Samsung F15 5G: శామ్సంగ్ నుంచి పోకో వరకు.. రూ. 20 వేల లోపు ధరలో బెస్ట్ స్మార్ట్ ఫోన్స్ ఇవే..

Smart phones under 20K: ప్రతిరోజూ స్మార్ట్ ఫోన్ మార్కెట్లో కొత్త కొత్త డివైజ్ లు లాంచ్ అవుతున్నాయి. సరికొత్త ఫీచర్స్ తో, అడ్వాన్స్డ్ స్పెసిఫికేషన్స్ తో స్మార్ట్ ఫోన్స్ లాంచ్ అవుతున్నాయి. వాటిలో రూ. 20 వేల లోపు ధరలో బెస్ట్ స్మార్ట్ ఫోన్స్ జాబితాను మీ కోసం ఇక్కడ ఇస్తున్నాం.

Realme 12 5G: రియల్ మీ 12 5జీ

రియల్ మీ 12 5జీలో 6.72 అంగుళాల ఫుల్ హెచ్ డీ+ డిస్ ప్లే, 2400*1800 పిక్సల్స్ రిజల్యూషన్, 120 హెర్ట్జ్ రిఫ్రెష్ రేట్ సపోర్ట్ ఉన్నాయి. మీడియాటెక్ డైమెన్సిటీ 6100+ ఎస్ఓసీ, మాలి జీ57 జీపీయూ ఆపరేటింగ్ సిస్టంపై ఈ ఫోన్ పనిచేస్తుంది. ఈ స్మార్ట్ ఫోన్ వెనుక భాగంలో డ్యూయల్ కెమెరా సెటప్ ఉంది. వీటిలో 108 మెగాపిక్సెల్ ప్రైమరీ సెన్సార్, 2 మెగాపిక్సెల్ పోర్ట్రెయిట్ సెన్సార్ ఉన్నాయి. సెల్ఫీ, వీడియో కాలింగ్ అవసరాలను తీర్చడానికి 16 మెగాపిక్సెల్ ఫ్రంట్ ఫేసింగ్ షూటర్ కూడా ఉంది. రియల్ మి 12 5జీ స్మార్ట్ ఫోన్లో 5,000 ఎంఏహెచ్ బ్యాటరీని అందించారు. 6 జీబీ ర్యామ్ /128 జీబీ స్టోరేజ్ వేరియంట్ ధర రూ.16,999 కాగా, 8 జీబీ ర్యామ్ / 128 జీబీ స్టోరేజ్ వేరియంట్ ధర రూ.17,999గా ఉంది.

Redmi Note 13 5G: రెడ్ మి నోట్ 13 5జీ

మీడియాటెక్ డైమెన్సిటీ 6080 చిప్ సెట్, మాలి-జీ57 జీపీయూతో కూడిన రెడ్ మి నోట్ 13 5జీ లోని కెమెరాను, గతంలో వచ్చిన మోడల్స్ తో పోలిస్తే బాగా అప్ గ్రేడ్ చేశారు. రెడ్ మి నోట్ 13 5 జీ లో ఇప్పుడు 108 మెగాపిక్సెల్ ఎఫ్ / 1.7 ప్రైమరీ సెన్సార్, 2 మెగాపిక్సెల్ డెప్త్ సెన్సార్ ఉన్నాయి. సెల్ఫీలు, వీడియో కాల్స్ కోసం ముందు భాగంలో 16 మెగాపిక్సెల్ సెల్ఫీ కెమెరా ఉంది. రెడ్ మి నోట్ 13 5జీలో కూడా అదే 5,000 ఎంఏహెచ్ బ్యాటరీ ఉంది, ఇది బాక్స్ లోపల అందుబాటులో ఉన్న 33 వాట్ ఛార్జర్ ద్వారా వేగంగా ఛార్జ్ చేయవచ్చు. 120 హెర్ట్జ్ రిఫ్రెష్ రేట్, 1080×2400 పిక్సెల్స్ రిజల్యూషన్తో 6.67 అంగుళాల అమోఎల్ఈడీ డిస్ ప్లే ను ఇందులో అందించారు. ఈ షియోమీ మిడ్ రేంజ్ డివైజ్ ముందు భాగంలో కార్నింగ్ గొరిల్లా గ్లాస్ 5 ప్రొటెక్షన్ ఉంది.

Samsung F15 5G: శాంసంగ్ ఎఫ్15 5జీ

శామ్సంగ్ గెలాక్సీ ఎఫ్15 5జీ (SAMSUNG GALAXY F15 5G) లో 90 హెర్ట్జ్ రిఫ్రెష్ రేట్ తో 6.5 అంగుళాల ఫుల్ హెచ్డీ+ సామోలెడ్ డిస్ ప్లే ఉంటుంది. ఇందులో మీడియాటెక్ డైమెన్సిటీ 6100+ ప్రాసెసర్ ను అమర్చారు. ఈ స్మార్ట్ ఫోన్ 6 జీబీ వరకు ర్యామ్, 128 జీబీ వరకు స్టోరేజ్ ను సపోర్ట్ చేస్తుంది. గెలాక్సీ ఎఫ్ 15 5జీ లో మైక్రో ఎస్డీ కార్డ్ ద్వారా 1 టిబి వరకు స్టోరేజ్ ను పెంచుకోవచ్చు. గెలాక్సీ ఎఫ్ 15 5 జీ ఆండ్రాయిడ్ 14 ఆపరేటింగ్ సిస్టమ్ ఆధారిత వన్ యుఐ 6 పై నడుస్తుంది. శాంసంగ్ ఈ ఫోన్ తో 4 సంవత్సరాల ఓఎస్ అప్ డేట్ లను అందించనుంది. అంటే గెలాక్సీ ఎఫ్ 15 5 జీ కనీసం ఆండ్రాయిడ్ 18 వరకు ఓఎస్ అప్ గ్రేడ్ లను అందుకుంటుంది. ఈ శామ్సంగ్ గెలాక్సీ ఎఫ్15 5జీ 4 జీబీ ర్యామ్ / 128 జీబీ స్టోరేజ్ వేరియంట్ ధర రూ .12,999, 6 జీబీ ర్యామ్ / 128 జీబీ స్టోరేజ్ వేరియంట్ ధర రూ .14,999 గా ఉంది. ఈ స్మార్ట్ ఫోన్ యాష్ బ్లాక్, జాజీ గ్రీన్, గ్రూవీ వయొలెట్ అనే మూడు కలర్ వేరియంట్లలో లభిస్తుంది.

iQOO Z9 5G: ఐక్యూ జెడ్ 9 5జీ

ఐక్యూ జెడ్9 5జీ (iQOO Z9 5G) లో మీడియాటెక్ డైమెన్సిటీ 7200 చిప్సెట్, అన్ని గ్రాఫిక్స్ ఇంటెన్సివ్ పనుల కోసం మాలి-జీ610 జీపీయూను జత చేశారు. ఐక్యూ నుండి వచ్చిన లేటెస్ట్ మిడ్ రేంజ్ స్మార్ట్ ఫోన్ ఇది. ఇందులో 8 జీబీ వరకు ఎల్పిడిడిఆర్ 4ఎక్స్ ర్యామ్, 256 జీబీ వరకు యుఎఫ్ఎస్ 2.2 స్టోరేజ్ ఉన్నాయి. ఐక్యూ జెడ్ 9 5జీ మైక్రో ఎస్డీ కార్డ్ స్లాట్ ద్వారా 1 టీబీ వరకు ఎక్స్పాండబుల్ స్టోరేజ్ ను అందిస్తుంది. ఐక్యూ జెడ్9 5జీలో డ్యూయల్ రియర్ కెమెరా సెటప్ ఉంది. ముందు వైపు 50 మెగాపిక్సెల్ సోనీ ఐఎంఎక్స్882 ప్రైమరీ సెన్సార్, ఓఐఎస్, ఈఐఎస్ సపోర్ట్, 2 మెగాపిక్సెల్ డెప్త్ సెన్సార్ ఉన్నాయి. సెల్ఫీ, వీడియో కాల్ సంబంధిత అవసరాల కోసం 16 మెగాపిక్సెల్ ఫ్రంట్ ఫేసింగ్ షూటర్ కూడా ఉంది. ఐక్యూ జెడ్ 9 5జీ స్మార్ట్ఫోన్ 8 జీబీ ర్యామ్/128 జీబీ స్టోరేజ్ వేరియంట్ ధర రూ.19,999 కాగా, 8 జీబీ ర్యామ్/256 జీబీ స్టోరేజ్ వేరియంట్ ధర రూ.21,999

Poco X6 Neo: పోకో ఎక్స్ 6 నియో

పోకో ఎక్స్ 6 నియో 6.67 అంగుళాల ఫుల్ హెచ్డీ+ సూపర్ అమోలెడ్ డిస్ ప్లే, 1080×2400 పిక్సెల్స్ రిజల్యూషన్ తో వస్తుంది. ఈ స్మార్ట్ ఫోన్ కు 2160 హెర్ట్జ్ ఇన్స్టంట్ టచ్ శాంప్లింగ్ రేట్, కార్నింగ్ గొరిల్లా గ్లాస్ 5 ప్రొటెక్షన్ ఉన్నాయి. ఈ పోకో మిడ్-రేంజర్ మీడియాటెక్ డైమెన్సిటీ 6080 చిప్ సెట్ తో పనిచేస్తుంది. అన్ని గ్రాఫిక్స్-ఇంటెన్సివ్ పనుల కోసం మాలి జి 57 ఎంసి 2 జిపియుతో జతచేయబడింది. 8 జీబీ వరకు LPDDR4X ర్యామ్, 128 జీబీ వరకు యూఎఫ్ఎస్ 2.2 స్టోరేజ్ ఇందులో ఉన్నాయి. పోకో ఎక్స్6 నియో స్టోరేజ్ ను మైక్రో ఎస్డీ కార్డ్ స్లాట్ ద్వారా 1 టీబీ వరకు పెంచుకోవచ్చు.

పోకో ఎక్స్ 6 నియో 8 జీబీ ర్యామ్ / 128 జీబీ స్టోరేజ్ వేరియంట్ ధర రూ .15,999, 12 జీబీ ర్యామ్ / 256 జీబీ స్టోరేజ్ వేరియంట్ ధర రూ .17,999. ఐసీఐసీఐ బ్యాంక్ కార్డుల ద్వారా చెల్లింపులు చేస్తే రూ.1,000 ఇన్ స్టంట్ డిస్కౌంట్ ను పోకో అందిస్తోంది. తాజా పోకో ఎక్స్ సిరీస్ ఫోన్ ఆస్ట్రల్ బ్లాక్, హారిజాన్ బ్లూ, మార్టియన్ ఆరెంజ్ రంగుల్లో మార్చి 18 నుంచి ఫ్లిప్ కార్ట్ లో లభ్యం కానుంది.