Electric scooter : ఈ బెస్ట్​ సెల్లింగ్​ ఎలక్ట్రిక్​ స్కూటర్​పై భారీ డిస్కౌంట్​- ఫుల్​గా డబ్బులు ఆదా!

ఇండియాలో బెస్ట్​ సెల్లింగ్​ ఎలక్ట్రిక్​ స్కూటర్స్​లో ఒకటి టీవీఎస్ ఐక్యూబ్. ఇప్పుడు ఈ ఎలక్ట్రిక్ స్కూటర్​ని ఈ-కామర్స్ వెబ్​సైట్​ ఫ్లిప్​కర్ట్​లో భారీ డిస్కౌంట్​తో కొనుగోలు చేసుకోవచ్చు. ఈ టీవీఎస్​ ఐక్యూబ్​ ఈ-స్కూటర్ ఫ్లిప్​కార్ట్​లో ఇప్పుడు సుమారు రూ.85,000 (ఎక్స్ షోరూమ్)కు లభిస్తోంది. డిసెంబర్ 25, అంటే బుధవారం వరకు ఈ ఆఫర్ అందుబాటులో ఉంటుందని గుర్తుపెట్టుకోవాలి. ఇప్పుడు కొనుగోలు చేస్తే భారీగా డబ్బులు ఆదా చేసుకున్నట్టు అవుతుంది.

టీవీఎస్ ఐక్యూబ్: ఫ్లిప్​కార్ట్​ డిస్కౌంట్​..

టీవీఎస్ ఐక్యూబ్ ఎలక్ట్రిక్​ స్కూటర్ ధర ఫ్లిప్​కార్ట్​లో​.. డిస్కౌంట్లకి ముందు రూ .1,03,299 (ఎక్స్-షోరూమ్) వద్ద ఉంది. అయితే ఫ్లిప్​కార్ట్​  #justforyou డిస్కౌంట్​ ప్రోగ్రామ్​లో ఈ ఈ-స్కూటర్ ధర రూ .4000 తగ్గింది. ఇక రూ.20,000 కార్ట్​ వాల్యూపై రూ.12,300 డిస్కౌంట్ లభిస్తోంది. గేమ్ ఛేంజర్ అయిన చివరి డిస్కౌంట్ ఫ్లిప్​కార్ట్ యాక్సిస్ క్రెడిట్ కార్డు నుంచి పేమెంట్ ఆఫర్. ఈ కార్డును ఉపయోగించి, కొనుగోలుదారులు రూ. 5,619 తగ్గింపు పొందవచ్చు. ఫలితంగా టీవీఎస్​ ఐక్యూబ్​ స్కూటర్ ఫైనల్​ రేటు కేవలం రూ .85,380 కు తగ్గుతుంది.

టీవీఎస్ ఐక్యూబ్: బ్యాటరీ, రేంజ్​..

టీవీఎస్ ఐక్యూబ్ ఎలక్ట్రిక్​ స్కూటర్​లో 2.2 కిలోవాట్, 3.4 కిలోవాట్ ఆప్షన్స్​ సహా రెండు వేరియంట్లు ఉన్నాయి. 2.2 కిలోవాట్ల బ్యాటరీ ప్యాక్ టీవీఎస్ ఐక్యూబ్ 2 గంటల 45 నిమిషాల్లో 0-80 శాతం ఛార్జింగ్ అవుతుంద. ఫుల్ ఛార్జ్ చేస్తే ఈ బ్యాటరీ ప్యాక్ 75 కిలోమీటర్ల రేంజ్​ని అందిస్తుంది. ఈ స్కూటర్ మోటార్ 4.4 కిలోవాట్ల రేటింగ్ కలిగి ఉంది. ఇది 140 ఎన్ఎమ్ గరిష్ట టార్క్​ని జనరేట్​ చేస్తుంది. ఈ-స్కూటర్ గరిష్ట వేగం గంటకు 75 కిలోమీటర్లు.

టీవీఎస్ ఐక్యూబ్: ఫీచర్లు, కలర్ ఆప్షన్లు..

2.2 కిలోవాట్ల వేరియంట్​లో 5 ఇంచ్​ కలర్ టీఎఫ్​టీ స్క్రీన్, ఫ్రంట్ డిస్క్ బ్రేక్స్, 30 లీటర్ల అండర్ సీట్ స్టోరేజ్ ఉన్నాయి. వెహికల్ క్రాష్ అండ్ టో అలర్ట్స్, టర్న్ బై టర్న్ నావిగేషన్, పార్క్ అసిస్ట్, యూఎస్​బీ ఛార్జింగ్ పోర్ట్, రిమోట్ ఛార్జింగ్ స్టేటస్, ఇతర కనెక్టెడ్ ఫీచర్లు ఈ స్కూటర్​లో ఉన్నాయి.

టీవీఎస్ ఐక్యూబ్ 2.2 కిలోవాట్ ఆప్షన్ వాల్నట్ బ్రౌన్, పర్ల్ వైట్​ వంటి రెండు కలర్ ఆప్షన్లలో లభిస్తుంది.

ఏథర్ రిజ్టా, ఓలా ఎస్​1 ఎయిర్, ఆంపియర్ నెక్సస్, బజాజ్ చేతక్ తదితర మోడళ్లకు టీవీఎస్​ ఐక్యూబ్​ ఎలక్ట్రిక్​ స్కూటర్​ గట్టి పోటీని ఇస్తోంది.