickets : అతి చౌకగా విమాన టికెట్లు కావాలా? గూగుల్​ మీకు సాయం చేస్తుంది..

అతి చౌకైన ధరలకు విమాన టికెట్లు బుక్​ చేసుకోవాలని చూస్తున్నారా? అయితే ఇది మీకోసమే! ఇప్పుడు గూగుల్​ మీకోసం కొత్త ఫీచర్​ని తీసుకొచ్చింది. దీని ద్వారా ‘సూపర్​ చీప్​’గాా ఫ్లైట్​ టికెట్లు బుక్​ చేసుకోవచ్చని సంస్థ చెబుతోంది. వివరాల్లోకి వెళితే..

అతి తక్కువ ధరకే విమాన టికెట్లు..

గూగుల్ ఫ్లైట్స్ మీకు డబ్బు ఆదా చేయడంలో సహాయపడే అనేక ఆప్షన్స్​ని అందిస్తుంది. ఇప్పుడు, టెక్ దిగ్గజం మీ టూల్​కిట్​లో మరొక ఫీచర్​ని జోడించింది. ఇది సూపర్-చౌక విమాన టిక్కెట్లను పొందడంలో సహాయపడుతుంది. మీరు గూగుల్ ఫ్లైట్స్​తో సెర్చ్ చేసినప్పుడు, ధర- సౌలభ్యం ఆధారంగా ఫలితాల పైన ఉత్తమ ఆప్షన్స్​ కనిపిస్తాయి.

కానీ కొన్నిసార్లు, బెస్ట్​ డీల్స్​ కోసం కొంత సౌలభ్యాన్ని వదులుకోవడానికి సిద్ధంగా ఉన్నవారికి ఈ సూపర్​ చీప్​ ఆప్షన్స్​ అందుబాటులో ఉండవచ్చు. ఉదాహరణకు ఎయిర్​లైన్స్ కంటే తక్కువ ధరను అందించే థర్డ్ పార్టీ బుకింగ్ సైట్​లు ఉండవచ్చు. లేదా మీరు బయలుదేరిన అదే నగరంలో ఉన్న వేరే విమానాశ్రయానికి తిరిగి ప్రయాణించడం ద్వారా మీరు డబ్బును ఆదా చేయవచ్చు.

"చీపెస్ట్​" ట్యాబ్​ గూగుల్ ఫ్లైట్స్​లో ఫీచర్​ వచ్చింది. మీరు ఇప్పుడు మీ ట్రిప్ వివరాలను నమోదు చేసి, మరింత తక్కువ ధరలతో మరిన్ని ఆప్షన్స్​ని చూసేందుకు "చీపెస్ట్​" పై క్లిక్​ చేయండి. గూగుల్ ఫ్లైట్స్ అందుబాటులో ఉన్న ప్రతి ప్రాంతంలో వచ్చే రెండు వారాల్లో ఈ అప్​డేట్ అందరికి లభిస్తుంది.

‘చీపెస్ట్​’ ట్యాబ్​ కింద మీకు మరిన్ని ఆప్షన్స్​ కూడా కనిపిస్తాయి. క్రియేటివ్​ ఇటినరీస్​, లాంగర్​ లేఓవర్స్​, సెల్ఫ్​- ట్రాన్స్​ఫర్స్​, కొనుగోళ్లు వంటివి కొన్ని ఆప్షన్స్​. అయితే సౌకర్యం కన్నా డబ్బుపై ఎక్కువ ఫోకస్​ చేసే వారికి సులభంగా చీపెస్ట్​ ఫ్లైట్​ టికెట్లు దొరికే విధంగా ఈ ఫీచర్​ ఉపయోగపడుతుంది. అవి చూసిన తర్వాత మీరే ఒక నిర్ణయం తీసుకోవచ్చు.

మీరు వచ్చే ఏడాది పెద్ద విహారయాత్రకు వెళుతున్నా లేదా సెలవుల కోసం ట్రిప్ ప్లాన్ చేస్తున్నా, ఈ అప్​గ్రేడ్ మీ ప్రయాణ బడ్జెట్​ను సద్వినియోగం చేసుకోవడానికి మీకు సహాయపడుతుంది.

అమెరికాలో త్వరలోనే హాలిడే సీజన్​ మొదలవుతుంది. థాంక్స్ గివింగ్, క్రిస్మస్, న్యూ ఇయర్​ నేపథ్యంలో అమెరికాలో విమాన ప్రయాణాలు అధికంగా ఉంటాయి. వాటికి అక్టోబర్​ నుంచే చాలా మంది బుకింగ్స్​ చేసుకుంటూ ఉంటారు. సరిగ్గా ఈ సమయంలో గూగుల్​ ఫ్లైట్స్​లో ఈ ఫీచర్​ అందుబాటులోకి రావడం విశేషం. అక్కడ ఏమి ఉందో చూడటానికి, ప్రయాణికులు తమ ప్రణాళికలను సిద్ధం చేయడానికి ఇది సరైన సమయం!

ఇంకో విషయం! హెచ్​టీ తెలుగు ఇప్పుడు వాట్సాప్​ ఛానెల్స్​లో అందుబాటులో ఉంది. టెక్​ ప్రపంచం నుంచి లేటెస్ట్​ అప్డేట్స్​ కోసం వాట్సాప్​లో హెచ్​టీ తెలుగు ఛానెల్​ని ఫాలో అవ్వండి..