Bank Holiday today : ఆంధ్ర, తెలంగాణలో నేడు బ్యాంక్​లకు సెలవు.. రేపు కూడా!

ఈద్-ఎ-మిలాద్-ఉన్-నబీని కేంద్ర ప్రభుత్వ సెలవుదినంగా గుర్తించిన నేపథ్యంలో సెప్టెంబర్​ 16, సోమవారం దేశవ్యాప్తంగా కొన్ని రాష్ట్రాల్లోని బ్యాంకులకు సెలవు ఉంటుంది. ఆంధ్రప్రదేశ్​, తెలంగాణ, గుజరాత్, మిజోరాం, కర్ణాటక, తమిళనాడు, ఉత్తరాఖండ్, మణిపూర్, జమ్మూ, కేరళ, ఉత్తర్​ప్రదేశ్, దిల్లీ, ఛత్తీస్​గఢ్​, ఝార్ఖండ్ రాష్ట్రాల్లో ఈద్-మిలాద్ సందర్భంగా బ్యాంకులకు నేడు సెలవు ఉంటుంది.

అంతేకాదు.. గణేశ్​ నిమజ్జనం కారణంగా సెప్టెంబర్​ 17, మంగళవారం కూడా బ్యాంకులకు సెలవు. అంటే.. సెప్టెంబర్​ 14 రెండో శనివారం నుంచి బ్యాంకులకు వరుసగా 4 రోజులు సెలవుల్లో ఉన్నాయి.

ఈ వారంలో మరిన్ని సెలవులు..

వీటితో పాటు సెప్టెంబర్ 18న శ్రీ నారాయణ గురు జయంతి (బుధవారం) - కేరళలోని బ్యాంకులకు సెలవు ఉంటుంది. సెప్టెంబర్ 21 (శ్రీ నారాయణ గురు సమాధి - కేరళ), సెప్టెంబర్ 22 (ఆదివారం - పాన్-ఇండియా), సెప్టెంబర్ 23 (వీరమరణ దినం - హరియాణా) సెలవులు కూడా ఉన్నాయి. సెప్టెంబర్ 25న శ్రీనగర్​లో బ్యాంకులు మూతపడి ఉంటాయి.

సెప్టెంబర్​ 7న బ్యాంకులకు వినాయక చవితి సెలవు లభించింది. వారాంతపు సెలవులను కూడా కలుపుకుంటే.. సెప్టెంబర్​లో బ్యాంకులకు మొత్తం మీద 14 రోజుల వరకు సెలవులు లభించాయి. అయితే ఇవి ప్రాంతాల బట్టి మారుతూ ఉంటాయి.

ఇదీ చూడండి:- 2 Pan Cards Penalty : మీ దగ్గర 2 పాన్ కార్డులు ఉన్నాయా? అయితే రూ.10 వేల ఫైన్

రిజర్వ్ బ్యాంక్ ఆఫ్ ఇండియా (ఆర్బీఐ), రాష్ట్ర ప్రభుత్వాలు జాతీయ- స్థానిక సందర్భాలు, కార్యాచరణ అవసరాలు, మతపరమైన వేడుకలు, ఇతర సాంస్కృతిక ఆచారాలను పరిగణనలోకి తీసుకొని బ్యాంకులకు సెలవుల జాబితాను రూపొందిస్తాయి. సెంట్రల్ బ్యాంక్ తన అధికారిక వెబ్సైట్, నోటిఫికేషన్ల ద్వారా బ్యాంకులు, ఇతర ఆర్థిక సంస్థలకు ప్రకటన చేస్తుంది. ఈ బ్యాంకు సెలవుల లిస్ట్​ని ముందే తెలుసుకుని మీరు జాగ్రత్త పడి, బ్యాంక్​ కార్యకలాపాలను ప్లాన్​ చేసుకోవాల్సి ఉంటుంది.

అందుబాటులో ఆన్​లైన్​ బ్యాంకింగ్​..

బ్యాంకు శాఖలు మూసివేసినప్పటికీ, ఆన్​లైన్​ బ్యాంకింగ్ సేవలు అందుబాటులో ఉంటాయి. సులభంగా లావాదేవీలు నిర్వహించడానికి, బ్యాలెన్స్​ని తనిఖీ చేయడానికి, ఇతర ఆర్థిక కార్యకలాపాలను నిర్వహించడానికి వీటిని వినియోగదారులు ఉపయోగించుకోవచ్చు.

నగదు అత్యవసర పరిస్థితుల కోసం, సెలవులతో సంబంధం లేకుండా అన్ని బ్యాంకులు వారి ఆన్​లైన్ వెబ్సైట్లు, మొబైల్ బ్యాంకింగ్ సేవల యాప్స్​ని నిర్వహిస్తాయి. నగదు ఉపసంహరణ కోసం మీరు ఏ బ్యాంకు ఏటిఎంనైనా యాక్సెస్ చేసుకోవచ్చు.